ສູນກາງແນວລາວສ້າງຊາດ ປະເມີນຜົນວຽກງານກອງທຶນພັດທະນາ ຂັ້ນບ້ານ




ສູນກາງແນວລາວສ້າງຊາດ ຈັດກອງປະຊຸມ ປະເມີນຜົນວຽກງານກອງທຶນ ພັດທະນາຂັ້ນບ້ານຂຶ້ນ ໃນວັນ ທີ 14 ມີນານີ້ ທີ່ ສູນກາງແນວລາວສ້າງຊາດ ນະຄອນຫຼວງວຽງຈັນ ໂດຍ ເປັນປະທານຂອງທ່ານ ຈັນທະວົງ ແສນອາມາດມັນຕີ ຮອງປະທານສູນກາງແນວລາວສ້າງຊາດ ເຂົ້າຮ່ວມຮັບຟັງໂດຍ ທ່ານ ໄຊ ສົມພອນ ພົມວິຫານ ປະທານ ສູນກາງແນວລາວສ້າງຊາດ, ຊຶ່ງມີຜູ້ຕາງໜ້າການຈັດຕັ້ງ ກ່ຽວຂ້ອງ ແລະ ຕາງໜ້າກອງທຶນພັດທະນາຂັ້ນບ້ານເຂົ້າ ຮ່ວມ. 



ກອງປະຊຸມດັ່ງກ່າວ ໄດ້ ຜ່ານບົດລາຍງານການປະເມີນ ຜົນກອງທຶນພັດທະນາຂັ້ນບ້ານ ໃຫ້ແນວຄວາມຄິດວິທີນຳພາ ສ້າງກອງທຶນພັດທະນາຂັ້ນບ້ານ, ສະພາບກອງທຶນພັດທະນາ ຂັ້ນບ້ານຂອງແຂວງຫຼວງນໍ້າທາ, ແຂວງຫົວພັນ ບ້ານພັນ ໄຊ ແລະ ບ້ານນາທອງ ແຂວງ ອຸດົມໄຊ, ແຂວງຈຳປາສັກ, ແຂວງບໍລິຄຳໄຊ ບ້ານບຸນ ກວາງ, ບ້ານນາຫາດ, ນະຄອນ ຫຼວງ ແລະ ຍັງໄດ້ຮັບຟັງການ ລາຍງານບາງບົດຮຽນກ່ຽວກັບ ວຽກງານຫຼຸດຜ່ອນຄວາມທຸກຍາກ. ໃນໂອກາດດັ່ງກ່າວ ທ່ານ ໄຊສົມພອນ ພົມວິຫານ ໄດ້ ໂອ້ລົມຕໍ່ກອງປະຊຸມວ່າ: ການມີກອງທຶນພັດທະນາຂັ້ນບ້ານ ກໍເປັນອີກທາງເລືອກໜຶ່ງ ສໍາລັບປະຊາຊົນທີ່ຂາດທຶນຮອນໃນເຂດຊົນນະບົດຫ່າງໄກສອກຫຼີກ ສາມາດກູ້ຢືມ ເງິນໄປລົງທຶນໃສ່ການປູກຝັງ, ລ້ຽງສັດ, ທຸລະກິດຂະໜາດ ນ້ອຍ, ການບໍລິການ ແລະ ອື່ນໆ ເນື່ອງຈາກວ່າການສ້າງ ກອງທຶນພັດທະນາຂັ້ນບ້ານ ກໍ ແມ່ນເງື່ອນໄຂອັນໜຶ່ງຂອງການສ້າງບ້ານພັດທະນາ ແລະ ເພື່ອເປັນທິດທາງໃນການດຳເນີນ ກອງທຶນພັດທະນາຂັ້ນບ້ານໃນ ຕໍ່ໜ້າ ແລະ ທ່ານໄດ້ມີຄຳເຫັນ ສະເໜີໃຫ້ແນວລາວສ້າງຊາດຂັ້ນ ແຂວງ, ນະຄອນຫຼວງ ແລະ ແນວລາວສ້າງຊາດຂັ້ນເມືອງ ເອົາໃຈໃສ່ເກັບກຳສະພາບ ແລະ ສະຖິຕິຈຳນວນກອງທຶນ ລວມທັງຄະນະຮັບຜິດຊອບ ກອງທຶນ, ລະບຽບການເຄື່ອນ ໄຫວຂອງກອງທຶນ ເພື່ອສະ ດວກໃນການປະເມີນການຈັດ ຕັ້ງປະຕິບັດວຽກງານ, ຖ້າການເຄື່ອນໄຫວກອງທຶນໃດບໍ່ ເຂັ້ມແຂງ ແມ່ນໃຫ້ມີວິທີຊ່ວຍປັບປຸງແກ້ໄຂ ແລະ ຖ້າກອງທຶນໃດມີລັກສະນະຍືນຍົງ ກໍ ໃຫ້ສືບຕໍ່ເຄື່ອນໄຫວຄືຜ່ານມາ





