ເມືອງເງິນ ຈັດກອງພິທີ ປະຖະກະຖາ ວັນສ້າງຕັ້ງພັກ ປະຊາຊົນ ປະຕິວັດລາວ ຄົບຮອບ 63 ປີ




ວັນທີ່ 21 ມີນາ 2018 ນີ້ ຢູ່ທີສະໂມສອນ ເມືອງເງິນ ແຂວງໄຊຍະບູລີ ຈັດພິທີ ປະຖະກະຖາ ວັນສ້າງຕັ້ງພັກ ປະຊາຊົນ ປະຕິວັດລາວ ຄົບຮອບ 63 ປີ, ເຂົ້າຮ່ວມເປັນກຽດມີສະຫາຍ ບຸນມີ ຈັນທິບ ກຳມະການພັກແຂວງ ເລຂາພັກເມືອງ ເຈົ້າເມືອງໆເງິນ, ມີຄະນະປະຈຳພັກເມືອງ, ກຳມະການພັກເມືອງ,ເລຂາຄະນະພັກຮາກຖານກຸ່ມບ້ານ ຫົວໜ້າຫ້ອງການ, ກົມກອງ, ພະນັກງານອາວຸໂສບຳນານ, ນາຍບ້ານ ລັດວິສະຫະກິດ ແລະ ສະມາຊິກພັກ, ເຂົ້າຮ່ວມ 196 ສະຫາຍ ຍິງ 38 ສະຫາຍ ສະຫາຍ ບຸນມີ ຈັນທິບ ກຳມະການພັກແຂວງ ເລຂາພັກເມືອງ ເຈົ້າເມືອງໆເງິນໄດ້ເປັນກຽດຂື້ນເລົ່າຫວນຄືນມູນເຊື້ອ ວັນສ້າງຕັ້ງພັກ ປະຊາຊົນ ປະຕິວັດລາວ ຄົບຮອບ 63 ປີ ຄື: 



ວັນທີ 22 ມີນາ ປີ 1955 - 22 ມີນາ ປີ 2018 ເຊິ່ງສະຫາຍໄດ້ຍົກໃຫ້ເຫັນມູນເຊື້ອການກຳເນີດ,ເຕີບໃຫຍ່ຂະຫຍາຍຕົວຂອງພັກເຮົາ. ປີ 1955 ຕໍ່ໜ້າຄວາມຮຽກຮ້ອງຕ້ອງການໃໝ່ຂອງການປະຕິວັດ ໂດຍປະຕິບັດຕາມມະຕິຂອງກອງປະຊຸມໃຫຍ່ ຄັ້ງທີ II ຂອງພັກກອມມູນິດອີນດູຈີນ, ບັນດານັກກອມມູນິດລາວ ພາຍຫຼັງກະກຽມມາໄດ້ໃນໄລຍະໜຶ່ງ ກໍ່ໄດ້ເປີດກອງປະຊຸມໃຫຍ່ຜູ້ແທນທົ່ວປະເທດ ສ້າງຕັ້ງພັກປະຊາຊົນ ປະຕິວັດລາວ ໃນວັນທີ 22 ມີນາ 1955.



ພາຍຫຼັງທີ່ພັກປະຊາຊົນ ປະຕິວັດລາວ ໄດ້ກຳເນີດຂື້ນ ແລະ ນຳພາພາລະກິດຕໍ່ສູ້ປົດປ່ອຍຊາດ ປະເທດຊາດຂອງພວກເຮົາ ໄດ້ມີການຫັນປ່ຽນຢ່າງໃຫຍ່ຫຫຼວງ ເຊີ່ງບໍເຄີຍມີມາກ່ອນໃນປະຫວັດສາດຂອງຊາດເຮົາ, ໂດຍເສີມຂະຫຍາຍມູນເຊື້ອຮັກຊາດ,ນ້ຳໃຈຕໍ່ສູ້ພິລະອາດຫານ, ບໍ່ຍອມຈຳນົນ ຂອງປະຊາຊົນບັນດາເຜົ່າ ເຂົ້າໃຈໃນການຕໍ່ສູ້ ກູ້ຊາດ ຕ້ານການຮຸກຮານຂອງ ພວກລ່າເມືອງຂື້ນແບບເກົ່າ ແລະ ແບບໃໝ່. ພາຍໃຕ້ການນຳພາຂອງພັກ ມະຫາຊົນຊັ້ນຄົນຕ່າງໆ, ກຳມະກອນ-ຊາວນາ, ນັກຮຽນ, ນັກສຶກສາ ໄດ້ພ້ອມກັນລຸກຮື້ຂື້ນ ແລະ ເຂົ້າຮ່ວມຂະບວນການຕໍ່ສູ້ນັບມື້ນັບຫລາຍ ແລະ ແຂງແຮງ ດ້ວຍເງື່ອນໄຂອຳນວຍຄວາມສະດວກໃຫ້ແກ່ການປະຕິວັດລາວ ກຳແໜ້ນເອົາກາລະໂອກາດ ພັນປີມີເທື່ອໜຶ່ງ ພັກເຮົາໄດ້ຕົກລົງລຸກຮື້ຂື້ນຍຶດອຳນາດ ໃນຕົ້ນເດືອນ 5 ປີ 1975 ດ້ວຍ 3 ບາດຄ້ອນຍຸດທະສາດຄື: ການລຸກຮື້ຂື້ນຂອງປະຊາຊົນ, ການໝູນໜີບຂອງກຳລັງປະກອບອາວຸດປະຕິວັດ ແລະ ການລຸກຮື້ຂື້ນແຍກຕົວຂອງທະຫານສັດຕູສົມທົບກັບປາຍແຫຼມຂອງການຕໍ່ສູ້ທາງດ້ານກົດໝາຍ. ຈົນສາມາດລຶບລ້າງອໍານາດການປົກຄອງເກົ່າທັງໝົດ ແລະ ສ້າງຕັ້ງອຳນາດການປົກຄອງປະຕິວັດຂື້ນແທນໃນຂອບເຂດທົ່ວປະເທດ ວັນທີ່2 ທັນວາ 1975 ໄດ້ປະກາດສ້າງຕັ້ງ ສາທາລະນະລັດ ປະຊາທິປະໄຕ ປະຊາຊົນລາວ ຢ່າງເປັນທາງການ.


ຈາກນັ້ນ ຜູ້ເຂົ້າຮ່ວມຍັງໄດ້ຮັບຟັງ ສານເນື່ອງໃນໂອກາດວັນນ້ຳໂລກ 22 ມີນາ 2018 ພາຍໃຕ້ຫົວຂໍ້ ທຳມະຊາດເພື່ອນໍ້າ.

ໂດຍ: ອິນແປງ ແຫວນຄຳ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

Post a Comment

0 Comments