ເມືອງເງິນ ຈັດພິທີປາຖະກະຖາ ວັນແມ່ຍິງສາກົນຄົບຮອບ108 ປີ ແລະ ວັນສ້າງຕັ້ງອົງການໄອຍະການປະຊາຊົນຄົບຮອບ 28 ປີ



ຕອນເຊົ້າຂອງວັນທີ 7 ມີນາ 2018 ນີ້ ຢູ່ທີ່ສະໂມສອນເມືອງເງິນ ແຂວງໄຊຍະບູລີ ໄດ້ຈັດພິທີປາຖະກະຖາ ວັນແມ່ຍິງສາກົນຄົບຮອບ108ປີ ແລະ ວັນສ້າງຕັ້ງອົງການໄອຍະການປະຊາຊົນຄົບຮອບ 28 ປີ. ມີຄະນະປະຈໍາພັກເມືອງ, ກຳມະການພັກເມືອງ, ຫົວໜ້າຫ້ອງການ, ກົມກອງ, ໂຮງຮຽນ, ໂຮງໝໍ, ປະທານສະຫະພັນແມ່ຍິງບ້ານ-ໜ່ວຍ ຕະຫຼອດຮອດສະມາຊິກສະຫະພັນແມ່ຍິງອ້ອມຂ້າງເຂົ້າຮ່ວມ.






ການປາຖະກະຖາ ຄັ້ງນີ້ ທ່ານ ບຸນຈັນ ແສນສະຫວັດ ຄະນະປະຈຳພັກເມືອງ ປະທານກວດກາພັກ-ລັດເມືອງ ກໍ່ໄດ້ເປັນກຽດຂື້້ນເລົ່າ ແລະ ຫວນຄືນມູນເຊື້ອ ແຫ່ງການກຳເນີດເຕີບໃຫຍ່ຂະຫຍາຍຕົວຂອງ ວັນແມ່ຍິງສາກົນ ເຊິ່ງທ່ານໄດ້ຍົກໃຫ້ເຫັນ ປະຫວັດຄວາມເປັນມາຂອງວັນແມ່ຍິງສາກົນທີ່ໄດ້ໜູນວຽນມາບັນຈົບຄົບຮອບ 108 ປີ ,ການ ຈັດຕັ້ງກຽ່ວກັບສາກົນລະດັບອາຊຽນ ,ປະຊຸມລະດັບໂລກ ພາກພື້ນ ແລະ ລະດັບອາຊຽນກຽ່ວກັບແມ່ຍິງ , ນະໂຍບາຍ ກົນໄກສົ່ງເສີມຄວາມກ້າວໜ້າຂອງແມ່ຍິງສປປລາວ , ການເຄື່ອນໄຫວຕໍ່ສະຫະພັນແມ່ຍິງລາວຕໍ່ການເຄື່ອນໄຫວລະດັບອາຊຽນພາກພື້ນ ແລະ ສາກົນ ,ຜົນງານທີ່ພົ້ນເດັ່ນຂອງສະຫະພັນແມ່ຍິງແຂວງ ທັງນີ້ກໍ່ເພື່ອແນ່ໃສ່ເຮັດໃຫ້ເອື້ອຍນ້ອງແມ່ຍິງໄດ້ຮັບຮູ້ ແລະ ເຂົ້າໃຈມູນເຊື້ອຜົນງານດັ່ງກ່າວທັງເປັນການອຸ່ນຄືນ ປຸກລະດົມໃຫ້ເອື້ອຍນ້ອງແມ່ຍິງມີຄວາມບຸກຫ້າວຫັນຕໍ່ໜ້າທີ່ວຽກງານຂື້ນຕຶ່ມ . ຈາກນັ້ນ ກໍ່ໄດ້ຮັບຟັງປະຫວັດຄວາມເປັນມາຂອງວັນສ້າງຕັ້ງອົງການໄອຍະການປະຊາຊົນຄົບຮອບ 28 ປີ.








ຕ້ອນທ້າຍກໍ່ໄດ້ມອບໃບຍ້ອງຍໍຂອງປະທານສະຫະພັນແມ່ຍິງແຂວງ ໃຫ້ກັບບຸກຄົນດີເດັ່ນ ທີມີຜົນງານການເຄື່ອນໄຫວວຽກງານຕະຫຼອດໄລຍະ 3 ປີ ຜ່ານມາ ຈຳ 100 ທ່ານ

ໂດຍ: ອິນແປງ ແຫວນຄຳ



Post a Comment

0 Comments