ກອງປະຊຸມໃຫຍ່ຄັ້ງທີ II ຂອງສະມາຄົມພະນັກງານບຳນານ-ເສຍອົງຄະ ເມືອງເງິນ



ກອງປະຊຸມໃຫຍ່ຄັ້ງທີ II ຂອງສະມາຄົມພະນັກງານບຳນານ-ເສຍອົງຄະ ເມືອງເງິນ

ໄດ້ໄຂຂຶ້ນຢ່າງເປັນທາງການໃນຕອນເຊົ້າຂອງວັນທີ 16 ມີນາ 2018 ນີ້ຢູ່ທີ່ສະໂມສອນເມືອງເງິນ ແຂວງ ໄຊຍະບູລີ ພາຍໃຕ້ການເປັນປະທານ ຂອງທ່ານ ຄຳເຫຼັກ ກະເສດສັງ ປະທານສະມາຄົມພະນັກງານບຳນານ-ເສຍອົງຄະ ເມືອງ, ເປັນກຽດເຂົ້າຮ່ວມມີທ່ານ ບຸນສົດອິນທະປັນຍາ ຮອງເລຂາ ພັກເມືອງ, ຮອງເຈົ້າເມືອງ, ມີທ່ານ ທອງມີ ໄຊຊະນະ ຫົວໜ້າຫ້ອງການແຮງງານ ແລະ ສະຫວັດດີການສັງຄົມເມືອງ, ມີພະນັກງານບຳນານ-ເສຍອົງຄະ ແລະ ຫົວໜ້າຫ້ອງການ, ຮອງຫົວໜ້າຫ້ອງການທີ່ກ່ຽວຂ້ອງອອ້ມຂ້າງເຂົ້າຮ່ວມ ທັງໝົດ: 56 ທ່ານ, ຍິງ 2 ທ່ານ.








ໃນກອງປະຊູມທ່ານ ຄຳສົງ ໄຊຊະນະກຸນ ຮອງສະມາຄົມພະນັກງານບຳນານ-ເສຍອົງຄະເມືອງກໍ່ໃຫ້ກຽດຂຶ້ນຜ່ານບົດສະຫຼູບໃນໄລຍະຜ່ານມາ ໂດຍຍົກໃຫ້ເຫັນວ່າຫ້ອງການແຮງງານ ແລະ ສະຫວັດດີການສັງຄົມ ໄດ້ເປັນເຈົ້າການ ແລະ ຊີ້ນຳໆພາຄະນະສະມາຄົມພະນັກງານບຳນານ-ເສຍອົງຄະ ໃຫ້ມີການເຄື່ອນໄຫຼວທີ່ຖືກຕ້ອງຕາມພະລະບົດບາດ, ສິດ ແລະ ໜ້າທີ່, ການສ້າງຕັ້ງ ແລະ ການຄຸ້ມຄອງກອງທຶນຊ່ວຍເຫຼືອເຊິ່ງກັນ ແລະ ກັນ,ສ້າງຄວາມສາມັກຄີທີ່ເຄີຍມີມາຢູ່ໃນມູນເຊື້ອອັນດີງາມ ແລະ ເປັນການລະນຶກເຖີງ ຜົນງານ, ການປະກອບສ່ວນເຂົ້າໃນການປະຕິວັດຜ່ານມາຂອງພະນັກງານບຳນານ-ເສຍອົງຄະ, ເຊິ່ງມັນໄດ້ສະແດງອອກ ມີຄອບຄົວຜູ້ເສຍສະຫຼະຊີວິດຍ້ອນສົງຄາມຫຼາຍຄອບຄົວ, ມີຜູ້ເສຍອົງຄະຍ້ອນການສູ້ຮົບກັບສັດຕູສະໄໜສົງຄາມຫຼາຍທ່ານ.ກອງປະຊຸມຄັ້ງນີ້ແມ່ນໄດ້ຍົກບັນຫາດ້ານນະໂຍບາຍຈາກພັກ-ລັດ ແລະ ການຈັດຕັ້ງສະມາຄົມ, ການສ້າງຕັ້ງກອງທຶນ ແລະ ການຄຸ້ມຄອງກອງທຶນຊ່ວຍເຫຼືອເຊິ່ງກັນ ແລະ ກັນ ຂອງພະນັກງານບຳນານ-ເສຍອົງຄະ. ນອກນັ້ນຜູ້ແທນກອງປະຊຸມຍັງໄດ້ປະກອບຄຳຄິດຄຳເຫັນຕໍ່ກອງປະຊຸມກ່ຽວກັບນະໂຍບາຍຂ່ວຍເຫຼືອເຊີ່ງກັນ ແລະ ກັນ ໂດຍສະມາຊິກກອງທືນຈະໄດ້ປະກອບສ່ວນເຂົ້າກອງທຶນຄົນລະ 100,000 ກີບ ຕໍ່ຄົນຕໍ່ປີ ຖ້າກໍລະນີເສຍຊີວິດຊ່ວຍເຫຼືອ 1,000,000 ກີບຄັ້ງດຽວ, ເຈັບປວຍນອນໂຮງໝໍ ຊ່ວຍເຫຼືອ200,000 ກີບຕໍ່ຄັ້ງ 1ປີ ບໍ່ເກີນ 2 ຄັ້ງ, ຈາກນັ້ນ ທ່ານ ສີນວນ ທຳມະວົງ ກໍ່ໄດ້ໃຫ້ກຽດຂຶ້ນຜ່ານກົດລະບຽບການຄຸ້ມຄອງ-ນຳໃຊ້ເງິນກອງທຶນສະມາຄົມຕື່ມອີກ, ໃນກອງປະຊຸມໃນຄັ້ງນີ້ ຍັງໄດ້ປະຊາມະຕິເລືອກເອົາຄະນະປະທານສະມາຄົມຊູດໃໝ່ໂດຍຂັດເອົາ 7 ທ່ານ








ຕອນທ້າຍ ທ່ານ ບຸນສົດອິນທະປັນຍາ ຮອງເລຂາ ພັກເມືອງ, ຮອງເຈົ້າເມືອງ,ກໍ່ໃຫ້ກຽດຂຶ້ນໂອລົມຕໍ່ກອງປະຊຸມ ກ່ອນອື່ນທ່ານໄດ້ສະແດງຄວາມຊົມເຊີຍ ແລະ ຕີລາຄາສູງຕໍ່ຄວາມພະຍາຍາມຜ່ານຜ່າຄວາມຫຍຸ້ງຍາກໃນໄລຍະ 3ປີຜ່ານມາ ແລະ ພ້ອມກັນນໍາເອົາບັນຫາເນື້ອໃນຈິດໃຈຂອງກອງປະຊຸມໃນຄົ້ງນີ້ ໄປຜັນຂະຫຍາຍເປັນລະອຽດ,ຈັດຕັ້ງປະຕິບັດດ້ວຍຄວາມເປັນເຈົ້າການ, ມີຄວາມຮັບຜິດຊອບສູງໃນແຕ່ລະຂັ້ນໃຫ້ປະກົດຜົນເປັນຈິ່ງ.



ໂດຍ: ດາວສຸກ ສຸລິຍະພອນ



Post a Comment

0 Comments