ພ້ອມນັ້ນ ໃຫ້ຂະຫຍາຍໃສ່ບ້ານທີ່ຍັງຕ້ອງການທຶນຮອນ, ໃຫ້ແນວລາວສ້າງຊາດແຕ່ລະຂັ້ນເອົາໃຈໃສ່ປະສານສົມທົບ ກັບອົງການຈັດຕັ້ງມະຫາຊົນ ຂັ້ນແຂວງ, ເມືອງ ເພື່ອລົງ ເຄື່ອນໄຫວຊຸກຍູ້ປະຊາຊົນ ເຂົ້າຮ່ວມເປັນສະມາຊິກກອງທຶນ, ຈັດຝຶກອົບຮົມລະບົບການຄຸ້ມຄອງ, ລະບົບບັນຊີ, ການປັນຜົນ ແລະ ອື່ນໆໃຫ້ຄະນະຮັບຜິດຊອບກອງທຶນ ເພື່ອໃຫ້ເຂົາເຈົ້າມີຄວາມເຂົ້າໃຈເລິກເຊິ່ງ ແລະ ສາມາດບໍລິຫານກອງທຶນ, ກອງທຶນໃດທີ່ເຫັນວ່າຮອດປັດຈຸບັນຍັງມີຄວາມ ເຕີບໃຫຍ່ຂະຫຍາຍຕົວ ມີທຶນໝູນວຽນຫຼາຍ ສາມາດຈັດຕັ້ງເປັນສະຫະກອນສິນເຊື່ອ ຫຼື ທະນາຄານເງິນຝາກປະຢັດແຕ່ຮູບການ ແລະ ຫຼັກການກູ້ຢືມແມ່ນປະຕິບັດຕາມຫຼັກການທະນາຄານ ແຕ່ອາດຈະມີວິທີໃຫ້ພໍ່ແມ່ປະຊາຊົນສາມາດ ເຂົ້າເຖິງການບໍລິການໄດ້ງ່າຍ, ບໍ່ຫຍຸ້ງຍາກສັບຊ້ອນຫຼາຍ ແລະ ສັງເກດເຫັນວ່າມີຫຼາຍກອງທຶນມີຈຳນວນທຶນໝູນວຽນ ຈຳນວນຫຼາຍຕື້ ແຕ່ວ່າຍັງບໍ່ມີລະບົບການຄຸ້ມຄອງຈາກຂັ້ນມະຫາພາກຕໍ່ບັນດາກອງທຶນດັ່ງກ່າວ ໝາຍຄວາມວ່າບໍ່ມີພາກສ່ວນໃດຂອງລັດຄຸ້ມຄອງ ສ່ວນຫຼາຍແມ່ນເປັນການຄຸ້ມ ຄອງດ້ວຍຄະນະຮັບຜິດຊອບ ກອງທຶນ ຊຶ່ງແມ່ນປະຊາຊົນຊາວບ້ານ. ສະນັ້ນ ຖ້າຫາກວ່າ ກອງທຶນຂອງພວກເຮົາ ຖ້າຢູ່ພາຍໃຕ້ການຄຸ້ມຄອງຂອງລະບົບທະນາຄານ ຫຼື ສະຖາບັນການເງິນຈຸລະພາກ ຊຶ່ງມັນຈະສ້າງຄວາມເຂັ້ມແຂງ ແລະ ມີຄວາມປອດໄພໃຫ້ກັບຊັບສິນຂອງບັນດາກອງທຶນພັດທະນາ ຂັ້ນບ້ານ.


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

Post a Comment

0 Comments