ໄຊຍະບູລີວາງສີລາລຶກການກໍ່ສ້າງຫໍຫຼັກເມືອງ



ພິທີວາງສີລາລຶກການກໍ່ສ້າງຫໍຫຼັກເມືອງທີ່ສວນຫຼັກເມືອງ, ບ້ານທ່ານາ, ເມືອງໄຊຍະບູລີ, ແຂວງໄຊຍະບູລີ, ໄດ້ຈັດຂຶ້ນໃນຕອນເຊົ້າຂອງວັນທີ 20 ມີນາ 2018 ໂດຍການເປັນກຽດເຂົ້າຮ່ວມ ແລະ ລັ່ນຄອງຂອງທ່ານ ຈັນສີ ໂພສີຄໍາ ກໍາມະການກົມການເມືອງສູນກາງພັກ ຄະນະເລຂາທິການສູນກາງພັກ ຫົວໜ້າຄະນະຈັດຕັ້ງສູນກາງພັກ, ມີທ່ານ ພົງສະຫວັນ ສິດທະວົງ ກຳມະການສູນກາງພັກ ເລຂາພັກແຂວງເຈົ້າແຂວງ ໄຊຍະບູລີ, ມີການນຳຂອງແຂວງຂອງເມືອງ, ພະເຖລານຸເຖລະພ້ອມດ້ວຍອຳນາດການປົກຄອງບ້ານໃນເທດສະບານແຂວງເຂົ້າຮ່ວມ.



ທ່ານ ຈັນທີ ສີມະນີຈັນ ຫົວໜ້າພະແນກຖະແຫຼງຂ່າວ ວັດທະນະທຳ ແລະ ທ່ອງທ່ຽວແຂວງ, ລາຍງານກ່ຽວກັບໂຄງການກໍ່ສ້າງຫໍຫຼັກເມືອງໄຊຍະບູລີແມ່ນໄດ້ດຳເນີນການກໍ່ສ້າງມາແຕ່ຕົ້ນເດືອນມີນາ ປີ 2018, ໃນເນື້ອທີ 1,5 ເຮັກຕາ ແລະ ຄາດວ່າຈະໃຫ້ສຳເລັດໃນທ້າຍປີ 2019 ໂດຍແມ່ນບໍລິສັດສໍມະນີວົງ ກໍ່ສ້າງຈຳກັດ, ເປັນຜູ້ຮັບເໝົາກໍ່ສ້າງ, ໃນມູນຄ່າທັງໝົດ 8 ຕຶ້ 390 ລ້ານກີບ, ແມ່ນທຶນງົບປະມານພັດທະນາທ້ອງຖິ່ນ ແລະ ທຶນປຸກລະດົມຂອງແຂວງ, ຫໍຫຼັກເມືອງດັ່ງກ່າວມີລັກສະນະເປັນຫໍປະສາດ, ມີ 4 ໜ້າ, 4 ດ້ານ, ປະດັບປະດາໄປດ້ວຍດວງລວດລາຍສະທ້ອນໃຫ້ເຫັນເຖິງການດຳລົງຊີວິດຮີດຄອງປະເພນີອັນດີງາມ, ພິເສດແມ່ນມີຮູບຊ້າງເຊິ່ງເແປັນສັນຍາລັກຂອງແຂວງ ໄຊຍະບູລີ, ໃນການອອກແບບຫໍຫຼັກເມືອງແມ່ນໄດ້ນຳເອົາສະຖາປັດຕະຍະກຳສີນທີ່ເປັນເອກະລັກທາງດ້ານວັດທະນະທຳ, ຄວາມອຸດົມຮັ່ງມີທາງດ້ານວັດທະນະທຳປະຫວັດສາດບັນດາເຜົ່າມາລວມຢູ່ໃນຫໍຫຼັກເມືອງແຫ່ງນີ້.



