ຄະນະນຳ ຄູ-ອາຈານ ໂຮງຮຽນ ມສ ເມືອງຄອບ ມາຢ້ຽມຢາມ ແລກປ່ຽນບົດຮຽນທາງດ້ານວິຊາການ ແລະ ບໍລິຫານໂຮງຮຽນ ຢູ່ ມສ ເມືອງເງິນ


ວັນທີ 21 ກຸມພາ 2018 ນີ້ ຢູ່ທີ່ ໂຮງຮຽນ ມັດທະຍົມສົມບູນເມືອງເງິນ ແຂວງໄຊຍະບູລີ. ທ່ານ ສອນສຸກ ພວງແກ້ວ ຮອງເລຂາພັກເມືອງ ຮອງເຈົ້າເມືອງເງິນ ແລະ ທ່ານ ສີສະຫວັດ ພົມມະເສນ ວ່າການຫົວໜ້າ ຫ້ອງການສຶກສາທິການ ແລະ ກິລາ ເມືອງ ພ້ອມດ້ວຍອຳນວຍການໂຮງຮຽນ, ພະນັກງານຄູ-ອາຈານ, ສະມາຄົມພໍ່ແມ່ນັກຮຽນ ແລະນ້ອງນັກຮຽນ ໄດ້ຕ້ອນຮັບ ທ່ານ ສົມນຶກ ສິງຄຳ ຄະນະປະຈຳພັກເມືອງ, ຮອງເຈົ້າເມືອງໆ ຄອບ ພ້ອມດ້ວຍຄະນະສຶກສາ ,ຜູ້ອຳນວຍການໂຮງຮຽນ ຄູອາຈານ ໂຮງຮຽນ ມສ  ເມືອງຄອບ.ທີ່ມາແລກປ່ຽນບົດຮຽນທາງດ້ານວິຊາການ ແລະ ບໍລິຫານໂຮງຮຽນ ຢູ່ ມສ ເມືອງເງິນ




ການມາຢ້ຽມຢາມແລະ ຖອດຖອນບົດຮຽນ ໃນຄັ້ງນີ້ທ່ານ ສອນສຸກ ພວງແກ້ວ ຮອງເລຂາພັກເມືອງ ຮອງເຈົ້າເມືອງເງິນກໍ່ໄດ້ກ່າວຕ້ອນຮັບ ທີມງານຈາກເມືອງຄອບ ພ້ອມທັງລາຍງານສະພາບລວມເມືອງເງິນໂດຍຫຍໍ້, ຈາກນັ້ນ ຜູ້ອຳນວຍການໂຮງຮຽນທັງສອງແຫ່ງກໍ່ໄດ້ຜ່ານບົດລາຍງານຫຍໍ້ຂອງໂຮງຮຽນ




ໂຮງຮຽນ ມສ ເມືອງເງິນມີອາຄານທັງໝົດ 6 ຫຼັງໃນນີ້, ອາຄານຮຽນ 4 ຫຼັງ ປະກອບມີ 14 ຫ້ອງ, ມີນັກຮຽນທັງໝົດ 455 ນ້ອງ,ຍິງ 220 ນ້ອງ.



ການຖອດຖອນບົດຮຽນໃນຄັ້ງນີ້ຄູ-ອາຈານ ມສ ເມືອງຄອບ ແລະ ມສ ເມືອງເງິນ ກໍ່ໄດ້ສົນທະນາ ແລກ ປ່ຽນບົດຮຽນ ໂດຍສະເພາະແມ່ນ ວຽກງານບໍລິຫານ, ວຽກງານວິຊາການ, ວຽກງານຄຸ້ມຄອງບຸກຄາລະກອນ,ວຽກງານເຕັກໂນໂລຊີ ແລະ ວຽກງານອື່ນໆ. ຈາກນັ້ນກໍໄດ້ ທ່ຽວຊົມສະພາບແວດລ້ອມຂອງໂຮງຮຽນ, ຮ່ວມໂມງສອນ, ແລະ ຖອດຖອນບົດຮຽນເຊີ່ງກັນ ແລະ ກັນ ນີ້ກໍ່ເພື່ອແນ່ໃສ່ພັດທະນາວຽກງານການສຶກສາທັງສອງເມືອງ ໃຫ້ມີທ່ວງທ່າຂະຫຍາຍຕົວຂື້ນໄປເລື້ອຍໆ ຕອນທ້າຍ ຂອງພິທີ ກໍ່ໄດ້ຈັດກິດຈະກຳ ແຂ່ງຂັນກິລາບານເຕະຊາຍ ແລະ ບານສົ່ງ ຍິງ-ຊາຍ ລະຫວ່າງຄູອາຈານ ມສ ທັງສອງແຫ່ງອີກດ້ວຍ.




ໂດຍ: ອິນແປງ ແຫວນຄຳ






Post a Comment

0 Comments