ພະນັກງານວິຊາຂະແໜງປູກຝັງອົບຮົມກ່ຽວກັບການວິໄຈສານຜິດຕົກຄ້າງໃນພຶດ ແລະ ໝາກໄມ້




ໃນວັນທີ 27 ກຸມພາຜ່ານມາຢູ່ທີ່ຂະແໜງປູກຝັງພະແນກກະສິກຳ ແລະປ່າໄມ້ແຂວງສູນປ້ອງກັນພຶດກົມປູກຝັງ ໄດ້ຈັດອົບຮົມກ່ຽວກັບການວິໄຈສານຜິດຕົກຄ້າງໃນພຶດ ແລະໝາກໄມ້ພະນັກງານວິຊາຂະແໜງປູກຝັງພະແນກະສິກຳ ແລະ ປ່າໄມ້ແຂວງໄຊຍະບູລີໂດຍການສຳມະນາກອນຂອງ ທ່ານນາງທິບພະວັນສີລິປັນໂຍຫົວໜ້າໜ່ວຍງານຢາປາບສັດຕູພຶດ ແລະ ອາຫານພຶດສູນປ້ອງກັນພຶດກົມປູກຝັງ,ພ້ອມທີມງານມີນັກສຳມະນາກອນຈາກຂະແໜງປູກຝັງ ແລະ ພາກສ່ນທີ່ກຽວຂ້ອງເຂົ້າຮ່ວມ.





ໃນຊຸດອົບຮົມຄັ້ງນີ້ຜູ້ເຂົ້າຮ່ວມໄດ້ຮຽນຮູ້,ຄູ່ມືວິທີ,ຂັ້ນຕອນກະກຽມ,ການໃຊ້ສານເຄມີໃຊ້ກວດກາວິໄຈສານຜິດຕົກຄ້າງໃນພຶດ ແລະ ໝາກໄມ້ວິທີສັງເກດສານຕົກຄ້າງ,ວິທີຄັດເລືອກພຶດ,ໝາກໄມ້ ແລະ ຂໍ້ຄວນລະວັງໃນການວິໄຈທັງພາກທິດສະດີ ພ້ອມກັບພາກປະຕິບັດຕົວຈິງ. ຈຸດປະສົງຝຶກອົບຄັ້ງນີ້ກໍ່ເພື່ອເປັນການສ້າງພະນັກງານຂັ້ນທ້ອງຖິ່ນໃຫ້ຮູ້ວີທີການນຳໃຊເຄື່ອງມື ແລະ ຂັ້ນຕອນຕ່າງໆ ໃນການວິໄຈສານຜິດຕົກຄ້າງໃນພຶດ ແລະ ໝາກໄມ້ ເພື່ອກວດກາສານຜິດຕົກຄ້າງເຮັດໃຫ້ປະຊາຊົນໄດ້ບໍລິໂພກພຶດ,ໝາກໄມ້ທີ່ປອດສານຜິດ

ທີ່ມາ: ມີເດຍລາວ 
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

Post a Comment

0 Comments