Header Ads

ສະມາຊິກສະພາແຫ່ງຊາດປະຈຳເຂດເລືອກຕັ້ງທີ 7 ແຂວງ ໄຊຍະບູລີ ລົງເຜີຍແຜ່ຜົນສຳເລັດ ກອງປະຊຸມສະໄໜສາມັນເທື່ອທີ 4 ຂອງສະພາແຫ່ງຊາດຊຸດທີ VIII

ວັນທີ 24 ກຸມພາ 2018 ນີ້ ຢູ່ທີ່ເມືອງເງິນ ແຂວງ ໄຊຍະບູລີ. ທ່ານ ປອ ສົມລິດ ເປືອກແກ້ວ ປະທານ ຄະນະສະມາຊິກສະພາແຫ່ງຊາດປະຈຳເຂດເລືອກຕັ້ງທີ 7ແຂວງໄຊຍະບູລີ ພ້ອມດ້ວຍສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນແຂວງ ໄດ້ລົງເຜີຍແຜ່ຜົນສຳເລັດ ກອງປະຊຸມສະໄໜສາມັນເທື່ອທີ 4 ຂອງສະພາແຫ່ງຊາດຊຸດທີ VIII ແລະ ສະພາປະຊາຊົນຂັ້ນແຂວງຊຸດທີ 1



ການລົງເຜີຍແຜ່ ຢູ່ເມືອງເງິນໃນຄັ້ງນີ້ ໄດ້ແບ່ງອອກເປັນ 4 ຈຸດ ຄື: ບ້ານ ທອງ, ບ້ານຂອນ, ບ້ານດອກເກດ, ແລະ ບ້ານ ປຸ່ງຟາດ. ເຊິ່ງມີຄະນະພັກຮາກຖານ, ເລຂາໜ່ວຍພັກນາຍບ້ານ, ອົງການຈັດຕັ້ງຂອງບ້ານ, ຕະຫຼອດຮອດພໍ່ແມ່ປາຊາຊົນເຂົ້າຮ່ວມທັງໝົດ 969 ຄົນ, ຍິງ 554 ຄົນ.




ພ້ອມນີ້ ທ່ານ ເລຂາໜ່ວຍພັກນາຍບ້ານທັງ 4 ບ້ານ ກໍ່ໄດ້ຂື້ນລາຍງານຫຍໍ້ ສະພາບການຈັດຕັ້ງປະຕິບັດວຽກງານຮອບດ້ານຂອງບ້ານ ໃນໄລຍະ 1 ປີຜ່ານມາ. ຈາກນັ້ນ ສະມາຊິກສະພາແຫ່ງຊາດປະຈຳເຂດເລືອກຕັ້ງທີ 7 ແຂວງ ໄຊຍະບູລີ ກໍ່ໄດ້ເຜີຍແຜ່ຜົນສຳເລັດກອງປະຊຸມສະໄໜສາມັນເທື່ອທີ 4 ຂອງສະພາແຫ່ງຊາດຊຸດດທີ VIII, ຮັບຟັງຜົນສຳເລັດຂອງກອງປະຊຸມສະໄໜສາມັນເທື່ອທີ 4 ຂອງສະພາປະຊາຊົນຂັ້ນແຂວງຊຸດທີ 1 ໃນການຈັດຕັ້ງປະຕິບັດການເຄື່ອນໄຫວວຽກງານ ໃນໄລຍະ 1 ປີຜ່ານມາ ແລະ ທິດທາງແຜນການ ປີ 2018. 



ຕອນທ້າຍຄະນະສະມາຊິກສະພາແຫ່ງຊາດປະຈຳເຂດເລືອກຕັ້ງທີ 7 ແລະ ສະພາປະຊາຊົນຂັ້ນແຂວງ ກໍ່ໄດ້ຮັບຟັງການສະເໜີບັນຫາຕ່າງໆ ຂອງພໍ່ແມ່ປະຊາຊົນ ເພື່ອນຳໄປຄົ້ນຄ້ວາ ພິຈາລະນາ. ໃນຕອນບ່າຍຂອງວັນດຽວກັນນີ້ ທີມງາມສະມາຊິກສະພາແຫ່ງຊາດ ແລະ ສະມາຊິກສະພາປະຊາຊົນແຂວງ ກໍ່ໄດ້ລົງຕິດຕາມຊຸກຍູ້ ການກໍ່ສ້າງໂຮງໝໍຫຼັງໃໝ່ຂອງເມືອງ ແລະ ຢ້ຽມຢາມດ່ານສາກົນນ້ຳເງິນ. ເພື່ອສືບຕໍ່ເຜີຍແຜ່ຜົນສຳເລັດກອງປະຊຸມສະໄໜສາມັນເທື່ອທີ 4 ຂອງສະພາແຫ່ງຊາດຊຸດດທີ VIII, ຜົນສຳເລັດຂອງກອງປະຊຸມສະໄໜສາມັນເທື່ອທີ 4 ຂອງສະພາປະຊາຊົນຂັ້ນແຂວງຊຸດທີ 1 ສະມາຊິກສະພາປະຊາຊົນຂັ້ນແຂວງ ແມ່ນຈະໄດ້ສືບຕໍ່ລົງເຜີຍແຜ່ໃຫ້ແຕ່ລະບ້ານທົ່ວເມືອງໃຫ້ສຳເລັດໃນໄວໆນີ້.

ໂດຍ: ອິນແປງ ແຫວນຄໍາ



















No comments

Powered by Blogger.