ການແກ້ໄຂບັນຫາໄຟໄໝ້ ສະໜາມຂີ້ເຫຍື້ອ ຫຼັກ 32 ຄືບໜ້າຫຼາຍ! ຄວັນໄຟຫຼຸດລົງເກືອບ 50%



ລາຍງານຈາກ ຫ້ອງການຄຸ້ມຄອງແລະບໍລິການຕົວເມືອງວຽງຈັນ ໃຫ້ຮູ້ ຕອນແລງ ຂອງວັນທີ 8 ມີນາ 2018 ເວລາ 16:00 ໂມງ, ທ່ານ ປອ ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ ພ້ອມດ້ວຍຄະນະໄດ້ລົງກວດກາສະໜາມຂີເຫຍື້ອຫຼັກ 32 ບ້ານ ນາຜາສຸກ, ເມືອງໄຊທານີ ນວ ທີ່ຖືກໄຟໄໝ້ ໃນຕອນບ່າຍຂອງວັນທີ 4 ມີນາ 2018 ທີ່ຜ່ານມາ.



ປະຈຸບັນໜ່ວຍວິຊາການໄດ້ຮີບຮ້ອນເລັ່ງດັບໄຟ ໂດຍການສິດນ້ຳ ຂົນດິນ ແລະ ດຸດຖົມແມ່ນສາມາດປະຕິບັດໄດ້ 8 ເຮັກຕ່າກວ່າຂອງພື້ນທີ່ທີ່ຖືກໄຟໄຫມ້ 26 ເຮັກຕ່າ ຄິດສະເລ່ຍປະມານ 30 % ຂອງເນື້ອທີ່ທີ່ຖືກໄຟໃຫມ້, ແລະ ຍັງຈະສືບຕໍ່ຮີບຮ້ອນແກ້ໄຂອີກຕໍ່ໄປ, ສ່ວນສະພາບ ຄວນໄຟ ກໍ່ໄດ້ມີປະລິມານຫລຸດລົງເກືອບ 50% ແລ້ວ.


ນັບແຕ່ວັນທີ່ໄຟເລີ່ມລຸກໄໝ້ລາມ ແຕ່ວັນທີ 4​ ມີນາ 2018 ກໍ່ໄດ້ສົ່ງຜົນກະທົບແກ່ປະຊາຊົນໃນວົງກວ້າງ ໃນລັດສະໝີ 10 ກວ່າກິໂລແມັດ ໂດຍສະເພາະບັນຫາ ຄວັນໄຟ ແລະ ກິນຂິວ ທີ່ສົ່ງຜົນຕໍ່ປະຊາຊົນທີ່ສຸດ.​ ທາງພາກສ່ວນເຈົ້າໜ້າທີ່ ການນໍານະຄອນຫຼວງວຽງຈັນ ແມ່ນໄດ້ເອົາໃຈໃສ່ ແລະ ຊີ້ນໍາ ເພື່ອແກ້ໄຂບັນຫາດັ່ງກ່າວ.


ແຕ່ເນື່ອງຈາກ ສະໜາມດັ່ງກ່າວກວ້າງ ແລະ ໄຟໄໝ້ລາມໄປຫຼາຍ ຈິ່ງເຮັດໃຫ້ ຄວາມສາມາດ ແລະ ກຳລັງພົນ ທີ່ມີຢູ່ຢ່າງຈຳກັດ ບໍ່ສາມາດ ຮັບມື ແລະ ດັບໄຟໄໝ້ ໃນຄັ້ງນີ້ ໄດ້ໄວ ຢ່າງທີ່ຕ້ອງການ. ເຖິງຢ່າງໃດກໍ່ດີນີ້ເປັນ ເຫດການທີ່ເປັນບົດຮຽນ ທີ່ຈະຕ້ອງໄດ້ນຳໄປທົບທວນ ແລະ ກຽມຄວາມພ້ອມ ຂອງທຸກໜ່ວຍງານ ເພື່ອຫາທາງປ້ອງກັນ ແລະ ຮັບມື ຫາກເຫດການແບບນີ້ເກີດຂຶ້ນ. 

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

Post a Comment

0 Comments