ລັດວິສາຫະກິດໄຟຟ້າລາວ ໄດ້ສືບຕໍ່ ກອງປະຊຸມສະຫຼຸບວຽກງານປະຈໍາປີ 2017 ແລະ ຜ່ານແຜນການປີ 2018



ໃນວັນທີ 2 ມີນາ 2018 ຜ່ານມານີ້ ລັດວິສາຫະກິດໄຟຟ້າລາວ ໄດ້ສືບຕໍ່ ກອງປະຊຸມສະຫຼຸບວຽກງານປະຈໍາປີ 2017 ແລະ ຜ່ານແຜນການປີ 2018 ຢູ່ທີ່ຫ້ອງປະຊຸມສໍານັກງານໃຫຍ່, ໂດຍການເປັນປະທານຂອງ ທ່ານ ປອ ຄໍາມະນີ ອິນທິລາດ ກໍາມະການສູນກາງພັກ ເລຂາຄະນະພັກກະຊວງ ລັດຖະມົນຕີກະຊວງພະລັງງານ ແລະ ບໍ່ແຮ່, ມີ ທ່ານ ປອ ຄໍາເຜີຍ ຜັນທະຈອນ ປະທານສະພາປະຊາຊົນ ແຂວງສະຫວັນນະເຂດ, ທ່ານ ວິຊຽນ ນະວິກຸນ ຮອງເຈົ້າແຂວງ ແຂວງສາລະວັນ, ທ່ານຫົວໜ້າກົມ, ຮອງກົມ, ຄະນະອໍານວຍການ ແລະບໍລິສັດໃນເຄືອເຂົ້າຮ່ວມ.





ໃນພິທີ ທ່ານ ບຸນອູ້ມ ສີວັນເພັງ ຜູ້ອໍານວຍການໃຫຍ່ ລັດວິສາຫະກິດໄຟຟ້າລາວໄດ້ຂື້ນສະຫຼຸບການຈັດຕັ້ງປະຕິບັດວຽກງານໃນປີ 2017 ແລະ ຜ່ານແຜນສູ້ຊົນໃນ ປີ 2018 ເຊິ່ງມີຫຼາຍບັນຫາທີ່ຕ້ອງແກ້ໄຂເຊັ່ນ: ແກ້ໄຂບັນຫາໄຟເຫຼືອບໍ່ພໍໃນສະເພາະໜ້າ ແລະ ຍາວນານ, ສູ້ຊົນເພີ້ມລາຍຮັບ ແລະ ຫຼຸດຜ່ອນລາຍຈ່າຍ, ປັບປຸງການສະໜອງໄຟຟ້າໃຫ້ພຽງພໍ ແລະ ມີຄວາມໜັ້ນຄົງ, ສະເໜີໃຫ້ລັດຖະບານ ຊ່ວຍແກ້ໄຂໜີ້ຄ່າກະແສໄຟຟ້າພາກລັດ, ຊົນລະປະທານ ແລະ ຄ່າກະແສໄຟເຍືອງທາງສາທາລະນະ ແລະ ເຈລະຈາການ ຊື້-ຂາຍ ພະລັງງານໄຟຟ້າໃຫ້ເໝາະສົມກັບປະເທດໄກ້ຄຽງ ຫຼັງຈາກນັ້ນ ແມ່ນໄດ້ມີການປະດັບຫຼຽນ ແລະ ມອບໃບຍ້ອງຍໍຜົນສຳເລັດໃຫ້ແກ່ 2 ໂຄງການກໍ່ສ້າງສາຍສົ່ງສະຖານີ ແລະ ໄດ້ມອບໃບຍ້ອງຍໍ ພ້ອມທັງມອບໃບກຽດຕິຄຸນໃຫ້ກັບພະນັກງານກະສຽນ ຈາກນັ້ນແມ່ນໄດ້ຮັບຟັງການໂອລົມຂອງ ທ່ານ ປອ ຄໍາມະນີ ອິນທິລາດ ເລຂາຄະນະພັກກະຊວງ, ລັດຖະມົນຕີ ກະຊວງພະລັງງານ ແລະ ບໍ່ແຮ່ ແລະ ພິທີກໍ່ໄດ້ປິດລົງໃນຕອນແລງຂອງວັນດຽວກັນ.







ພາບ ແລະ ຂ່າວ: ລັດວິສາຫະກິດໄຟຟ້າລາວ 
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

Post a Comment

0 Comments