ເຊກອງສະເຫຼີມສະຫຼອງວັນແມ່ຍິງສາກົນຄົບຮອບ 108 ປີ




ເນື່ອງໃນໂອກາດວັນແມ່ຍິງສາກົນ (8/3/1910 - 8/3/2018) ໄດ້ໝູນວຽນມາບັນຈົບຄົບຮອບອີກວາລະໜຶ່ງ ໜ່ວຍຮາກຖານ ສະຫະພັນແມ່ຍິງ ກຸ່ມເສດຖະກິດ ແລະກຸ່ມປົກປ້ອງກົດໝາຍ ໄດ້ຈັດພິທີສະເຫຼີມສະຫຼອງເລົ່າຄືນມູນເຊື້ອວັນແມ່ຍິງສາກົນ ຄົບຮອບ 108 ຂຶ້ນໃນວັນທີ 8 ມີນາ ນີ້ ໂດຍການເຂົ້າຮ່ວມຂອງທ່ານ ສີດາ ສຸວັນນະສາຍ ຮອງເລຂາພັກແຂວງ, ຮອງເຈົ້າແຂວງ, ຊີ້ນຳວຽກງານອົງການຈັດຕັ້ງມະຫາຊົນ, ມີທ່ານ ນ.ບຸນຮຽງ ບຸນຈິດ ກຳມະການສູນກາງສະຫະພັນແມ່ຍິງລາວ, ປະທານສະຫະພັນແມ່ຍິງແຂວງເຊກອງ, ມີກຳມະການພັກແຂວງ, ຫົວໜ້າ-ຮອງພະແນກການ, ຄະນະໜ່ວຍສະຫະພັນແມ່ຍິງອ້ອມຂ້າງແຂວງ, ພັນລະຍາການນຳ, ພັນລະຍາອະດີດການນຳ ຄະນະປະທານ ແລະຄະນະບໍລິຫານງານ ສຍ ແຂວງ, ອະດີດຄະນະ ສຍ ແຂວງ, ຄະນະໜ່ວຍຮາກຖານ ແຕ່ລະໜ່ວຍຈາກພະແນກການ, ກົມກອງ, ອົງການທຽບເທົ່າອ້ອມຂ້າງແຂວງເຂົ້າຮ່ວມຮັບຟັງຢ່າງພ້ອມພຽງ.



ທ່ານ ນ.ບຸນຮຽງ ບຸນຈິດ ກຳມະການສູນກາງສະຫະພັນແມ່ຍິງລາວ, ປະທານສະຫະພັນແມ່ຍິງແຂວງເຊກອງ ໄດ້ໃຫ້ກຽດເລົ່າຫວນຄືນມູນເຊື້ອກ່ຽວກັບປະຫວັດຄວາມເປັນມາຂອງວັນທີ 8 ມີນາ ຊຶ່ງກ່ອນອື່ນທ່ານໄດ້ຍົກໃຫ້ເຫັນຕົ້ນກຳເນີດມູນເຊື້ອ ແລະການເຕີບໃຫຍ່ຂະຫຍາຍຕົວຂອງວັນແມ່ຍິງສາກົນຕະຫຼອດໄລຍະ 108 ປີຜ່ານມາ, ການເຜີຍແຜ່ເອກະສານດັ່ງກ່າວ ກໍເພື່ອເຮັດໃຫ້ເອື້ອຍນ້ອງແມ່ຍິງທຸກຄົນໄດ້ຮັບຮູ້, ເຊື່ອມຊຶມ ມູນເຊື້ອວິລະກໍາ ຂອງແມ່ຍິງ ໃນການຕໍ່ສູ້ປົດປ່ອຍຕົນເອງອອກຈາກແອກການກົດຂີ່ຂູດຮີດ ພ້ອມດຽວກັນນັ້ນ ກໍ່ໄດ້ເນັ້ນໃຫ້ເອື້ອຍນ້ອງແມ່ຍິງເອົາໃຈໃສ່ສິດສອນລູກຫຼານໃຫ້ເປັນຄົນດີ, ເອົາໃຈໃສ່ພັດທະນາຕົນເອງ ແລະຄອບຄົວໃຫ້ມີລາຍຮັບດີຂຶ້ນເລື້ອຍໆ, ເສີມຂະຫຍາຍມູນເຊື້ອວັດທະນະທຳອັນດີງາມຂອງຊາດ ແລະ ຄຸນລັກສະນະທີ່ເປັນມູນເຊື້ອຂອງແມ່ຍິງລາວ, ເສີມຂະຫຍາຍຜົນງານ ແລະ ທ່າແຮງບົ່ມຊ້ອນຂອງຕົນເພື່ອເຮັດສຳເລັດໜ້າທີ່ການເມືອງຂອງພັກ ແລະ ປະຊາຊົນມອບໝາຍໃຫ້ ການຈັດຕັ້ງ ສຍ ທຸກຂັ້ນ ສະມະຊິກ ສຍ ທຸກຄົນ ຈົ່ງສືບຕໍ່ປົກປັກຮັກສາ ແລະ ພ້ອມກັນສືບສານຮັກສາມູນເຊື້ອປະເພນີອັນດີງາມຂອງແມ່ຍິງລາວໃຫ້ໝັ້ນຄົງຕະຫຼອດໄປ.




