ບັນຍາກາດງານບຸນປະເພນີບ້ານກັນດອນປະຈໍາປີ 2018 ທີ່ເມືອງທ່າແຕງ ແຂວງເຊກອງ



ງານບຸນປະເພນີຂອງເຜົ່າກະຕູບ້ານກັນດອນໄໝ່ ເມືອງທ່າແຕງ ແຂວງເຊກອງປີນີ້ຈະແຕກຕ່າງກ່ວາປີຜ່ານມາເນື່ອງຈາກປີ 2018 ນີ້ແມ່ນປີທ່ອງທ່ຽວລາວ ໂດຍປະຈຸບັນຄະນະພັກ,ອໍານາດການປົກຄອງບ້ານພ້ອມດ້ວຍພໍ່ແມ່ປະຊາຊົນໄດ້ກະກຽມຄວາມພ້ອມດ້ວຍຄວາມຮັບຜິດຊອບສູງ.
ທ່ານ ວີພັດ ແສງມະນີ ເລຂາຄະນະພັກຮາກຖານບ້ານກັນດອນໄໝ່ໄດ້ໃຫ້ສໍາພາດຕໍ່ນັກຂ່າວໃນວັນທີ 15 ກຸມພາ 2018 ນີ້ວ່າ:ງານບຸນປະເພນີບ້ານກັນດອນໄໝ່ເຄີຍປະຕິບັດກັນມາໄດ້ຫຼາຍປີຕາມປະເພນີຂອງເຜົ່າໂດຍມີຫຼາຍກິດຈະກໍາໃນການຄົບງັນເຊັ່ນ: ການສະແດງສິລະປະ ປະເພດຟ້ອນເຄນ,ຟ້ອນງ້າວ ແລະ ຂັບລໍາອື່ນໆຫຼາກຫຼາຍສີສັນທີ່ເປັນເອກກະລັກຂອງເຜົ່າທີ່ໄດ້ເຄີຍປະຕິບັດກັນມາແຕ່ດັ້ງເດີມ.






ເລຂາຄະນະພັກຮາກຖານບ້ານກັນດອນໄໝ່ໄດ້ໃຫ້ຮູ້ຕື່ມວ່າ:ເພື່ອສ້າງບັນຍາກາດສະເຫຼີມສະຫຼອງປີທ່ອງທ່ຽວລາວ 2018 ນີ້ໃຫ້ເບີກບານມ່ວນຊື່ນເພື່ອຮອງຮັບໃຫ້ແກ່ນັກທ່ອງທ່ຽວທັງພາຍໃນ ແລະ ຕ່າງປະເທດທີ່ເຂົ້າມາທ່ອງທ່ຽວໃນງານບຸນປະເພນີໃນຄັ້ງນີ້ຈິ່ງໄດ້ກໍານົດໃຫ້ມີກິດຈະກໍາຕື່ມອີກໂດຍສະເພາະການວາງສະແດງສິນຄ້າປະເພດວັດຖຸພັນ,ຫັດຖະກຳຈັກສານແລະຫັດຖະກຳຕໍ່າແຜ່ນໄປພ້ອມໆກັບອາຫານພື້ນບ້ານປະເພດ: ເຂົ້າໃບແຂມ,ເຂົ້າແດກງາ ແລະ ຫຼາມໄກ່ລາດ ເຊິ່ງງານບຸນດັ່ງກ່າວແມ່ນຈັດຂຶ້ນ 2 ມື້ ຄື: ວັນທີ 5 ຫາ ວັນທີ 6 ມີນາໂດຍຕິດພັນກັບຄວາມສະອາດ ແລະ ຄວາມສະຫົງບສຸກເປັນພື້ນຖານ.










ຂ່າວ: ສະຫຍາມ ຈັນທະສອນ


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

Post a Comment

0 Comments