ຮອງປະທານສະພາແຫ່ງຊາດ ພ້ອມຄະນະ ເຮັດວຽກຢູ່ເມືອງເງິນ



ວັນທີ 13 ກຸມພາ 2018 ນີ້ ຢູ່ທີ່ດ່ານສາກົນນ້ຳເງິນ ເມືອງເງິນ ແຂວງໄຊຍະບູລີ ທ່ານ ບຸນປອນ ບຸດຕະນະວົງ ຮອງປະທານສະພາແຫ່ງຊາດ ພ້ອມດ້ວຍຄະນະນຳຂອງແຂວງ ໄດ້ລົງຢ້ຽມຢາມ ແລະ ເຄື່ອນໄຫວ,ຊຸກຍູ້ ຕິດຕາມ, ກວດກາ ວຽກງານຢູ່ເມືອງເງິນ. ເຊີ່ງໃຫ້ກຽດຕ້ອນຮັບອັນອົບອຸ່ນໂດຍແມ່ນ ທ່ານ ບຸນມີ ຈັນທິບ ກຳມະການພັກແຂວງ ເລຂາພັກເມືອງເຈົ້າເມືອງໆເງິນ ພ້ອມດ້ວຍຄະນະ.




ການລົງມາຢ້ຽມຢາມ ແລະ ເຄື່ອນໄຫວ,ຊຸກຍູ້ ຕິດຕາມ, ກວດກາ ວຽກງານໃນຄັ້ງນີ້ ທ່ານ ບຸນມີ ຈັນທິບ ກຳມະການພັກແຂວງ ເລຂາພັກເມືອງເຈົ້າເມືອງໆເງິນ ໄດ້ລາຍງານສະພາບການພັດທະນເສດຖະກິດສັງຄົມຂອງເມືອງໂດຍຫຍໍ້. 


ຈາກນັ້ນທ່ານ ຮອງປະທານສະພາແຫ່ງຊາດ ກໍ່ໃຫ້້ກຽດໂອ້ລົມ ກ່ອນອື່ນທ່ານ ໄດ້ຍ້ອງຍໍຊົມເຊີຍ ຕໍ່ຜົນງານທີ່ຍາດມາໄດ້ໃນໄລຍະ ຜ່ານມາ ໃຫ້ເອົາໃຈໃສ່ໃນການຊີ້ນຳວຽກງານຮອບດ້ານ ຢູ່ພາຍໃນເມືອງ ໃຫ້ນັບມື້ນັບພັດທະນາຂື້ນໄປເລື້ອຍໆ , ແລະ ທ່ານຍັງໄດ້ເໜັ້ນໜັກຕໍ່ວຽກງານການປ້ອງກັນຊາດ- ປ້ອງກັນຄວາມສະຫງົບ ຕາມຂອບເຂດຊາຍແດນ ລະຫວ່າງເມືອງເງິນ ກັບອຳເພີສະເຫຼີມພະກຽດ ຈັງຫວັດນ່ານ ປະເທດໄທ ໃຫ້ເປັນສາຍແດນແຫ່ງສັນຕິພາບ . ຈາກນັ້ນ ທ່ານ ບຸນປອນ ບຸດຕະນະວົງ ຮອງປະທານສະພາແຫ່ງຊາດ ພ້ອມດ້ວຍຄະນະນຳຂອງແຂວງ-ເມືອງ ກໍ່ໄດ້ໄປຢຽມຢາມດ່ານສາກົນນ້ຳເງິນ ກໍ່ຄືຈຸດຜ່ານແດນລາວ-ໄທ ອີກດ້ວຍ.






ໂດຍ: ອິນແປງ ແຫວນຄຳ


Post a Comment

0 Comments