ອຸດົມໄຊ ສະຫຼຸບການເຄື່ອນໄຫວວຽກງານຈັດຕັ້ງ,ກໍ່ສ້າງພັກ - ພະນັກງານ ປະຈໍາປີ 2017 ແລະ ເຊື່ອມຊຶມນິຕິກໍາ ວຽກງານພັກ - ພະນັກງານ




ກອງປະຊຸມສະຫຼຸບຕີລາຄາຜົນການເຄື່ອນໄຫວຈັດຕັ້ງປະຕິບັດວຽກງານຈັດຕັ້ງ,ກໍ່ສ້າງພັກ ພະນັກງານ ປະຈຳປີ 2017 ຂອງຄະນະຈັດຕັ້ງແຂວງອຸດົມໄຊ ແລະ ການເຜີຍແຜ່ເຊື່ອມຊຶມນິຕິກຳ ກ່ຽວກັບວຽກງານພັກ ພະນັກງານ ຈັດຂຶ້ນໃນວັນທີ 7 ມີນາ 2018 ຢູ່ທີ່ຫ້ອງປະຊຸມ ຫ້ອງວ່າການປົກຄອງແຂວງອຸດົມໄຊ ໂດຍການໃຫ້ກຽດເຂົ້າຮ່ວມຊີ້ນໍາກອງປະຊຸມ ຂອງທ່ານ ຈັນສີ ໂພສີຄຳ ກໍາມະການກົມການ ເມືອງສູນກາງພັກ,ຄະນະເລຂາທິການສູນກາງພັກ,ຫົວໜ້າຄະນະຈັດຕັ້ງສູນກາງພັກ,ມີທ່ານ ເພັດສາ ຄອນ ຫຼວງອາໄພ ກຳມະການສູນກາງພັກ,ເລຂາພັກແຂວງ,ເຈົ້າແຂວງອຸດົມໄຊ,ມີບັນດາຄະນະປະຈຳພັກແຂວງ,ກຳມະການພັກແຂວງ,ເມືອງ,ຄະນະຈັດຕັ້ງແຂວງ,ເມືອງ 7 ເມືອງ ຕະຫຼອດຮອດວິຊາການທີ່ເຮັດວຽກງານຈັດຕັ້ງພັກ,ພະນັກງານ ແຕ່ລະຂະແໜງການອ້ອມຂ້າງແຂວງເຂົ້າຮ່ວມ.



