Header Ads

ແຂວງໄຊຍະບູລີສະຈັດກອງປະຊຸມຖອດຖອນບົດຮຽນໃນການຈັດງານມະຫະກໍາບຸນຊ້າງຄັ້ງທີ 12 ປະຈໍາປີ 2018




ໃນຕອນເຊົ້າຂອງວັນທີ 3 ມີນາ 2018 ນີ້. ທີ່ຫ້ອງປະຊຸມຫ້ອງວ່າການປົກຄອງແຂວງ ໄຊຍະບູລີ ໄດ້ຈັດກອງປະຊຸມສະຫຼຸບ ແລະ ຖອດຖອນບົດຮຽນໃນການ ຈັດງານມະຫະກໍາບຸນຊ້າງ ຄັ້ງທີ 12 ປະຈໍາປີ 2018. ໂດຍການເປັນປະທານຂອງ ທ່ານນາງ ບຸນພັກ ອິນທະປັນຍາ ຮອງເຈົ້າແຂວງ ທັງເປັນຮອງປະທານຈັດງານມະຫະກໍາບຸນຊ້າງ, ມີຄະນະຮັບຜິດຊອບ ແລະ ຜູ້ທີ່ກ່ຽວຂ້ອງເຂົ້າຮ່ວມ.



ກອງປະຊຸມໄດ້ຮັບຟັງການລາຍງານຜົນສໍາເລັດຂອງການກະກຽມ ແລະ ຈັດງານມະຫະກໍາບຸນຊ້າງ ຄັ້ງທີ 12 ປະຈໍາປີ 2018ໂດຍທ່ານ ຈັນເພັງ ມຸນຖິນໄທ ຮອງຫົວໜ້າຫ້ອງວ່າການແຂວງ ທັງເປັນກອງເລຂາ,ການຈັດງານມະຫະກຳບຸນຊ້າງໄຊຍະບູລີປະຈໍາປີ2018ນີ້ໄດ້ດໍາເນີນໄປເປັນເວລາ7ວັນ ໃນລະຫວ່າງວັນທີ 17 – 22 ກຸມພາ 2018, ຕະຫຼາດນັດວາງສະແດງສິນຄ້າແມ່ນເປີດໃຫ້ບໍລິການນັບແຕ່ວັນທີ16ກຸມພາ2018ເປັນຕົ້ນໄປ; ຈຸດປະສົງຂອງການຈັດງານກໍເພື່ອເປັນການອະນຸລັກຮັກສາຊ້າງລາວເພາະຊ້າງເປັນມູນມໍລະດົກຂອງຊາດທັງເປັນມິ່ງຂັວນຄູ່ບ້ານຄູ່ເມືອງ; ພ້ອມນີ້ກໍເພື່ອເປັນການສືບຕໍ່ຮັກສາວັດທະນະທຳ, ຮີດຄອງປະເພນີອັນດີງາມ ແລະ ວິຖີການດຳລົງຊີວິດຂອງປະຊາຊົນບັນດາເຜົ່າຂອງແຂວງໄຊຍະບູລີ ທີ່ຕິດພັນກັບຊ້າງມາແຕ່ອາດີດຕະການໃຫ້ຢືນຍົງຄົງຕົວຄຽງຄູ່ກັບປະຊາຊົນເຮົາຕະຫຼອດໄປ. ງານເທດສະການມະຫາກຳບຸນຊ້າງ ຖືວ່າເປັນກິດຈະກຳປາງບຸນໃຫຍ່ ທີ່ຈັດຂຶ້ນເພື່ອຊຸກຍູ້ສົ່ງເສີ່ມ ວຽກງານການທ່ອງທ່ຽວຂອງແຂວງໄຊຍະບູລີກໍຄື ສປປ ລາວ ໃຫ້ເປັນທີ່ຮັບຮູ້ຢ່າງກວ້າງຂວາງຈາກນັກທ່ອງ ທ່ຽວທັງພາຍໃນ ແລະ ຕ່າງປະເທດ. ເຊິ່ງຜົນໄດ້ຮັບໃນການຈັດງານ ການຈັດງານມະຫາກໍາບຸນຊ້າງຄັ້ງທີ12, ປະຈໍາປີ2018ນີ້ ແມ່ນຮັບປະກັນຄວາມເປັນລະບຽບຮຽບຮ້ອຍ ແລະຄວາມສະຫງົບຕະຫຼອດໄລຍະຂອງການຈັດງານ, ແຂກພາຍໃນ ແລະຕ່າງປະເທດທີ່ມາຮ່ວມງານມີຈໍານວນຫຼາຍກ່ວາປີທີ່ຜ່ານມາຄືຄາດຄະເນປະມານ10-12ພັນກວ່າຄົນພ້ອມທັງໄດ້ຮັບຄໍາຍ້ອງຍໍຊົມເຊີຍຈາກແຂກຢ່າງກວ້າງຂວາງ, ເຮັດໃຫ້ແຂວງໄຊຍະບູລີນັບມື້ນັບມີຊື່ສຽງຫຼາຍຂຶ້ນ, ກະຈາຍລາຍຮັບໄປທົ່ວສັງຄົມຈາກແຂກພາຍໃນ ແລະ ຕ່າງປະເທດທີ່ມາທ່ຽວຊົມ, ກິດຈະກໍາການສະແດງຂອງຊ້າງມີຫລາກຫລາຍ; ທັງມີລັກສະນະພົ້ນເດັ່ນ ເປັນທີ່ນິຍົມສ່ວນຫລາຍຂອງມວນຊົນ.ໂອກາດດຽວກັນ ຄະນະຮັບຜິດຊອບກໍ່ໄດ້ພັດປ່ຽນກັນປະກອບຄໍາຄິດຄໍາເຫັນໃສ່ບົດສະຫຼຸບກ່ຽວກັບຜົນສໍາເລັດຂອງການກະກຽມ ແລະ ຈັດງານມະຫະກໍາບຸນຊ້າງຕື່ມອີກ.




