ກະຊວງຖະແຫລງຂ່າວວັດທະນາທຳ ແລະທ່ອງທ່ຽວ ຈັດພິທີພົບປະຜູ້ມີສິດເລືອກຕັ້ງ ກັບສະມາຊິກສະພາແຫ່ງຊາດຊຸທີ 8 ປະຈຳເຂດເລືອກຕັ້ງທີ 1 ນະຄອນຫລວງວຽງຈັນ



ກະຊວງຖະແຫລງຂ່າວວັດທະນາທຳ ແລະທ່ອງທ່ຽວ ຈັດພິທີພົບປະຜູ້ມີສິດເລືອກຕັ້ງ ກັບສະມາຊິກສະພາແຫ່ງຊາດຊຸທີ 8 ປະຈຳເຂດເລືອກຕັ້ງທີ 1 ນະຄອນຫລວງວຽງຈັນ ແລະຮັບຟັງການເຜີຍແຜ່ຜົນສຳເລັດກອງປະຊຸມສະໄໝສາມັນເທື່ອທີ 4 ຂອງສະພາແຫ່ງຊາດ ຊຸດທີ 8. ໂດຍໃຫ້ກຽດເຜີຍແຜ່ ຂອງທ່ານ ນາງ ພອນເພັດ ບຸບຜາ ຮອງກຳມາທິການ ວັດທະນາທຳສັງຄົມ ສະພາແຫ່ງຊາດ ພ້ອມດ້ວຍ ສະມາຊິກ ສະພາແຫ່ງຊາດຊຸດທີ 8 ແລະສະມາຊິກສະພາປະຊາຊົນນະຄອນຫລວງວຽງຈັນ. ໃຫ້ກຽດຕ້ອນຮັບ ໂດຍທ່ານ ບົວເງິນ ຊາພູວົງ ຮອງເລຂາພັກກະຊວງ, ຮອງລັດຖະມົນຕີ ກະຊວງຖະແຫລງຂ່າວວັດທະນາທຳ ແລະທ່ອງທ່ຽວ ພ້ອມດ້ວຍຄະນະປະຈຳພັກພັກ, ຄະນະພັກກະຊວງ, ພະນັກງານຫລັກແຫລ່ງ ທີ່ຕາງໜ້າໃຫ້ພະນັກງານທົ່ວ ກະຊວງຖະແຫລງຂ່າວວັດທະນາທຳ ແລະທ່ອງທ່ຽວ 200 ກວ່າຄົນ. ພິທີໄດ້ຈັດຂຶ້ນໃນວັນທີ 14/03/2018 ທີ່ຫໍວັດທະນະທຳແຫ່ງຊາດ ນະຄອນຫລວງວຽງຈັນ.




ການພົບປະຢ້ຽມຢາມໃນຄັ້ງນີ້ ແມ່ນການປະຕິບັດໜ້າທີ່ ຂອງສະມາຊິກສະພາແຫ່ງຊາດ ທີ່ເປັນຕົວແທນແຫ່ງສິດຜົນປະໂຫຍດຂອງປະຊາຊົນ ສະແດງໃຫ້ເຫັນເຖິງຄວາມເອົາໃຈໃສ່ເປັນຫ່ວງເປັນໃຍ ຂອງ ສະມາຊິກສະພາແຫ່ງຊາດ ຕໍ່ປະຊາຊົນກໍ່ຄືພະນັກງານ, ທະຫານ, ຕຳຫລວດ ພ້ອມທັງເຜີຍແຜ່ຜົນສຳເລັດກອງປະຊຸມສະໄໝສາມັນ ເທື່ອທີ 4 ຂອງສະພາແຫ່ງຊາດຊຸດທີ 8 ແລະຮັບຟັງຄຳຄິດເຫັນຂອງຜູ້ເຂົ້າຮ່ວມ ຕໍ່ການຈັດຕັ້ງປະຕິບັດ ແຜນພັດທະນາເສດຖະກິດສັງຄົມ, ແຜນງົບປະມານແຫ່ງລັດ, ການຈັດຕັ້ງປະຕິບັດລັດຖະທຳມະນູນ, ກົດໝາຍ ແລະບັນຫາສັງຄົມຕ່າງໆ ເພື່ອເປັນຂໍ້ມູນ ໃຫ້ສະມາຊິກສະພາແຫ່ງຊາດ ໄດ້ນຳໄປຄົ້ນຄວ້າພິຈາລະນາ. ໂອກາດນີ້ ທ່ານ ບົວເງິນ ຊາພູວົງ ໄດ້ກ່າວລາຍງານເຖິງສະພາບຈຸດພິເສດ ແລະສະພາບລວມຂອງ ກະຊວງຖະແຫລງຂ່າວວັດທະນາທຳ ແລະທ່ອງທ່ຽວ ໃນແຕ່ລະດ້ານ ແລະຜ່ານມາ ສາມາດຍາດໄດ້ຜົນງານຢ່າງຫລວງຫຼາຍ. ພາຍຫລັງ ໄດ້ຮັບຟັງບົດລາຍງານຫຍໍ້ສະພາບການຈັດຕັ້ງວຽກງານຂອງ ກະຊວງຖະແຫລງຂ່າວວັດທະນາທຳ ແລະທ່ອງທ່ຽວ ແລ້ວ ຜູ້ເຂົ້າຮ່ວມ ໄດ້ຮັບຟັງການເຜີຍແຜ່ຜົນສຳເລັດ ກອງປະຊຸມສະໄໝສາມັນເທື່ອທີ 4 ຂອງສະພາແຫ່ງຊາດ ຊຸດທີ 8 ຈາກທ່ານ ນາງພອນເພັດ ບຸບຜາ ຮອງກຳມາທິການ ວັດທະນາທຳສັງຄົມ ສະພາແຫ່ງຊາດ ພ້ອມດ້ວຍຄະນະ ຈາກນັ້ນຜູ້ເຂົ້າຮ່ວມ ໄດ້ພ້ອມກັນປະກອບຄວາມຄິດເຫັນ, ສະເໜີບັນຫາຕ່າງໆ ຕໍ່ການຈັດຕັ້ງປະຕິບັດ ແຜນພັດທະນາເສດຖະກິດສັງຄົມ, ແຜນງົບປະມານ ແຫ່ງລັດ, ການຈັດຕັ້ງປະຕິບັດລັດຖະທຳມະນູນ, ກົດໝາຍ ແລະບັນຫາສັງຄົມຕ່າງໆ.


ພາບ-ຂ່າວ: ຂປລ 
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

Post a Comment

0 Comments