ອຸດສາຫະກຳ ແລະ ການຄ້າເມືອງຫຼວງພະບາງ ທຳລາຍສິນຄ້າເຊື່ອມຄຸນ ແລະ ຜິດກົດໝາຍ ລວມມູນຄ່າ ຫຼາຍກວ່າ 126 ລ້ານກີບ


ຫ້ອງການອຸດສາຫະກຳ ແລະ ການຄ້າເມືອງຫຼວງພະບາງ ຈັດ ພິທີ ທຳລາຍສິນຄ້າໝົດອາຍຸການນຳໃຊ້, ສິນຄ້າເຊື່ອມຄຸນນະພາບ ແລະ ສິນຄ້ານຳເຂົ້າບໍ່ຖືກຕ້ອງ.

ພິທີໄດ້ຈັດຂຶ້ນໃນວັນທີ່ 13 ມີນາ ນີ້ ຢູ່ທີ່ ຫ້ອງການອຸດສາຫະກຳ ແລະ ການຄ້າ ເມືອງ ຫຼວງພະບາງ ໂດຍການເປັນປະທານຂອງ ທ່ານ ສົມດີ ພອນສະຫວັດ    ຮອງເຈົ້າເມືອງຫຼວງພະບາງ, ມີ ບັນດາ ຫົວໜ້າ-ຮອງຫົວໜ້າຫ້ອງການອ້ອມຂ້າງ ຕະຫຼອດຮອດພະນັກງານ ແລະ ຫົວໜ່ວຍທຸລະກິດອ້ອມຂ້າງເຂົ້າຮ່ວມ.



ທ່ານ ສົມຈິດ ຈັນທາວັນ ຮອງຫົວໜ້າຫ້ອງການອຸດສາຫະກຳ ແລະ ການຄ້າ ເມືອງຫຼວງພະບາງ ໄດ້ລາຍງານໃຫ້ຮູ້ວ່າ: ເຈົ້າໜ້າທີ່ກວດກາການຄ້າ ເມືອງ ຫຼວງພະບາງ ໄດ້ເລີ່ມລົງກວດກາ ສິນຄ້າເຊື່ອມຄຸນນະພາບ, ສິນຄ້າໝົດອາຍຸການນຳໃຊ້, ສິນຄ້າປອມແປງ ແລະ ສິນຄ້ານຳເຂົ້າທີ່ບໍ່ຖືກຕ້ອງຕາມລະບຍບກົດໝາຍ ທີ່ມາວາງຂາຍຢູ່ຕາມທ້ອງຕະຫຼາດ ແລະ ບັນດາຮ້າຍຂາຍເຄື່ອງ ທັງຂາຍສົ່ງ-ຂາຍຍ່ອຍ ຢູ່ຕາມເທດສະບານ ເມືອງ ຫຼວງພະບາງ ມາແຕ່ວັນທີ່ 5 ກຸມພາ- 16 ກຸມພາ 2018 ແລະ ມີເປົ້າໝາຍຫຼັກທັງໝົດ 45 ຮ້ານ. 



ໃນນັ້ນ ໄດ້ກວດພົບສິນຄ້າໝົດອາຍຸການນຳໃຊ້, ສິນຄ້າເຊື່ອມຄຸນນະພາບ ແລະ ສິນຄ້ານຳເຂົ້າບໍ່ຖືກຕ້ອງທັງໝົດ 36 ຮ້ານ ພ້ອມທັງຍຶດສິນຄ້າໄດ້ 2,114 ຊີ້ນ ແລະ ແບ່ງອອກເປັນ 4 ໝວດໃຫຍ່ຄື: 1. ປະເພດເຄື່ງໃຊ້ສຳອາງຕ່າງໆ, 2. ປະເພດເຄື່ອງດື່ມ, 3. ປະເພດອາຫານແຫ້ງ, ເຄື່ອງປຸງແຕ່ງສຳເລັດຮູບ, ຢາສູບ, ນໍ້າມັນຫຼິນ ແລະ ຕູ້ເກມຢອດຫຼຽນ. 4. ປະເພດໂທລະສັບມືຖືທີ່ລອກລຽນແບບ. ຊຶ່ງລວມມູນຄ່າສິນຄ້າທີ່ນໍາມາທໍາລາຍໃນຄັ້ງນີ້ທັງໝົດ 126,594,000 ກີບ.

ໂດຍ: Tam Sonephet














------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

Post a Comment

0 Comments