ແຂວງເຊກອງ ມອບເງິນນະໂຍບາຍຕໍ່ຜູ້ມີຜົນງານໃນພາລະກິດຮັບໃຊ້ຊາດ





ໃນວັນທີ 14 ມີນາ 2018 ທີ່ພະແນກແຮງງານ ແລະສະຫວັດດີການສັງຄົມແຂວງເຊກອງໄດ້ມີພິທີມອບ-ຮັບເງິນນະໂຍບາຍຕໍ່ຜູ້ມີຜົນງານ ແລະຄຸນງາມຄວາມດີໃນພາລະກິດຮັບໃຊ້ການປະຕິວັດຊາດປະຊາທິປະໄຕຂຶ້ນ ໂດຍການເຂົ້າຮ່ວມຂອງທ່ານ ຖາວອນ ພົມມະໄລລຸນ ຮອງເຈົ້າແຂວງເຊກອງ, ຜູ້ຊີ້ນໍາຂົງເຂດວຽກງານວັດທະນະທໍາ-ສັງຄົມຂັ້ນແຂວງ, ທ່ານ ອົບມາ ລາດຕະກຸນ ຮອງພະແນກແຮງງານ ແລະສະຫວັດດິການສັງຄົມແຂວງ, ມີບັນດາຫົວໜ້າ-ຮອງພະແນກການອ້ອມຂ້າງ, ສອງກໍາລັງປະກອບອາວຸດ, ຫົວໜ້າ-ຮອງຫ້ອງການທີ່ກ່ຽວຂ້ອງ ພ້ອມດ້ວຍພະນັກງານບໍານານອາວຸໂສປະຕິວັດເຂົ້າຮ່ວມ.



ໂດຍປະຕິບັດຕາມດໍາລັດວ່າດ້ວຍການຈັດຕັ້ງ ແລະການເຄື່ອນໄຫວຂອງກະຊວງແຮງງານ ແລະສະຫວັດດິການສັງຄົມ ສະບັບເລກທີ 200/ນຍ, ລົງວັນທີ 30 ມິຖຸນາ 2017, ອີງຕາມດໍາລັດວ່າດ້ວຍການປະຕິບັດນະໂຍບາຍຕໍ່ຜູ້ທີ່ມີຜົນງານ ແລະຄຸນງາມຄວາມດີໃນພາລະກິດຮັບໃຊ້ການປະຕິວັດຊາດປະຊາທິປະໄຕສະບັບເລກທີ 272/ລບ, ລົງວັນທີ 16 ກັນຍາ 2015, ອີງຕາມບັນຊີລາຍຊື່ຜູ້ທີ່ຈະໄດ້ຮັບນະໂຍບາຍເງິນສົມທົບປຸກສ້າງຂອງພະແນກແຮງງານ ແລະສະຫວັດດິການສັງຄົມແຂວງເຊກອງສະບັບເລກທີ 095/ຮສສຂ, ລົງວັນທີ 10 ສິງຫາ 2017. 




ດັ່ງນັ້ນລັດຖະມົນຕີກະຊວງແຮງງານ ແລະສະຫວັດດິການສັງຄົມຈິ່ງໄດ້ຕົກລົງອະນຸມັດເງິນນະໂຍບາຍສົມທົບປຸກສ້າງໃຫ້ພະແນກແຮງງານ ແລະສະຫວັດດິການສັງຄົມແຂວງເຊກອງຈໍານວນ 7 ທ່ານ ເປັນເງິນທັງໝົດ 210.000.000 ກີບ (ສອງຮ້ອຍສິບລ້ານກີບ) ໂດຍປະຕິບັດນະໂຍບາຍເງິນປຸກສ້າງ-ສ້ອມແປງເຮືອນ ປີ 2017 ໃຫ້ທ່ານລະ 30.000.000 ກີບ (ສາມສິບລ້ານກີບ) ໃນນີ້, ການຊໍາລະຄືນໃຫ້ລັດ ປະຕິບັດຕາມດໍາລັດ 272/ລບ, ລົງວັນທີ 16 ກັນຍາ 2015 ໃນມາດຕາ 5 ເຊິ່ງບຸກຄົນທີ່ເຂົ້າການປະຕິວັດແຕ່ປີ 1955-1960 ແມ່ນໄດ້ຊໍາລະຄືນໃຫ້ລັດ 5%; ເຂົ້າການປະຕິວັດແຕ່ປີ 1961-1965 ຊໍາລະຄືນໃຫ້ລັດ 10%; ເຂົ້າການປະຕິວັດ 1966-1970 ຊໍາລະຄືນໃຫ້ລັດ 15%; ເຂົ້າການປະຕິວັດແຕ່ປີ 1971-31 ທັນວາ 1974 ຊໍາລະຄືນໃຫ້ລັດ 20%.




ໃຫ້ກຽດກ່າວມອບໂດຍທ່ານ ຖາວອນ ພົມມະໄລລຸນ ຄະນະປະຈໍາພັກແຂວງ ຮອງເຈົ້າແຂວງເຊກອງ ຜູ້ຊີ້ນໍາຂົງເຂດວຽກງານວັດທະນະທໍາ-ສັງຄົມ ມີບັນດາຄະນະກໍາມະການ, ຫົວໜ້າ-ຮອງພະແນກການອ້ອມຂ້າງ, ສອງກໍາລັງປະກອບອາວຸດ ພ້ອມດ້ວຍ ພະນັກງານອາວຸໂສປະຕິວັດຮ່ວມເປັນສັກຂີພິຍານ.


ຂ່າວ-ພາບ: ນາລີວັນ (ຂ່າວແຂວງເຊກອງ)
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

Post a Comment

0 Comments