ເຫດຖົງປິດສະໜາສີແດງສີຂາວ ຈົນເຮັດໃຫ້ປະຊາຊົນແຕກຕື່ນ



ຕາມການລາຍງານຂອງໜ່ວຍກູ້ໄພຄໍາມ່ວນວ່າ : ໃນວັນທີ 28 ມີນາ 2018 ເວລາ : 14:30 ນາທີ ໄດ້ຮັບແຈ້ງເຫດຜ່ານເບີສຸກເສີນ 020 55330065 ວ່າມີຖົງທີ່ສົງໃສວ່າແມ່ນສົບ ເຊິ່ງເຈົ້າໜ້າທີ່ກູ້ໄພຄໍາມ່ວນ ກໍບໍ່ໄດ້ບໍຊ້າ ຮີບອອກໄປຍັງຈຸດເກີດເຫດທັນທີເພື່ອໄຂປິດສະໜາຖົງດັ່ງກ່າວ; ຕາມການບອກເລົ່າຂອງຜູ້ເຫັນຖົງດັ່ງກ່າວແມ່ນ ໄດ້ໄປຫາແຍ່ຮັງມົດແດງເລີຍໄປພົບ ຂັນ 5 ຜ້າຍັນທູບທຽນ ແລະ ຖົງຂາວ ສົ່ງກິ່ນເໝັນ ( ຄິດວ່າແມ່ນສົບຜູ້ເສຍຊີວິດ ) ຢູ່ແຄມຂອງທາງຕັດໃໝ່ ທາດເມືອງເກົ່າ ແລ້ວທີມງານກູ້ໄພກໍໄດ້ທໍາການກວດສອບເບິ່ງຖີ່ຖ້ວນປະກົດວ່າແມ່ນ ຖົງໃສ່ໝາຕາຍແລ້ວໄປຖິ້ມປະໄວ້ຢູ່ບໍລິເວນດັ່ງກ່າວ ຈຶ່ງເຮັດໃຫ້ປະຊາຊົນແຕກຕື່ນວ່າແມ່ນຖົງໃສ່ສົບຄົນເສຍຊີວິດແລ້ວໄປຖິ້ມ.



ສະນັ້ນ ພວກເຮົາຂໍຮຽກຮ້ອງເຖິງພໍ່ແມ່ປະຊາຊົນທີ່ວ່າເອົາໝາໄປຖິ້ມ ຄວນຝັງໃຫ້ຄັກແນ່ເພື່ອຫຼີກລ້ຽງພະຍາດຕິດຕໍ່  ແລະ ກາຍເປັນເຫດແຕກຕື່ນຂອງປະຊາຊົນທີ່ພົບເຫດ ຫຼື ໄດ້ຮັບກິ່ນໜິ່ນ. 

ທີ່ມາ: ໜ່ວຍກູ້ໄພແຂວງຄໍາມ່ວນ

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

Post a Comment

0 Comments