ການຈັດງານປະກວດສິລະປະວັນນະຄະດີຂອງນ້ອງນັກຮຽນ ໂຮງຮຽນ ມສ ນ້ຳເງິນ

ຄໍ່າຄືນຂອງວັນທີ  7 ມີນາ 2018 ນີ້ ຢູ່ທີ່ເດີນກິລາ ເມືອງເງິນ ແຂວງ ໄຊຍະບູລີ ໄດ້ຈັດງານປະກວດ ສິລະປະວັນນະຄະດີຂອງນ້ອງນັກຮຽນໂຮງຮຽນ ມສ ນ້ຳເງິນ ຂື້ນຢ່າງເປັນທາງການ, ພາຍໃຕ້ການເປັນປະທານຂອງທ່ານ ບຸນລົດ ສີຖາວອນ ອຳນວຍການໂຮຮຽນ ມສ ນ້ຳເງິນ, ເຂົ້າຮ່ວມເປັນກຽດ ມີ ທ່ານ ສີສະຫວັດ ພົມມະເສນ ຮັກສາການຫົວໜ້າຫ້ອງການສືກສາທິການ ແລະ ກິລາ, ມີຄະນະອຳນວຍການ, ຄູ-ອາຈານ, ປະທານສະມາຄົມພໍ່ແມ່ນັກຮຽນ, ນັກທຸລະກິດຜູ້ປະກອບການ, ພໍ່ແມ່ປະຊາຊົນ ແລະ ນ້ອງນັກຮຽນ ເຂົ້າຮ່ວມຢ່າງຫຼວງຫຼາຍ.

ການຈັດງານປະກວດສິລະປະວັນນະຄະດີຂອງນ້ອງນັກຮຽນ ໂຮງຮຽນ ມສ ນ້ຳເງິນໃນຄັ້ງນີ້, ເພື່ອເປັນການເສີມສ້າງຂະບວນການຮຽນ-ການສອນ ເພື່ອເປັນການສ້າງເປົ້າໝາຍ ແລະ ມາດຖານການສ້າງໂຮງຮຽນ ຕົວແບບດ້ານພາລະສຶກສາ ແລະ ສິລະປະສຶກສາ ຂອງພະແນກສຶກສາທິການແລະ ກິລາ ແຂວງ ເພື່ອປະຕິບັດຕາມ ຂໍ້ແຂ່ງຂັນຂອງຂະແໜງການສຶກສາ ແລະ ກິລາ ໃນຂໍ້ທີ 4 ກ່ຽວກັບການປະຕິບັດ ພາລະບົດບາດຂອງຕົນດີ ແລະ ຄົບຕາມ 5 ຫຼັກມູນຂອງການສຶກສາວາງອອກ, ອີກຢ່າງໜຶ່ງກໍ່ເພື່ອເປັນການຊອກຫາແຫຼ່ງທືນເພື່ອ ພັດທະນາໂຮງຮຽນ, ການຈັດງານປະກວດສິລະປະ-ວັນນະຄະດີ ຂອງນ້ອງນັກຮຽນ ໂຮງຮຽນ ມສ ນ້ຳເງິນໃນຄັ້ງນີ້ ມີ: ຊັ້ນມ1 ຮອດຊັ້ນ ມ 7   ມີ: 30 ກວ່າລາຍການ ໃນນີ້ ມີບົດຟ້ອນ , ບົດຮ້ອງເພງ ແລະ ສະແດງລະຄອນ: ສຳລັບຜົນການແຂ່ງຂັນ ທີ1 ແມ່ນບົດຟ້ອນຊັ້ນມໍຕົ້ນ ໄດ້ແກ່ ຫ້ອງ ມ 3/2, ຊັ້ນມໍ ປາຍໄດ້ແກ່ ຫ້ອງ ມ7/2, ສຳລັບຜົນການແຂ່ງຂັນຮ້ອງເພງ ທີ1 ໄດ້ແກ່ ຫ້ອງ ມ3/1 .  

ນີ້ກໍ່ເພື່ອເປັນການອານຸລັກຮັກສາວັດທະນະທຳຮີດຄອງປະເພນີຂອງບັນດາຊົນເຜົ່າ ໄວ້ຄູ່ກັບຄົນລາວຕະຫຼອດໄປ,

ໂດຍ: ອິນແປງ ແຫວນຄຳ




 



Post a Comment

0 Comments