ງານປະກວດສິລະປະ-ວັນນະຄະດີ ຂອງນ້ອງນ້ອຍນັກຮຽນ ມ ສ ເມືອງເງິນ ສົກຮຽນ 2017-2018


ໃນຄໍ່າຄືນຂອງວັນທີ 21 ມີນາ 2018 ນີ້ ຢູ່ທີ່ເດີນກີລາໂຮງຮຽນ ມ.ສ ເມືອງເງິນ ແຂວງໄຊຍະບູລີ ໄດ້ຈັດງານແຂ່ງຂັນປະກວດສິລະປະ-ວັນນະຄະດີ ນັກຮຽນ ມ ສ ເມືອງເງິນ ສົກຮຽນ 2017-2018 ພາຍໃຕ້ການເປັນປະທານຂອງທ່ານ ຄາມ ປັນຍາວົງ ອໍານວຍການໂຮງຮຽນ ມສ ເມືອງເງິນ ເຂົ້າຮ່ວມເປັນກຽດມີທ່ານ ໄວພົດ ປັນຍາສອນ ຮອງຫົວໜ້າຫ້ອງການສຶກສາ ແລະ ກິລາເມືອງເງິນ, ມີ ປະທານ ສະມາຄົມພໍ່ແມ່ນັກຮຽນ, ມີຫົວໜ້າຫ້ອງການ, ນັກທຸລະກິດ, ພໍ່ຄ້າຊາວຂາຍ, ພໍ່ແມ່ນັກຮຽນ,ຄູຝຶກຫັດ, ຄູອາຈານ, ນ້ອງນ້ອຍນັກຮຽນເຂົ້າຮ່ວມ.




ທ່ານ ຄາມ ປັນຍາວົງ ອໍານວຍການໂຮງຮຽນ ມສ ເມືອງເງິນ ໃນນາມປະທານພິທີກໍ່ໃຫ້ກຽດຂື້ນກ່າວເປີດພິທີຢ່າງເປັນທາງການ: ເພື່ອປະຕິບັດຕາມແຜນພັດທະນາການສືກສາຂອງໂຮງຮຽນວາງອອກປະຈຳສົກຮຽນ 2017-2018, ເພື່ອເສີມສ້າງຂະບວນການຮຽນ-ການສອນໃຫ້ໄປຕາມ 3 ລັກສະນະ, 5 ຫຼັກມູນຂອງການສຶກສາ, ທັງເປັນການສ້າງຄວາມສາມັກຄີຂອງຄູອາຈານ ແລະ ນ້ອງນ້ອຍນັກຮຽນອີກດ້ວຍ, ທັງເປັນການອານຸລັກຮັກສາສືບສານວັນທະນະທຳ, ຮີດຄອງອັນດີງາມຂອງຊາດລາວເຮົາໃຫ້ຢູ່ຄູ່ກັບຄົນລາວຕະຫຼອດໄປ, ເພື່ອເປັນການຊອກແຫຼ່ງທຶນມາສ້າງສາພັດທະນາໂຮງຮຽນ, ສ່ວນສິລະປະ-ວັນນະຄະດີທີ່ນຳມາແຂ່ງຂັນປະກວດໃນຄັ້ງນີ້ປະກອບມີ: ບົດຟ້ອນ 9 ບົດ, ບົດເພງ 9 ບົດ, ແລະ ບົດລະຄອນສັ້ນ 5 ບົດ, ເຊີ່ງມີ 8 ທີມເຂົ້້າຮ່ວມແຂ່ງຂັນຄື ທີມA-Dຊັ້ນ ມໍຕົ້ນ ແລະ ທີມ A-D ຂອງຊັ້ນ ມໍປາຍ:, ສຳລັບຜົນການແຂ່ງຂັນ ອັນດັບທີ 1 ບົດຟ້ອນຊັ້ນມໍຕົ້ນແມ່ນ ທີມ A, ອັນດັບທີ 1 ບົດຟ້ອນຊັ້ນມໍປາຍແມ່ນ ທີມ C, ອັນດັບທີ 1 ບົດເພງຊັ້ນມໍຕົົ້ນແມ່ນທີມ D, ອັນດັບທີ 1 ບົດເພງຊັ້ນມໍປາຍແມ່ນທີມ A, ອັນດັບທີ 1 ບົດລະຄອນສັ້ນແມ່ນທີມ C ມໍປາຍ,




ຕອນທ້າຍໃນງານປະກວດສິລະປະ-ວັນນະຄະດີ ທ່ານ ໄວພົດ ປັນຍາສອນ ຮອງຫົວໜ້າຫ້ອງການສຶກສາ ແລະ ກິລາເມືອງເງິນ ກໍ່ໃຫ້ກຽດຂຶ້ນມອບໃບຍ້ອງຍໍຊົມເຊີຍໃຫ້ກັບຜູ້ປະກອບສ່ວນທຶນຮອນເຂົ້າໃນການສ້າງສາພັດທະນາໂຮງຮຽນ ອີກດ້ວຍ.


ໂດຍ: ດາວສຸກ ສຸລິຍະພອນ







Post a Comment

0 Comments