ກະຊວງ ຮສສ ຮ່ວມມືກັບ ກະຊວງສຶກສາ ແລະ ກິລາ ຈັດຕັ້ງປະຕິບັດກົນໄກການສະໜອງຂໍ້ມູນນັກສຶກສາ ທີ່ຂື້ນທະບຽນຊອກຫາວຽກ ໃນລະບົບຂ່າວສານຕະຫຼາດແຮງງານ ແລະ ຈັດຫາງານ





ເພື່ອສືບຕໍ່ໃນການຈັດຕັ້ງ-ຜັນຂະຫຍາຍແຜນພັດທະນາແຮງງານ ແລະ ສະຫວັດດີການສັງຄົມ 5 ປີ ຄັ້ງທີ IV (2016-2020) ແລະ ຍຸດທະສາດພັດທະນາວຽກງານແຮງງານ ແລະ ສະຫວັດດີການສັງຄົ( ຮສສ )ໃຫ້ປະກົດຜົນເປັນຈິງເທື່ອລະກ້າວ ; ໂດຍສະເພາະແມ່ນການສ້າງລະບົບຂໍ້ມູນຂ່າວສານຕະຫຼາດແຮງງານເພື່ອຮັບໃຊ້ໃຫ້ແກ່ການສ້າງແຜນ ແລະ ດັດສົມມະຫາພາກດ້ານແຮງງານ ແລະ ເພື່ອປະຕິບັດຕາມແຈ້ງການແນະນຳຂອງລັດທະມົນຕີ ກະຊວງ ຮສສ ສະບັບເລກທີ 0194/ຮສສ ລົງວັນທີ 1/2/2018 ວ່າດ້ວຍການຜັນຂະຫຍາຍເນື້ອໃນຜົນກອງປະຊຸມໂຕະມົນປະຈໍາປີ 2017.



ໃນວັນທີ 22 ມີນາ 2018ນີ້, ທີ່ກະຊວງແຮງງານ ແລະ ສະຫວັດດີການສັງຄົມ, ໄດ້ມີພິທີເຊັນບົດບັນທຶກຮ່ວມກັນ ລະຫວ່າງກະຊວງແຮງງານ ແລະ ສະຫວັດດີການສັງຄົມ ກັບ ກະຊວງສືກສາທິການ ແລະ ກິລາ ກຽ່ວກັບຈັດຕັ້ງປະຕິບັດກົນໄກການສະໜອງຂໍ້ມູນນັກສຶກສາທີ່ຂື້ນທະບຽນຊອກຫາວຽກ ໃນລະບົບຂໍ້ມູນຂ່າວສານຕະຫລາດແຮງງານ, ຕາງໜ້າກະຊວງແຮງງານ ລະ ສະຫວັດດີການສັງຄົມ ເຊັນ ໂດຍ ທ່ານ ໄທ ແສງອາລຸນ ຮອງກົມພັດທະນາສີມືແຮງງານ ແລະ ຈັດຫາງານ ແລະ ຕ່າງໜ້າ ກຊວງສຶກສາທິການ ແລະ ກິລາ ເຊັນໂດຍ ທ່ານ ສົມນຶກ ກຸສົນສະຫວັດ ຮອງຫົວໜ້າກົມກິດຈະການນັກສຶກສາ. ໂດຍເປັນກຽດເຂົ້າຮ່ວມເປັນສັກຂີພິຍານຂອງ ທ່ານ ນ. ອານຸສອນ ຄຳສິງສະຫວັດ ຮັກສາການກົມພັດທະນາສີມືແຮງງານ ແລະ ຈັດຫາງານ , ພ້ອມຄະນະທັງສອງຝ່າຍ ແລະ ກຽ່ວຂ້ອງເຂົ້າຮ່ວມ .

ດັ່ງນັ້ນກົມພັດທະນາສີມືແຮງງານ ແລະ ຈັດຫາງານ( ພຈງ ) ຈື່ງໄດ້ສ້າງຂໍ້ມູນຂ່າວສານຕະຫຼາດແຮງງານ ເພື່ອໃຫ້ສາມາດເຊື່ອມໂຍງກັບທຸກພາກສວ່ນທີ່ກ່ຽວຂ້ອງໄປແຕ່ລະບາດກ່າວ, ໂດຍສະເພາະນີ້ແມ່ນບາດກ້າວທຳອິດທີ່ພວກເຮົາຈະໄດ້ລົງນາມເຮັດບົດບັນທືກຮ່ວມມື ກັບ ຫ້ອງການກອງທຶນປະກັນສັງຄົມແຫ່ງຊາດ ແລະສູນບໍລິການຈັດຫາງານ ເພື່ອຊອກອຸດໜູນຜູ້ວ່າງງາ ແລະ ຄັ້ງນີ້ ແມ່ນເທື່ອທີ ສອງໃນການເຊັນບົດບັນທຶກຮ່ວມ ກັບກະຊວງສຶກສາທິການ ແລະ ກິລາ ຈັດຕັ້ງປະຕິບັດກົນໄກການສະຫນອງຂໍ້ມູນຜູ້ໃຫ້ກັບນັກສຶກສາທີ່ພວມຊອກຫາວຽກເຮັດງານທຳໄດ້ຢ່າງທັນການ ແລະ ສາມາດ ຢັ້ງຢືນການວ່າງງານ ຖືກຕ້ອງ ແລະ ຊັດເຈນ ລົງໃນລະບົບຂໍ້ມູນຂ່າວສານຕະຫຼາດແຮງງານ ແລະ ຈັດຫາງານ , ລະບົບຂໍ້ມູນຂ່າວສານຕະຫຼາດແຮງງານ ຈະຊ່ວຍຄຸ້ມຄອງຜູ້ວ່າງງານທີ່ໄດ້ປະກັນຕົນ ຫຼື ເປັນສະມາຊິກປະກັນສັງຄົມ ສາມາດຈ່າຍເງີນອຸດໜູນວ່າງງານໄດ້ຖືກກັບເປົ້າຫມາຍຕົວຈິງທີ່ສຸດ ແລະ ທັງເປັນການເພີ່ມທະວີສັງຄົມໄດ້ເຫັນຄວາມສຳຄັນສາມາດເຂົ້າເຖີງການບໍລິການດ້ານຂໍ້ມູນຂ່າວສານຕະຫຼາດແຮງງານ, ຮູ້ນຳໃຊ້ ແລະ ເຂົ້າເຖີງເວັບໄຊຣ ຂອງລະບົບຖານຂໍ້ມູນຂ່າວສານຕະຫຼາດແຮງງານໄດ້ງ່າຍຂື້ນ ໃນການຊອກຫາວຽກເຮັດງານທຳ ແລະ ການເລືອກຮຽນວິຊາຊີບ ແລະ ພັດທະນາສີມືແຮງງານ ໃຫ້ສອດຄ່ອງກັບຄວາມຕ້ອງການຂອງຕະຫຼາດແຮງງານ.

ຂ່າວ: ເພັດສະໄໝ, ພາບ: ໜູທອງ 
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

Post a Comment

0 Comments