Header Ads

ຄົ້ນພົບວັດຖຸບູຮານໃບເສມາຫີນແຜ່ນໜຶ່ງ ທີ່ແຂວງສະຫວັນນະເຂດ




ໃນວັນທີ 27 ກຸມພາ 2018 ຜ່ານມານີ້ ມີລາຍງານຈາກຊາວບ້ານ ບ້ານຕາກແດດ ເມືອງໄຊພູທອງ  ແຂວງສະຫວັນນະເຂດ ວ່າ : ໄດ້ຂຸດຂູມສ້າງຕ້າຍວັດ ແລະ ຄົ້ນພົບວັດຖຸບູຮານໃບເສມາຫີນແຜ່ນໜຶ່ງ ຄາດມີອາຍຸຫຼາຍຮ້ອຍປີ  ເຊິ່ງປັດຈຸບັນປະຊາຊົນ ແລະ ຄະນະອຳນາດການປົກຄອງທ້ອງຖີ່ນໄດ້ເກັບຮັກສາໃບເສມາຫີນແຜ່ນດັ່ງກ່າວໄວ້ເປັນສົມບັດຂອງຊາດ






ອີງຕາມຂໍ້ມູນຈາກ ທ່ານ ດຣ ສຸລິອຸດົງ ສູນດາລາ ກ່ຽວກັບ ປະຫວັດສາດຂອງແຂວງສະຫວັນນະເຂດ ຍິ່ງເຮັດໃຫ້ໃບເສມາຫີນແຜ່ນທີ່ຄົ້ນພົບ ໜ້າສົນໃຈຍິ່ງຂື້ນ ໂດຍທ່ານລະບຸໃນບົດຄວາມສັ້ນວ່າ:  ແຂວງສະຫວັນນະເຂດ ແມ່ນເລີ່ມຕົ້ນບັນທຶກໄວ້ໃນສະໄຫມຂອມເຮືອງອຳນາດ ແລະ ເມືອງນີ້ຊື່ວ່າເມືອງສຸວັນນະພູມປະເທດ ແລະ  ເປັນເມືອງທີ່ອຸດົມສົມບູນດ້ວຍຊັບພະຍາກອນທຳມະຊາດ






(1) ໃນປີ ຄສ 1577 ທ້າວຫລວງ ແລະ ນາງສິມ ໄດ້ອົບພະຍົກຜູ່ຄົນລູກຫຼານຈາກພາກ ເໜືອລົງມາຕັ້ງໝູ່ບ້ານຊື່ວ່າ "ຫລວງໂພນເມືອງສິມ" ຫ່າງຈາກຕົວເມືອງປະຈຸບັນປະມານ 18 ກິໂລແມັດ ເສັ້ນທາງດຽວກັບໄປພະທາດອີງຮັງ;

(2) ເມື່ອເຖິງປີ ຄສ 1642 ທ້າວ ສິມພະລີ (ລູກຊາຍ) ໄດ້ພາຊາວບ້ານຫລາຍສິບຄອບຄົວແຍກອອກໄປ ຕັ້ງເມືອງໃຫມ່ ຢູ່ພາຍໃນເຂດສະຫວັນນະເຂດເອີ້ນວ່າ "ບ້ານທ່າແຮ່" ເພາະອຸດົມສົມບູນດ້ວຍແຮ່ທາດຕ່າງໆ;

(3) ຈົນເຖິງປີ ຄສ 1919 ເມື່ອລາວຕົກເປັນປະເທດອານານິຄົມຝັ່ງເສດ ໄດ້ຕັ້ງສຳນັກງານຜູ່ວ່າລາຊະການແຜ່ນດິນປະຈຳແຂວງຢູ່ ທ່າແຮ່ ແລະ ຕັ້ງຊື່ໃຫ້ໃຫມ່ເປັນ "ສະຫວັນນະເຂດ";




(4) ແຂວງສະຫວັນນະເຂດ (ຄຳເຄົ້າ: ແຂວງສວັຣຄ໌ນເຂຕ) ເປັນແຂວງໜຶ່ງຂອງ ສປປລາວ ຕັ້ງຢູ່ທາງພາກກາງ ທິດຕາເວັນອອກຕິດກັບປະເທດຫວຽດນາມ, ທິດຕາເວັນຕົກຕິດກັບປະເທດໄທ, ທິດເໜືອຕິດກັບແຂວງຄຳມ່ວນ, ທິດໃຕ້ຕິດກັບແຂວງສາລະວັນ ເປັນແຂວງໃຫຍ່ອັນດັບໜຶ່ງຂອງ ສປປລາວ;

(5) ສະຫວັນນະເຂດ ມີປະຊາກອນອາໄສຫລາຍທີ່ສຸດປະມານ 15% ຂອງປະຊາກອນທົ່ວປະເທດສ່ວນໃຫຍ່ເປັນລາວລຸ່ມ, ຜູ່ໄທ ແລະ ອື່ນໆ, ເປັນແຂວງທີ່ມີພື້ນທີ່ກວ້າງໃຫຍ່ເປັນອັນດັບໜຶ່ງ ຂອງລາວ ສະຫວັນນະເຂດຫ່າງຈາກແຂວງຄຳມ່ວນມາທາງທິດໃຕ້ປະມານ 80 ກິໂລແມັດ ຢູ່ທາງທິດເຫນືອຂອງແຂວງສາລະວັນ ມີແມ່ນໍ້າຂອງເປັນຊາຍແດນທຳມະຊາດ.


ທີ່ມາ: ທ່ານ ດຣ ສຸລິອຸດົງ ສູນດາລາ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

No comments

Powered by Blogger.