ທ່ານ ສີດາ ສຸວັນນະສາຍ ຮອງເລຂາພັກແຂວງ, ຮອງເຈົ້າແຂວງ ໄດ້ເນັ້ນໃຫ້ອົງການຈັດຕັ້ງແມ່ຍິງ ຈົ່ງເອົາໃຈໃສ່ໃນການສຶກສາອົບຮົມການເມືອງແນວຄິດໃຫ້ໃນຖັນແຖວ ເອື້ອຍ-ນ້ອອງແມ່ຍິງ ໃຫ້ມີຄຸນທາດການເມືອງໜັກແໜ້ນ, ມີຄຸນສົມບັດສິນທຳປະຕິວັດ, ຮູ້ປົກປັກຮັກສາ ແລະ ເສີມຂະຫຍາຍມູນເຊື້ອວັດທະນະທຳອັນດີງາມຂອງຊາດ ແລະ ຄຸນລັກສະນະທີ່ເປັນມູນເຊື້ອຂອງແມ່ຍິງລາວ, ປະກອບສ່ວນຢ່າງຕັ້ງໜ້າເຂົ້າໃນການປົກປັກຮັກສາ ແລະ ສ້າງສາພັດທະນາປະເທດຊາດກ້າວຂຶ້ນສູ່ຈຸດໝາຍສັງຄົມນິຍົມຢ່າງໜັກແໜ້ນ.






ນອກນີ້ ຍັງມີການມອບເງິນປຸກສ້າງເຮືອນມິດຕະພາບ ເຊິ່ງເປັນເງິນທີ່ຄະນະປະທານ ສຍ ແຂວງກວາງນາມ ສສ ຫວຽດນາມ ແລະ ເງິນສົມທົບທຶນຂອງ ສຍ ແຂວງ ມອບໃຫ້ ແມ່ຍິງທຸກຍາກຢູ່ເມືອງກະລຶມ ຈໍານວນ 2 ຫຼັງມູນຄ່າ 40 ລ້ານກີບ ແລະ ເມືອງດາກຈຶງ ຈໍານວນ 3 ຫຼັງມູນຄ່າ 60 ລ້ານກີບ, ມອບລົດຈັກ ທີ່ໄດ້ຈາກການອຸປະຖໍານຳບໍລິສັດ ຈໍານວນ 5 ຄັນ ໃຫ້ ສຍ ແຂວງ ແລະ 4 ເມືອງ, ມອບເງິນທີ່ທາງ ສຍ ລາວ ມອບໃຫ້ ຫ້ອງການ ສຍ 4 ເມືອງໃນການລົງເຜີຍແຜ່ມະຕິກອງປະຊຸມ ສຍ ລາວ ເມືອງລະ 4 ລ້ານກີບ


ພາບ-ຂ່າວ: ພຸດທະສອນ (ຂ່າວເຊກອງ)
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

Post a Comment

0 Comments