ທ່ານ ພົງສະຫວັນ ສິດທະວົງ ເຈົ້າແຂວງ ໄຊຍະບູລີ ໄດ້ກ່າວບາງຕອນວ່າແຂວງ ໄຊຍະບູລີ, ເປັນແຂວງໜື່ງທີ່ອຸດົມສົມບູນໄປດ້ວຍຊັບໃນດິນສິນໃນນ້ຳທຳມະຊາດສວຍງາມ, ເປັນສູນລວມທາງດ້ານວັດທະນະທຳ, ປະຫວັດສາດ, ມີຮີດຄອງປະເພນີທີ່ເປັນເອກະລັກຂອງຕົນມາແຕ່ບູຮານນະການ, ການຄົ້ນຄ້ວາຊອກຫາປະຫວັດສາດເພື່ອຢັ້ັັງຢືນຮາກເຫົ້ງາຂອງຊົນຊາດລາວ ແລະ ອະທິບາຍໃຫ້ຂະບວນການວີວັດແຫ່ງການຂະຫຍາຍຕົວຂອງສັງຄົມບົນພຶ້ນຖານທິດສະດີ, ວີຖີວັດຖຸນິຍົມສັດຈະວິພາກ, ນັ້ນເປັນວຽກສຳຄັນທີ່ຕ້ອງໄດ້ສຶບຕໍ່ປະຕິບັດ, ສັງຄົມໃດໆກໍ່ຕາມໃນໂລກນີ້ລ້ວນແຕ່ຢາກຮູ້ປະຫວັດ ທີ່ໄປທີ່ມາຂອງຕົນເອງ, ດັ່ງນັ້ນ ຫໍຫຼັກເມືອງແຂວງໄຊຍະບູລີ ແມ່ນບົ່ງບອກເຖິງສັນຍາລັກແຫ່ງຄວາມສາມັກຄີຄວາມເປັນສີລິມຸງຄຸນຄວາມຜາສຸກ, ຄວາມອຸດົມສົມບູນຢູ່ເຢັນເປັນສຸກ ແລະ ມີຄວາມສີວີໄລທາງດ້ານຈິດໃຈ, ສັງຄົມມີຄວາມຍຸຕິທຳ ແລະ ຍັງເປັນການຢັ້ງຢືນເຖິງຄວາມອົງອາດກ້າຫານໃນການຕໍ່ສູ້ປົກປັກຮັກສາບ້ານເມືອງອີກດ້ວຍ, ຫໍຫຼັກເມືອງທີ່ຈະສ້າງຂຶ້ນໃໝ່ນີ້, ຍັງແມ່ນຫຼັກຖານໜື່ງທີ່ສຳຄັນຂອງແຂວງກໍ່ຄືປວງຊົນລາວທັງຊາດໄດ້ກາຍເປັນລັກຍາລັກສວນລວມທາງດ້ານຈິດໃຈຂອງປະຊາຊົນຊາວແຂວງ ໄຊຍະບູລີຍຸກໃໝ່ແຫ່ງຄວາມຈະເລີນສີວິໄລທັນສະໄໝຢູ່ພາຍໃຕ້ການນຳພາຂອງພັກ ແລະ ລັດຖະບານແຫ່ງ ສປປລາວ.

ຈາກນັ້ນທ່ານ ຈັນສີ ໂພສີຄຳ ກຳມະການກົມການເມືອງສູນກາງພັກ ຄະນະເລຂາທິການສູນກາງພັກ ຫົວໜ້າຄະນະຈັດຕັ້ງສູນກາງພັກ ພ້ອມດ້ວຍການນຳຂອງແຂວງ, ຂອງເມືອງຮ່ວມກັນຊ້ວນຊາຍ 9 ຊ້ວນ, ລັ່ນຄອງ 9 ບາດ, ວາງສີລາລຶກຕັດແຖບຜ້າ, ປ່ອຍປູມເປົ້າເພື່ອເປັນສັນຍາລັກບົງບອກເຖິ່ງການກໍ່ສ້າງຫໍຫຼັກເມືອງຂອງແຂວງໄຊຍະບູລີຢ່າງເປັນທາງການ.


ນອກຈາກນີ້ຢູ່ໃນງານຍັງມີພິທີກຳທາງສາດສະໜາເຊັ່ນ: ອັດທະ 3 ກອງ ແລະ ຮັບເຄື່ອງໄທຍະທານ, ໄຫ້ວພຮະສະມາທານສີນ5, ບູຊາທ້າວທັງ4, ສູດຖອດສູດຖອນ, ພະອາຈານເຈີມສີລາລຶກ, ຖວາຍປັດໃຈໄຊຍະທານ, ຟັງພຣະທຳມະເທດສະໜາ, ຄຣະລະວະຮັບພອນ, ອຸທິດສ່ວນບຸນກຸສົນໃຫ້ເຈົ້າດິນເຈົ້າດອນ, ປະທານດອກໄມ້ມູງຄຸນ 9 ຢ່າງ, ວາງດິນຈິຄຳດິນຈິເງິນດິນທອງ, ວາງແຜ່ນສີລາຈາລຶກ ແລະ ໂຮຍດອກໄມ້ມຸງຄຸນຕັດບາດຍາດນ້ຳຖືວ່າເປັນອັນສິ້ນສຸດພິທີ. ທີ່ມາ: ມີເດຍລາວ (ຂ່າວໄຊຍະບູລີ)


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

Post a Comment

0 Comments