ຈາກນັ້ນ, ທ່ານນາງ ບຸນພັກ ອິນທະປັນຍາ ຮອງເຈົ້າແຂວງ ທັງເປັນຄະນະປະທານຈັດງານມະຫະກໍາບຸນຊ້າງ ກໍ່ໄດ້ສະແດງຄວາມຍ້ອງຍໍຊົມເຊີຍ ຕໍ່ຄະນະຮັບຜິດຊອບ ທີ່ເຮັດໃຫ້ການຈັດງານມະຫະກໍາບຸນຊ້າງສໍາເລັດໄປດ້ວຍດີ ແລະ ພ້ອມທັງເນັ້ນໜັກໃຫ້ແຕ່ລະຄະນະຮັບຜິດຈົ່ງເປັນເຈົ້າການຂອງພາກສ່ວນທີ່ກ່ຽວຂ້ອງ, ພະນັກງານຜູ້ຮັບຜິດຊອບຈຳນວນໜຶ່ງຍັງບໍ່ທັນສູງ, ຂອດປະສານງານຂອງຂະແໜງການຕ່າງໆ ຍັງບໍ່ທັນເປັນລະບົບຕໍ່ເນື່ອງ, ການຈັດສັນງົບປະມານໃສ່ບາງກິດຈະກຳ ຍັງບໍ່ທັນພຽງພໍ ແລະ ສົມຄູ່ກັບວຽກຕົວຈິງ ເຮັດໃຫ້ແຜນງົບປະມານຍັງມີລັກສະນະຜິດດ່ຽງ ເພືອເຮັດໃຫ້ການຈັດງານມະຫະກໍາບຸນຊ້າງໃນປີ . ພາບ ແລະ ຂ່າວ: ມີເດຍລາວ




------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

No comments

Powered by Blogger.