ຄລທ ປຶກສາຫາລືການຈັດຕັ້ງປະຕິບັດແລະການສົ່ງເສີມການລົງທຶນ



ວັນທີ 22 ມີນາ 2018 ຢູ່ທີ່ພະແນກແຜນການ-ການລົງທຶນ ຄະນະກໍາມະການຄຸ້ມຄອງການລົງທຶນ (ຄລທ) ຂັ້ນແຂວງ ໄດ້ຈັດກອງປະຊຸມປຶກສາຫາລືກ່ຽວກັບການຈັດຕັ້ງປະຕິບັດ ແລະ ການສົ່ງເສີມການລົງທຶນ ໂດຍໃຫ້ກຽດເຂົ້າຮ່ວມຂອງທ່ານ ບົວສອນ ວົງສອງຄອນ ຮອງເຈົ້າແຂວງຈໍາປາສັກ. ມີພະແນກການຂອງແຂວງ, ຂະແໜງການກ່ຽວຂ້ອງຂອງເມືອງເຂົ້າຮ່ວມ.

ທ່ານ ສາຍທອງ ໄຊຍະວົງ ຫົວໜ້າພະແນກແຜນການ ແລະ ການລົງທຶນ ໃຫ້ຮູ້ວ່າ: ກອງປະຊຸມຄັ້ງນີ້ແມ່ນໄດ້ມີການປຶກສາຫາລື, ພິຈາລະນາກ່ຽວກັບ 4 ໂຄງການທີ່ທາງຄະນະກໍາມະການປະຕູດຽວນໍາສະເໜີ ຄື: ການສະເໜີຂໍອະນຸຍາດລົງທຶນ ໂຄງການອຸທະຍານນໍ້າຕົກຕາດ, ຂໍສະເໜີດັດແກ້ໃບທະບຽນສໍາປະທານຂອງບໍລິສັດເຂື່ອນໄຟຟ້າ ເຊນໍ້ານ້ອຍ 4 ຈໍາກັດ, ສະເໜີຈຸດປະສົງຂໍອະນຸຍາດລົງທຶນພັດທະນາກະສິກໍາ (ລົງທຶນສ້າງໂຮງງານຜະລິດຝຸ່ນຊີວະພາບ, ໂຮງງານຜະລິດແປ້ງມັນຕົ້ນ, ສົ່ງເສີມປະຊາຊົນປູກມັນຕົ້ນ, ລົງທຶນປູກຜັກສະອາດ ຢູ່ແຂວງຈໍາປາສັກ), ສະເໜີຂໍສຶກສາສໍາຫຼວດເບື້ອງຕົ້ນ ຈຸດສ້າງກະຕ່າລອຍຟ້າຢູ່ພູບາຈຽງ. ທັງນີ້ກໍ່ເພື່ອແນໃສ່ໃຫ້ໂຄງການດັ່ງກ່າວໄດ້ຮັບການຈັດຕັ້ງປະຕິບັດຖືກຕ້ອງຕາມລະບຽບການ.

ຂ່າວ-ພາບ: ຈັນທະວີສັກ ໜັງສືພິມຈໍາປາໃໝ່ 

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

Post a Comment

0 Comments