ປກສ ເມືອງ ທ່າແຕງ ສະຫຼຸບວຽກງານປະຈຳປີ 2017 ແລະ ວາງທິດທາງແຜນການ 2018



ໃນວັນທີ 14 ມີນາ 2018 ກອງບັນຊາການ ປກສ ເມືອງ ທ່າແຕງ ແຂວງ ເຊກອງ ໄດ້ຈັດກອງປະຊຸມສະຫຼຸບວຽກງານປະຈຳປີ 2017 ແລະ ວາງທິດທາງແຜນການ 2018 ຂື້ນທີ່ສະໂມສອນຂອງເມືອງ. ໂດຍການເປັນປະທານຂອງທ່ານ ພັທ ສົມສັກ ຂັດຕິຍະວົງ ຮອງຫົວໜ້າກອງບັນຊາການ ປກສ ແຂວງເຊກອງ,ມີທ່ານ ພັທ ອ່ອນຕາ ສະສົມບັດ ກໍາມະການພັກເມືອງ ຫົວໜ້າກອງບັນຊາການ ປກສ ເມືອງທ່າແຕງ,ມີບັນດາຄະນະພັກກອງບັນຊາການ,ຫົວໜ້າ ແລະ ຮອງຫ້ອງການ,ເຂດບໍລິການປະຊາຊົນ ພ້ອມດ້ວຍທົ່ວກຳລັງ ປກສ ພາຍໃນເມືອງ ເຂົ້າຮ່ວມຢ່າງພ້ອມພຽງ.






ທ່ານ ພັທ ບົວສາ ສຸຍປະເສີດ ຮອງຫົວໜ້າກອງບັນຊາການ ປກສ ເມືອງ ທ່າແຕງ ໄດ້ຂື້ນຜ່ານບົດສະຫຼຸບ ປະຈຳປີ 2017 ແລະ ທິດທາງແຜນການ 2018,ໃນ 1 ປີຜ່ານມາ ຄະນະພັກ,ຄະນະກອງບັນຊາການ ປກສ ເມືອງທ່າແຕງ ເອົາໃຈໃສ່ສຶກສາອົບຮົມການເມືອງ-ນຳພາແນວຄິດໃຫ້ແກ່ຖັນແຖວພະນັກງານ,ສະມາຊິກພັກໃຫ້ມີຄຸນທາດການເມືອງໜັກແໜ້ນ,ມີຄຸນສົມບັດສິນທຳປະຕິວັດ,ມີຄວາມຮູ້-ຄວາມສາມາດໃນການຊີ້ນຳ,ນຳພາ-ບັນຊາ ຢ່າງມີຄວາມຮັບປະກັນ,ຖືກຕ້ອງສອດຄ່ອງກັບແນວທາງຂອງພັກ,ລະບຽບກົດໝາຍຂອງລັດ ກໍ່ຄືລະບຽບວິໄນຂອງກຳລັງ ປກສ ແຕ່ລະໄລຍະຕິດພັນກັບ 3 ທາດແທ້ 7 ມູນເຊື້ອ ແລະ ຕາມ 4 ເນື້ອໃນ 4 ຄາດໝາຍ, 4 ແຜນງານໃຫຍ່ ແລະ 24 ໂຄງການຂອງກະຊວງ,ຂອງແຂວງວາງອອກຢ່າງແຂງແຮງ ແລະ ມີຈຸດສຸມ,ຕະຫຼອດໜື່ງປີຜ່ານມາ ທົ່ວເມືອງ ທ່າແຕງມີຄະດີເກີດຂື້ນທັງໝົດ 27 ລາຍ,ກັກຜູ້ຕ້ອງຫາ 40 ຄົນ,ແກ້ໄຂຂັ້ນເຈົ້າໜ້າທີ່ສໍາເລັດ14 ລາຍ,ສົ່ງໄອຍະການເຂດ 1 ມີ 3 ລາຍ,ສົ່ງພະແນກສືບສວນ-ສອບສວນຫ້ອງຕໍາຫຼວດ ປກສ ແຂວງມີ 9 ລາຍ,ມີຂອງກາງປືນແກັບ 1 ກະບອກ,ລົດໃຫ່ຍ 1 ຄັນ,ລົດຈັກ 1 ຄັນ,ເກັບກູ້ເຄື່ອງຂອງກາງຄືນໄດ້ມີລົດຈັກ 12 ຄັນ,ໄຣເຕີ 1 ເຄື່ອງ ພ້ອມໄດ້ມອບໃຫ້ເຈົ້າຂອງເດີມລົດຈັກມີ 12 ຄັນ,ໄຣເຕີ 1 ເຄື່ອງ,ມູນຄ່າເສຍຫາຍ 199ລ້ານ 5 ແສນກີບ,ທຽບໃສ່ປີຜ່ານມາຫຼຸດລົງ 9 ລາຍ,ເທົ່າກັບ 23 ກວ່າສ່ວນຮ້ອຍ,ຄະດີຄ້າຂາຍຢາເສບຕິດມີ 14 ລາຍ,ຈັບໂຕຕ້ອງຫາໄດ້ 30 ຄົນ,ຢຶດຂອງກາງປະເພດຢາບ້າໄດ້ 4.831 ເມັດ,ໃນນີ້ ແກ້ໄຂກຸ່ມມົ້ວສຸ່ມເສບຕິດມີ 9 ລາຍ,ມີຜູ້ຕ້ອງຫາ 20 ຄົນ,ອັນພົ້ນເດັ່ນກວ່າໝູ່ໄດ້ມ້າງຄະດີຄ້າຂາຍຢາເສບຕິດມີ 2 ລາຍມີຢູ່ບ້ານໜອງສູງ ເມືອງປາກຊ່ອງແຂວງຈໍາປາສັກ ຂອງກາງຢາບ້າມີຈໍານວນ 2.848 ເມັດ,ຕ້ອງຫາ 1 ຄົນ ແລະ ບ້ານ ຈະກໍາໃຫ່ຍ ເມືອງທ່າແຕງ ຈັບຂອງກາງຢາບ້າ 1.600 ເມັດ,ຕ້ອງຫາ 1 ຄົນ 





