ກອງປະຊູມເຜີຍແຜ່, ແນະນຳການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ ປະຈຳປີ 2018



ຕອນເຊົ້າຂອງວັນທີ 15 ມີນາ 2018 ຢູ່ທີ່ສະໂມສອນເມືອງເງິນ ແຂວງໄຊຍະບູລີ ຫ້ອງການແຜນການ-ການລົງທຶນໄດ້ຈັດກອງປະຊຸມກອງປະຊູມເຜີຍແຜ່, ແນະນຳການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມປະຈຳປີ 2018 ຂຶ້ນຢ່າງເປັນທາງການ ພາຍໃຕ້ການເປັນປະທານ ຂອງທ່ານ ທະວິສັກ ໄຊຍະວົງ ກຳມະການພັກເມືອງ, ຮອງເຈົ້າເມືອງໆເງິນ, ເຂົ້າຮ່ວມເປັນກຽດມີທ່ານ ບຸນລ້ວນ ຊົມສີຫາປັນຍາ ກຳມະການພັກແຂວງ ຫົວໜ້າພະແນກແຜນການ-ການລົງທືນແຂວງ, ມີຫົວໜ້າຫ້ອງການ, ຮອງຫົວໜ້າຫ້ອງການ, ກົມກອງ ອ້ອມຂ້າງເຂົ້າຮ່ວມ 32 ທ່ານ, ຍິງ 6 ທ່ານ.

ກອງປະຊຸມທ່ານ ບຸນຕາ ພົມມະຫານ ຮອງຫົວໜ້າຫ້ອງການແຜນການ-ການລົງທຶນເມືອງ ການກໍ່ໄດ້ໃຫ້ກຽດຂຶ້ນຜ່ານບົດສະຫຼຸບການຈັດຕັ້ງປະຕິບັດວຽກແຜນການ-ການລົງທຶນປີ 2017. ໄດ້ຊຸກຍູ້ຕິດຕາມ ກວດກາ ແລະ ການປະເມີນຜົນບັນດາໂຄງການການລົງທຶນຂອງລັດ, ໂຄງການກູ້ຢືມ ຊ່ວຍເຫຼືອທາງການ ເພື່ອການພັດ ທະນາ ແລະ ການລົງທຶນຂອງເອກະຊົນພາຍໃນ ແລະ ຕ່າງປະເທດ, ເປັນເຈົ້າການ ອຳນວຍຄວາມສະດວກ ໃຫ້ແກ່ນັກ ລົງທຶນທັງພາຍໃນ ແລະ ຕ່າງປະເທດທີ່ເຂົ້າມາລົງທຶນ ຢູ່ພາຍໃນເມືອງທີ່ ນັບມື້ນັບ ຫຼາຍຂຶ້ນ. ອັນພົ້ນເດັ່ນໃນປີຜ່ານມາ ແມ່ນເປັນເຈົ້າການປະສານສົມທົບກັບຂະແໜງການທີ່ກ່ຽວຂ້ອງລົງກວດກາການ ລົງທຶນຂອງເອກະຊົນ ສ້າງໂຮງສີເຂົ້າ 2 ແຫ່ງ, ໂຮງງານຂັດໝາກຕາວ 1 ແຫ່ງ, ໂຮງງານອົບສາລີ 1 ແຫ່ງ ແລະ ເຊັນສັນຍາກິດຈະການທົ່ວໄປ ໃຫ້ການລົງ ທຶນເອກະຊົນ (ຈີນ) ທີ່ມາລົງທຶນປູກຫົວສີໄຄເຄື່ອງ, ປຸກລະດົມທືນເຂົ້າມາພັດທະ ນາ ພື້ນຖານໂຄ່ງລ່າງດ້ານເສດຖະ

ກິດສັງຄົມ ທັງມົດ 23 ໂຄງການ ມູນຄ່າ 19.786,07 ລ້ານກີບ




ຄາດໝາຍສູ້ຊົນໃນແຜນພັດທະນາເສດຖະກິດ-ສັງຄົມໃນປີ 2018 ແມ່ນເຮັດໃຫ້ເສດຖະກິດຂອງເມືອງ ມີ ການຂະຫຍາຍຕົວໃນ 11,69% ລວມຍອດມູນຄ່າລາຍຮັບຈາກການຜະລິດໃຫ້ບັນລູ 411,22 ຕື້, ສະເລ່ຍໃສ່ຫົວຄົນ ໜຶ່ງໄດ້ 22,11 ລ້ານກີບ ຕໍ່ຄົນຕໍ່ປີ ຫຼື ເທົ່າກັບ 2,601ໂດລາສະຫະລັດ.




ໃນກອງປະຊຸມຍັງໄດ້ຮັບຟັງການຜ່ານມະຕິກອງປະຊຸມສາມັນເທື່ອທີ 4 ຂອງສະພາປະຊາຊົນແຂວງ ເລກທີ 11/ສພຂ.ຊຍ ລົງວັນທີ 5 ກຸມພາ 2018 ວ່າດ້ວຍ ການຮັບຮອງເອົາ ບົດລາຍງານກ່ຽວກັບການຈັດຕັ້ງປະຕິບັດແຜນພັດ

ທະນາເສດຖະກິດສັງຄົມຂອງ ແຂວງ ໄຊຍະບູລີ ປະຈຳປີ 2017 ແລະ ທິດທາງແຜນການປີ 2018, ຜ່ານ ກົດໝາຍວ່າ

ດ້ວຍການລົງທຶນຂອງລັດ(ສະບັບປັບປຸງ ສະບັບເລກທີ 72/ສພຊ, ລົງວັນທີ 15ທັນວາ 2015)



ໂດຍ: ດາວສຸກ ສຸລິຍະພອນ




Post a Comment

0 Comments