ການດໍາເນີນກອງປະຊຸມໃນຄັ້ງນີ້ ບັນດາຜູ້ເຂົ້າຮ່ວມແມ່ນໄດ້ຮັບຟັງການສະຫຼຸບຕີລາຄາການຈັດຕັ້ງປະຕິບັດວຽກງານ ຈັດຕັ້ງ,ກໍ່ສ້າງພັກ ພະນັກງານ ໃນຕະຫຼອດໄລຍະ 1 ປີຜ່ານມາ ລວມທັງທິດທາງແຜນການໃນປີຕໍ່ໜ້າ. ໃນນັ້ນ ໄດ້ຍົກໃຫ້ເຫັນເຖິງຜົນງານການເຄື່ອນໄຫວວຽກງານໃນຫຼາຍດ້ານ ເປັນ ຕົ້ນແມ່ນ ວຽກງານກໍ່ສ້າງພັກ ທາງດ້ານການເມືອງ ແນວຄິດ,ທາງດ້ານການຈັດຕັ້ງ,ດ້ານແບບແຜນການນຳພາ,ວຽກງານພະນັກງານ,ວຽກງານພົວພັນຕ່າງປະເທດ ແລະ ອື່ນໆ ລວມທັງສາເຫດທີ່ພາໃຫ້ມີດ້ານດີ,ດ້ານອ່ອນ,ຂໍ້ຄົງຄ້າງ,ບົດຮຽນທີ່ຖອດຖອນໄດ້. ຈາກນັ້ນ ຜູ້ແທນກອງປະຊຸມ ໂດຍສະເພາະແມ່ນຄະນະຈັດຕັ້ງ ຂັ້ນເມືອງ ໄດ້ພັດປ່ຽນກັນປະກອບຄຳເຫັນ ໂດຍເນັ້ນໃສ່ບາງບັນຫາທີ່ເຫັນວ່າຍັງຄ້າງຄາ ແລະ ມີຄວາມຫຍຸ້ງຍາກໃນການຈັດຕັ້ງ ປະຕິບັດຕໍ່ກັບວຽກງານດັ່ງກ່າວ ເພື່ອເປັນບ່ອນອີງໃຫ້ແກ່ຂັ້ນເທິງຊ່ວຍປັບປຸງແກ້ໄຂ. ຕໍ່ກັບການສະຫຼຸບຕີລາຄາຜົນການເຄື່ອນໄຫວຈັດຕັ້ງປະຕິບັດວຽກງານ ຈັດຕັ້ງ,ກໍ່ສ້າງພັກ ພະນັກງານ ໃນ 1 ປີຜ່ານມາຂອງແຂວງອຸດົມໄຊ ທ່ານ ຈັນສີ ໂພສີຄຳ ກໍາມະການກົມການເມືອງ ສູນກາງພັກ,ຄະນະເລຂາທິການສູນກາງພັກ,ຫົວໜ້າຄະນະຈັດຕັ້ງສູນກາງພັກ ໄດ້ມີຄຳເຫັນ ເບື້ອງຕົ້ນໄດ້ຍ້ອງຍໍຊົມເຊີຍ ຕໍ່ກັບຜົນງານທີ່ຍາດໄດ້ ພ້ອມທັງ ແນະນຳ ບາງບັນຫາທີ່ເຫັນວ່າຕ້ອງໄດ້ເອົາໃຈໃສ່ສືບຕໍ່ຈັດຕັ້ງປະຕິບັດ ເພື່ອເຮັດໃຫ້ວຽກງານດັ່ງກ່າວ ໄດ້ຮັບຜົນສໍາເລັດຕາມແນວທາງຂອງພັກ ວາງອອກ. 




ໂອກາດດັ່ງກ່າວ ກອງປະຊຸມ ຍັງໄດ້ຮັບຟັງການເຜີຍແຜ່,ເຊື່ອມຊຶມບັນດາເອກະສານທີ່ສຳຄັນຈຳ ນວນໜຶ່ງທີ່ກ່ຽວຂ້ອງກັບວຽກງານຈັດຕັ້ງ,ກໍ່ສ້າງພັກ ພະນັກງານ ເປັນຕົ້ນແມ່ນ ຄຳສັ່ງ ວ່າດ້ວຍການເພີ່ມທະວີ ການກໍ່ສ້າງໜ່ວຍພັກປອດໃສ,ເຂັ້ມແຂງ,ໜັກແໜ້ນ,ມະຕິ ວ່າດ້ວຍມາດຕະຖານຂອງພະນັກ ງານນຳພາ - ຄຸ້ມຄອງ,ມະຕິ ວ່າດ້ວຍວຽກງານຄຸ້ມຄອງພະນັກງານ ແລະ ມະຕິ ວ່າດ້ວຍວຽກງານການສ້າງແຜນກຳນົດພະນັກງານນຳພາ - ຄຸ້ມຄອງ. ທັງໝົດນີ້ ກໍເພື່ອເຮັດໃຫ້ວຽກງານຈັດຕັ້ງ,ກໍ່ສ້າງພັກ ພະນັກງານ ມີປະສິດທິພາບ ແລະ ໄດ້ຮັບການປັບປຸງແກ້ໄຂດີຂຶ້ນເທື່ອລະກ້າວ. 


ຂ່າວ ແລະ ພາບ: ຄານມະນີ ຮຽນດໍຈັນ

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

Post a Comment

0 Comments