ເມືອງດາກຈຶງ ຈັດພິທີທຳລາຍອາວຸດຕ້ອງຫ້າມ; ສິນຄ້າໝົດອາຍຸ ແລະ ເຊື່ອມຄຸນນະພາບ



ພິທີທໍາລາຍສິນຄ້າໝົດອາຍຸ ແລະ ເຊື່ອມຄຸນນະພາບໄດ້ຈັດຂຶ້ນໃນຕອນແລງວັນທີ 27 ກຸມພາ 2018 ນີ້ຢູ່ທີສະໜາມຖິ້ມຂີ້ເຫຍື່ອຂອງເມືອງດາກຈຶງ ໂດຍເປັນກຽດເຂົ້າຮ່ວມຂອງທ່ານ ເພັງນາ ຈັນທະພອນ ຮອງເລຂາພັກເມືອງຜູ້ຊີ້ນຳວຽກງານຈັດຕັ້ງ-ພະນັກງານຂັ້ນເມືອງ ມີບັນດາຫົວໜ້າ ແລະ ຮອງຫ້ອງການ, ພະນັກງານຫ້ອງການທີກ່ຽວຂ້ອງເຂົ້າຮ່ວມ.



ທ່ານ ຈັນທະວົງ ສີຈະເລີນ ກຳມະການພັກເມືອງ ຫົວໜ້າຫ້ອງການອຸດສາຫະກຳ ແລະ ການຄ້າເມືອງດາກຈຶງໃຫ້ຮູ້ວ່າ: ສິນຄ້າທີ່ນໍາມາທໍາລາຍຖີ້ມໃນຄັ້ງນີ້ ແມ່ນສິນຄ້າໝົດອາຍຸການນໍາໃຊ້ ແລະ ເຊື່ອມຄຸນນະພາບ ໄດ້ກວດກາ ແລະນໍາເອົາຈາກບັນດາຫ້າງຮ້ານຂາຍເຄື່ອງຍ່ອຍຢູ່ພາຍໃນເມືອງດ, ເຊິ່ງມີ 13 ລາຍການເຊັ່ນ: ປະເພດ ອາວວຸດລ່າເນຶ້ອເລົາປືນຈຳນວນ 2 ເລົາ, ປະເພດສິນຄ້າໝົດອາຍຸ ແລະ ເຊືອມຄຸນະພາບມີຄື: ເຂົ້າໜົມ; ເປບຊີຈຳນວນ 70 ແຟັກ, ນົມສົ້ມ 50 ແຟັກ, ມີລິນດາ 20 ປຸກ, ນົມຄານາຊັນ 8 ປ່ອງ, ແຜນພັນຢໍ້ 8 ແຜນ, ຂະນົມລວມ 100 ຖົງ, ມີໄວໆ 20 ຖົງ, ຂະນໍ 50 ຖົງ, ຄີມບໍາລຸງຜົມ 7 ປ້ອງ, ໃນພືດຜັກ 72 ຖົງ, ຊ໋ອດພິກ 16 ປ້ອງ ແລະ ເຄື່ອງຫຼີ້ນເດັກນ້ອຍຈຳນວນ 20 ຊຸດ, ລວມມູນຄ່າທັງໝົດທີ່ທໍາລາຍແມ່ນ 2 ລ້ານກ່ວາກີບ.



ຂ່າວ: ສີສັກດາ ບຸນໄຊຄຳ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

Post a Comment

0 Comments