ໃນນີ້ ໄດ້ສົ່ງໃຫ້ພະແນກສະກັດກັ້ນແລະຕ້ານຢາເສບຕິດຫ້ອງຕໍາຫຼວດ ປກສ ແຂວງສືບຕໍ່ດໍາເນີນຄະດີມີ 5 ລາຍ,ມີຜູ້ຕ້ອງຫາ 10 ຄົນ,ຂອງກາງຢາບ້າ 4.831 ເມັດ,ໂທລະສັບ 10 ໜ່ວຍ,ເງິນສົດ 3 ລ້ານ 7 ແສນກວ່າກີບ,ທຽບໃສ່ປີຜ່ານມາເພີ່ມຂື້ນ 9 ລາຍ,ເທົ່າກັບ 180%,ມີອຸປະຕິເຫດເກີດຂື້ນທັງໝົດ 34 ລາຍ,ໄດ້ຮັບບາດເຈັບ 61 ຄົນ,ຍິງ 10 ຄົນ,ບາດເຈັບເລັກນ້ອຍມີ 44 ຄົນ,ຍິງ 6 ຄົນບາດເຈັບສາຫັດ 5 ຄົນ,ຍິງ 1 ຄົນ,ເສຍຊີວິດມີ 14 ຄົນ,ຍິງ 3 ຄົນ,ພາຫະນະເປ້ເພ 49 ຄັນ,ເປ້ເພສົມຄວນ 12 ຄັນ,ໃຊ້ການບໍ່ໄດ້ 3 ຄັນ,ມູນຄ່າເສຍຫາຍ 421 ລ້ານກວ່າກີບ,ແກ້ໄຂສໍາເລັດແລ້ວ 24 ລາຍ,ສົ່ງໃຫ້ພະແນກຈາລະຈອນຫ້ອງຕໍາຫຼວດ ປກສ ແຂວງມີ 10 ລາຍ,ທຽບໃສ່ປີ ຜ່ານມາ ເພີ່ມຂື້ນ 11 ລາຍ,ເທົ່າກັບ 47 ກວ່າສ່ວນຮ້ອຍ,ມີອັກຄີໄພເກີດຂື້ນ 4 ລາຍ,ມູນຄ່າເສຍຫາຍ 223 ລ້ານ 3 ແສນກີບ,ທຽບໃສ່ປີຜ່ານມາເພີ່ມຂື້ນ 2 ເລື່ອງ,ທົ່າກັບ 100%. ທົ່ວເມືອງ ທ່າແຕງມີ 6 ເຂດ,ມີກໍາລັງ ປກສ ບໍລິການປະຊາຊົນ 38 ສະຫາຍ,ປະກອບມີ 9 ກອງຮ້ອຍ,ມີ 16 ໝວດ,ມີ 42 ໝູ່,ສ້າງບ້ານປ້ອງກັນຄວາມສະຫງົບດີໄດ້ 11 ບ້ານ,ມີ 895 ຄອບຄົວ,ມີ 832 ຫຼັງຄາເຮືອນ,ມີພົນລະເມືອງ 4.923 ຄົນ,ຍິງ 2.497 ຄົນ,ມາຮອດປະຈຸບັນສາມາດສ້າງຄອບຄົວປ້ອງກັນຄວາມສະຫງົບໄດ້ດີມີທັງໝົດ 40 ບ້ານ,ຍັງເຫຼືອພຽງແຕ່ 7 ບ້ານ ( ທົ່ວເມືອງ ມີ 47 ໝູ່ບ້ານ ).ຈາກນັ້ນ,ຜູ້ເຂົ້າຮ່ວມກອງປະຊຸມຍັງໄດ້ພ້ອມກັນປະກອບຄຳຄິດຄຳເຫັນໃສ່ບົດສະຫຼຸບ ເຮັດໃຫ້ມີເນື້ອໃນໜັກແໜ້ນສົມບູນຂື້ນຕື່ມ ພ້ອມກັບທິດທາງແຜນການໃນຕໍ່ໜ້າ ເພື່ອສືບຕໍ່ປະຕິບັດໃຫ້ປະກົດຜົນເປັນຈິງ ແລະ ຖືກຕ້ອງຕາມ 4 ແຜນງານໃຫຍ່ ແລະ 24 ໂຄງການຂອງກະຊວງ,ຂອງແຂວງ ແລະ ເມືອງວາງອອກຢ່າງແຂງແຮງກວ່າເກົ່າ.





ພາບ ແລະ ຂ່າວ: ພອນ ບຸນອຸທິດ  
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

Post a Comment

0 Comments