ເຈົ້າເມືອງລະມາມເນັ້ນຫຼາຍບັນຫາຕໍ່ກອງປະຊຸມຕີລາຄາວຽກງານປ້ອງກັນຄວາມສະຫງົບປະຈຳປີ 2017





ເພື່ອເປັນການສືບຕໍ່ຈັດຕັ້ງປະຕິບັດແນວທາງປ້ອງກັນຄວາມສະຫງົບໃນຊຸມປີຕໍ່ໜ້ານີ້ໃຫ້ມີຄວາມໜັກແໜ້ນ,ເຂັ້ມແຂງ ແລະ ເປັນກຳລັງແຮງປະກອບສ່ວນໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ,ທັງຮັບປະກັນໃຫ້ເມືອງລະມາມມີຄວາມສະຫງົບ ແລະມີຄວາມເປັນລະບຽບຮຽບຮ້ອຍດີ.




ທ່ານ ປອ ແພງສີ ສີລາວີ ກໍາມະການພັກແຂວງ ເລຂາພັກເມືອງ ເຈົ້າເມືອງລະມາມ ໄດ້ເນັ້ນຫຼາຍບັນຫາຕໍ່ກອງປະຊຸມຕີລາຄາວຽກງານປ້ອງກັນຄວາມສະຫງົບໃນຄັ້ງວັນທີ7 ມີນາ 2018 ນີ້ວ່າ: ບັນຫາທີໜຶ່ງຕ້ອງເອົາໃຈໃສ່ສຶກສາອົບຮົມການເມືອງແນວຄິດໃຫ້ຖັນແຖວພະນັກງານ-ກຳລັງປ້ອງກັນຄວາມສະຫງົບໃຫ້ເປັນປະຈຳແລະຕໍ່ເນື່ອງ ເພື່ອສືບຕໍ່ຮັກສາມູນເຊື້ອອັນດີງາມມີຄວາມຈົງຮັກພັກດີຕໍ່ປະເທດຊາດ ແລະປະຊາຊົນ,ເພີ່ມທະວີສຶກສາອົບຮົມໃຫ້ພົນລະເມືອງລາວໃຫ້ເຊື່ອມຊຶມຢ່າງເລິກເຊິງເປັນເຈົ້າການເຂົ້າຮ່ວມປະຕິບັດແນວທາງປ້ອງກັນຄວາມສະຫງົບທົ່ວປ່ວງຊົນຮອບດ້ານ,ຍົກສູງສະຕິປ້ອງກັນ,ສະກັດກັ້ນ ແລະຕ້ານກົນອຸບາຍຫັນປ່ຽນໂດຍສັນຕິ,ໃຫ້ເອົາໃຈໃສ່ຄຸ້ມຄອງພົນລະເມືອງດ້ວຍການຂຶ້ນສຳມະໂນຄົວ

ກຳແໜ້ນການຫັນປ່ຽນຂອງພົນລະເມືອງໂດຍສະເພາະຄົນເພີ່ມ,ຄົນຫຼຸດແລະຄົນຍົກຍ້າຍຈາກຕ່າງແຂວງຕ້ອງມີການກວດກາຢ່າງເຂັມງວດ,ສືບຕໍ່ວຽກງານກໍ່ສ້າງຮາກຖານການເມືອງ,ປັບປຸງກຳລັງ ປກສ ກຸ່ມບ້ານໃຫ້ມີຄວາມໜັກແໜ້ນ,ເຂັ້ມແຂງ ເພື່ອເຮັດໜ້າທີ່ສຶກສາອົບຮົມປະຊາຊົນເຊື່ອມຊຶມແນວທາງແຜນນະໂຍບາຍຂອງພັກ,ລະບຽບກົດໝາຍຂອງລັດ,ກຳແໜ້ນກົນອຸບາຍເລຫຼ່ຽມມ້າງເພຂອງອິດທິກຳລັງປໍລະປັກພວກຄົນບໍ່ດີ,ເພີ່ມທະວີສະກັດກັ້ນ ແລະ ແກ້ໄຂບັນຫາໜໍ່ແໜ່ງຄວາມບໍ່ສະຫງົບທາງການເມືອງ,ຄວາມບໍ່ເປັນລະບຽບຮຽບຮ້ອຍທາງສັງຄົມຢ່າງທັນການ,ເປັນເຈົ້າການໃນການສ້າງພາລາທິການກັບທີປະຕິບັດຕາມທິດກຸ້ມຕົນເອງ,ເພິ່ງຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ,ນໍາໃຊ້ທ່າແຮງບົ່ມຊ້ອນທີ່ມີເພື່ອສ້າງພື້ນຖານໃນການຊຸກຍູ້ການປູກ-ການລ້ຽງ ຫຼືສ້າງກອງທຶນໃຫ້ດີຂຶ້ນເປັນກ້າວໆ.


ກອງປະຊຸມສະຫຼຸບຕີລາຄາວຽກງານປ້ອງກັນຄວາມສະຫງົບເມືອງລະມາມ ໄດ້ດຳເນີນເປັນເວລາ 2 ວັນເຕັມ ເຊິ່ງເລີມແຕ່ວັນທີ 6-7 ມີນາ 2018 ທີ່ຜ່ານມາ.


ຂ່າວ:ດາວສະຫວັນ ໄຊລາສອນ (ຂ່າວເຊກອງ)
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

Post a Comment

0 Comments