ພະແນກຖວທ ປະກາດພະນັກງານອອກພັກຜ່ອນຮັບເບ້ຍບໍານານ



ພິທີປະກາດພະນັກງານອອກພັກຜ່ອນ ຮັບເບ້ຍບໍານານ ສົກປີ 2016-2017 ຂອງພະແນກຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ (ຖວທ) ແຂວງຈໍາປາສັກ ໄດ້ຈັດຂຶ້ນໃນວັນທີ 23 ກຸມພາ 2018 ຢູ່ທີ່ຫໍວັດທະນະທໍາບັນດາເຜົ່າ ຫຼັກ 7 ໂດຍໃຫ້ກຽດເຂົ້າຮ່ວມຂອງທ່ານ ບົວທອງ ສຸວັນນະສານ ກໍາມະການພັກແຂວງ ຫົວໜ້າພະແນກ ຖວທ ແຂວງ. ມີຄະນະພະແນກ ຖວທ, ຫົວໜ້າຂະແໜງການ-ກອງວິຊາການອ້ອມຂ້າງພະແນກ ຖວທ, ຫົວໜ້າຫ້ອງການ ຖວທ ເມືອງປາກເຊ, ຫົວໜ້າຫ້ອງການ ຖວທ ເມືອງໂພນທອງ ແລະ ພະນັກງານ-ລັດຖະກອນພາຍໃນພະແນກ ຖວທ ເຂົ້າຮ່ວມ.

ໃນພິທີໄດ້ຜ່ານຂໍ້ຕົກລົງຂອງທ່ານ ເຈົ້າແຂວງຈໍາປາສັກ ວ່າດ້ວຍການອະນຸມັດໃຫ້ພະນັກງານ-ລັດຖະກອນ ອອກພັກຜ່ອນຮັບເບ້ຍບໍານານ ຄື: ເຫັນດີໃຫ້ທ່ານ ສີວອນ ວັງກອນວິໄລ ຮອງຫົວໜ້າພະແນກ ຖວທ ອອກພັກຜ່ອນຮັບອຸດໜູນບໍານານ ລວມອາຍຸກະສຽນ 61 ປີ, ລວມປີການ 38 ປີ, ສ່ວນຮ້ອຍບໍານານເທົ່າກັບ 83%. ເຫັນດີໃຫ້ທ່ານ ພູເງິນ ບົວສີ ຮອງຫົວໜ້າພະແນກ ຖວທ ອອກພັກຜ່ອນຮັບອຸດໜູນບໍານານ ລວມອາຍຸກະສຽນ 61 ປີ, ລວມປີການ 37 ປີ, ສ່ວນຮ້ອຍບໍານານເທົ່າກັບ 82%.


ໂອກາດນີ້ທ່ານ ບົວທອງ ສຸວັນນະສານ ກໍ່ໄດ້ກ່າວສະແດງຄວາມຍ້ອງຍໍຊົມເຊີຍ ຕໍ່ໝາກຜົນ,ຜົນງານໃນແຕ່ລະດ້ານ ຂອງທັງ 2 ທ່ານ ທີ່ອອກພັກຜ່ອນຮັບເບ້ຍບໍານານ ເຊິ່ງສາມາດຍາດມາໄດ້ໃນໄລຍະຜ່ານມາ ເປັນຕົ້ນ: ແມ່ນການເຄື່ອນໄຫວຊີ້ນໍາ-ນໍາພາ ຈັດຕັ້ງປະຕິບັດວຽກງານແຕ່ລະດ້ານ ທີ່ໄດ້ຮັບການມອບໝາຍ ໃຫ້ມີຜົນສໍາເລັດເປັນຢ່າງດີ. ພ້ອມນີ້ທ່ານ ບົວທອງ ສຸວັນນະສານ ກໍ່ໄດ້ໃຫ້ກຽດມອບນະໂຍບາຍໃຫ້ແກ່ ພະນັກງານທີ່ອອກພັກຜ່ອນຮັບເບ້ຍບໍານານຄື: ມອບພາຫະນະລົດໃຫຍ່ໃຫ້ທ່ານ ລະ 1 ຄັນ, ອຸປະກອນຮັບໃຊ້ໃນຄົວເຮືອນຈໍານວນໜຶ່ງ. ນອກນີ້ບັນດາຂະແໜງການ, ກອງວິຊາການອ້ອມຂ້າງພະແນກ ແລະ ຫ້ອງການ ຖວທ ເມືອງ ກໍ່ໄດ້ມອບຂອງຂວັນ ໃຫ້ແກ່ພະນັກງານອອກພັກຜ່ອນບໍານານໃນຄັ້ງນີ້ຕື່ມອີກ.


ພາບ ແລະ ຂ່າວ:  ວິທະຍຸກະຈາຍສຽງຈໍາປາສັກ 
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

Post a Comment

0 Comments