ແຂວງຫຼວງນໍ້າທາເປີດງານມະໂຫລານ 17 ຊົນເຜົ່າ ແລະ ງານຕະຫຼາດນັດ




ຕອນເຊົ້າວັນທີ 16 ມີນາ 2018 ຢູ່ທີ່ສະໜາມກິລາໃໝ່ແຂວງຫຼວງນໍ້າທາໄດ້ເປີດງານມະໂຫລານ 17 ຊົນເຜົ່າ ແລະ ງານຕະຫຼາດນັດ,ເຂົ້າຮ່ວມຂອງທ່ານ ບຸນຍີ່ ແກ້ວຄູນເມືອງ ຮອງເລຂາພັກແຂວງ ຮອງເຈົ້າແຂວງໆຫຼວງນ້ຳທາ ປະທານຈັດງານມະໂຫລານ 17 ຊົນເຜົ່າ ແລະ ປີທ່ອງທ່ຽວ,ມີຮອງເຈົ້າແຂວງ,ຫົວໜ້າພະແນກ-ຮອງຫົວໜ້າພະແນກການອ້ອມແຂວງ,ນັກກິລາ ແລະ ພໍ່ແມ່ປະຊາຊົນຊາວຫຼວງນໍ້າທາເຂົ້າຮ່ວມ.



ທ່ານ ຄຳຟອງ ອິນມະນີ ກຳມະການປະຈຳພັກແຂວງ ອານຸກຳມະການຂະບວນການກ່າວຕໍ່ພິທີວ່າ:ການຈັດງານຕະຫຼາດນັດ,ວາງສະແດງຜົນງານ,ວາງຂາຍສິນຄ້າເປັນກິດຈະກຳໜື່ງເພື່ອຮັບໃຊ້ງານມະໂຫລານ 17 ຊົນເຜົ່າ ປີທ່ອງທ່ຽວລາວ 2018,ເຊິ່ງໄດ້ສົມທົບຂະແໜງການຂອງແຂວງ,ເມືອງ,ຫ້າງຮ້ານ ແລະ ບໍລິສັດ,ພາກລັດ-ເອກະຊົນໄດ້ຈັດງານຕະ ຫຼາດນັດວາງຂາຍສີນຄ້າທີ່ເປັນທ່າແຮງຂອງເມືອງ,ໜື່ງເມືອງໜື່ງຜະລິດຕະພັນ,ວາງສະແດງຜົນງານບັນດາພະແນກ ການ,ຈຳລອງວັດທະນະທຳ,ວິຖີຊີວິດທີ່ເປັນເອກະລັກ 17 ເຜົ່າ,ເທດສະການອາຫານພື້ນເມືອງຂອງເຜົ່າ ແລະ ກິດຈະ ກຳກິລາຄື:ກິລາບານເຕະຊາຍ 11 ຄົນ ຊີງຂັນເຈົ້າແຂວງຫຼວງນ້ຳທາ 17 ທີມ,ເປຕັງຍິງ-ຊາຍ 47 ທີມ,ຢາງມີນີມາລາທອນ ,ຂີ່ລົດຖີບເພື່ອສຸຂະພາບ,ຕີມວຍ 8 ຄູ່ ແລະ ເທດສະການອາຫານ 9 ເຜົ່າ 29 ລາຍການ,ສິນຄ້າທີ່ມາວາງຂາຍໃນງານມີ 100 ຫ້ອງຄື:ສິນຄ້າຂອງລາວ 25 ຫ້ອງ,ສິນຄ້າໄທ ແລະ ສິນຄ້າໂອທອບ 15 ຫ້ອງ,ສີນຄ້າ ສປ ຈີນ 20 ຫ້ອງ , ສິນ ຄ້າຈາກຫວຽດນາມ 40 ຫ້ອງ ແລະ ຫ້າງຮ້ານພໍ່ແມ່ປະຊາຊົນຂາຍເຄື່ອງດື່ມ,ຂາຍເຄື່ອງຍ່ອຍທົ່ວໄປ 50 ກວ່າຮ້ານ, ມູນຄ່າຜະລິດຕະພັນສິນຄ້າກະສິກຳ ແລະ ອຸດສາຫະກຳປຸງແຕ່ງພາຍໃນງານປະມານ10 ຕື້ກວ່າກີບ ແລະ ເງີນໝູນວຽນປະມານ 1,5 ຕື້ກີບ ແລະ ມີຜູ້ເຂົ້າຊົມປະມານ 8,500 ຄົນ.



ການຈັດງານມະໂຫລານ 17 ເຜົ່າ ແລະ ປີທ່ອງທ່ຽວລາວ 2018ທີ່ແຂວງຫຼວງນ້ຳທາແມ່ນໄດ້ເລີ່ມມາແຕ່ວັນທີ 14 ມີນາ 2018 ຫາ ວັນທີ 20 ມີນາ 2018 .ເຊິ່ງເປັນການເອກ ອ້າງວັດທະນະທຳອັນດີງານຂອງ 17 ເຜົ່າຄື: ເຜົ່າລາວ,ແລນແຕນ,ລະເມດ,ອາຄາ,ອິວມຽນ,ຢ້າວ,ລາຫູ, ຢັ້ງ,ສີດາ ,ມົ້ງ, ບິດ,ກືມມຸ(ແກວນ),ພູນ້ອຍ,ໄຕ໋ເໜືອ,ຢວນ,ລື້,ໄຕ໋ແດງ ແລະ ເຜົ່າໄຕ໋ດຳ ທັງເປັນການຢັ້ງຢືນເຖິງຜົນງານຂອງພັກ,ອົງ ການປົກຄອງແຕ່ລະຂັ້ນກໍ່ຄືຫົວ ໜ່ວຍທຸລະກິດຢູ່ຂັ້ນຮາກຖານທີ່ໄດ້ມີການເຕີບໃຫຍ່ຂະຫຍາຍຕົວ,ເຊິ່ງມີຜະລິດຕະ ພັນອອກສູ່ຕະຫຼາດໃຫ້ສັງຄົມຊົມໃຊ້ ແລະ ກາຍເປັນສິນຄ້າສົ່ງອອກນັບມື້ນັບຫຼາຍ,ເປັນການຊຸກຍູ່ສົ່ງເສີມການລົງທຶນ ແລະ ດຶງດູດນັກທ່ອງທ່ຽວມາທ່ຽວຊົມແຂວງຫຼວງນ້ຳທາໃຫ້ຫຼາຍຂື້ນກວ່າເກົ່າ.ພ້ອມດຽວກັນນີ້ຍັງໄດ້ຮັບຊົມການສະແດງສີລະປະວັນນະຄະດີ ແລະ ມີຂະບວນຍ່າງມີນີມາທອນຕື່ມອີກ.ໂອກາດນີ້ທ່ານ ທ່ານ ບຸນຍີ່ ແກ້ວຄູນເມືອງ ຮອງເລຂາພັກແຂວງ ຮອງເຈົ້າແຂວງໆຫຼວງນ້ຳທາ ປະທານຈັດງານມະໂຫລານ 17 ຊົນເຜົ່າ ແລະ ປີທ່ອງທ່ຽວກໍ່ໃຫ້ກຽດຕັດແຖບຜ້າເປີດງເປີດງານແຂ່ງຂັນກິລາຊີງຂັນເຈົ້າແຂວງ ແລະ ງານຕະຫຼາດນັດເພື່ອຮັບໃຊ້ງານມະໂຫລານ 17 ເຜົ່າ ແລະ ປີທ່ອງທ່ຽວຢູ່ແຂວງຫຼວງນ້ຳທາຢ່າງເປັນທາງການ.





ທີ່ມາ: ມີເດຍລາວ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

Post a Comment

0 Comments