ລ້ຽງໝາ ຊ່ວຍປ້ອງກັນໂລກຫົວໃຈ! ສຸດຍອດໄປເລີຍ



ຜົນວິໄຈຈາກສະວີເດັ້ນເຜຍ ລ້ຽງຫມາຊ່ວຍໃຫ້ຫ່າງໄກຈາກໂລກຫົວໃຈໄດ້ ແລະ ເຮັດໃຫ້ອາຍຸຍືນຫລາຍຂື້ນ ໂດຍສະເພາະກັບຄົນໂສດທີ່ໃຊ້ຊີວິດຢູ່ກັບຫມາຕາມລໍາພັງ

ສໍານັກຂ່າວຊີເອັນເອັນ ເຜີຍຜົນວິໃຈລ້າສຸດຈາກມະຫາວິທະຍາໄລອຸບຊໍລາ (Uppsala University) ສະວີເດັ້ນ ເຊິ່ງລຸບຸວ່າຈໍານວນຄົນທີ່ລ້ຽງຫມາມີອັດຕາຄວາມສ່ຽງການເກີດໂລກຫົວໃຈ ໂລກທີ່ເປັນສາເຫດການຕາຍອັນດັບຕົ້ນໆ ທັງຜູ້ຍິງ ແລະ ຜູ້ຊາຍ ນ້ອຍກວ່າຜູ້ທີ່ບໍ່ໄດ້ລ້ຽງຫມາ ໂດຍສະເພາະຄົນໂສດ ຫລື ຄົນທີ່ຕ້ອງລ້ຽງຫມາຕາມລໍາພັງ


ໃນການວິໃຈຄັ້ງນີ້ ຜູ້ວິໃຈໄດ້ລວບລວມ ແລະ ວິເຄາະຂໍ້ມູນຈາກຄົນສະວີເດັ້ນຈໍານວນ 3.4 ລ້ານຄົນ ທີ່ມີຊ້ວງອາຍຸລະຫວ່າງ 40-80 ປີ ເປັນເວລາດົນ 12 ປີ ແລ້ວພົບວ່າຄູ່ຮັກ ຫລື ຄອບຄົວທີ່ລ້ຽງຫມາມີອັດຕາການເສຍຊີວິດຈາກສາເຫດຕ່າງໆລົດລົງ 11% ສ່ວນອັດຕາຄວາມສ່ຽງໂລກຫົວໃຈລົດລົງ 15%



ແຕ່ພົບວ່າໃນກຸ່ມຄົນໂສດ ຫລື ຄົນທີ່ຕ້ອງລ້ຽງຫມາຕາມລໍາພັງມີອັດຕາການເສຍຊີວິດຈາກສາເຫດຕ່າງໆລົດລົງຫລາຍເຖິງ 33% ສ່ວນອັດຕາຄວາມສ່ຽງໂລກຫົວໃຈລົດລົງເຖິງ 36% ອີກທັງຍັງມີຄວາມສ່ຽງທີ່ຈະຫົວໃຈວາຍລົດລົງ 11% ເຊິ່ງເມື່ອທຽບກັບຄູ່ຮັກ ຫລື ຄອບຄົວທີ່ລ້ຽງຫມາແລ້ວບໍ່ພົບອັດຕາສ່ຽງທີ່ລົດລົງນີ້ ສະນັ້ນຈຶ່ງສະຫລຸບໄດ້ວ່າການລ້ຽງຫມາມີຜົນກະທົບຕໍ່ອັດຕາການເສຍຊີວິດຂອງຄົນໂສດໄດ້ຫລາຍກວ່າຄູ່ຮັກ ຫລື ກຸ່ມຄົນໃນຄອບຄົວພໍສົມຄວນເລີຍ



ເຊິ່ງສາເຫດທີ່ການລ້ຽງຫມາໃຫ້ຜົນດີກັບຄົນໂສດຫລາຍກວ່າຄູ່ຮັກ ຫລື ຄອບຄົວກໍ່ເປັນເພາະຄົນໂສດຕ້ອງເປັນຄົນພາຫມາໄປຍ່າງຫລີ້ນ ແລະ ມີປະຕິກິລິຍາຕອບສະຫນອງໂດຍກົງຄົນດຽວ ໃນຄະນະທີ່ຄູ່ຮັກ ຫລື ຄອບຄົວຈະຕ້ອງແຊກັນລ້ຽງ ຈຶ່ງເຮັດໃຫ້ບໍ່ໄດ້ຮັບປະຕິກິລິຍາຕອບສະຫນອງເຕັມທີ່ ນອກຈາກນີ້ທາງຜູ້ວິໃຈກໍ່ຍັງໃຫ້ຄໍາແນະນໍາສໍາຫລັບຄົນທີ່ຢາກມີອາຍຸຍືນຍາວເພີ້ມເຕີມອີກນໍາວ່າຕ້ອງຫມັ່ນສ້າງພູມຄຸ້ມກັນໃຫ້ແຂງແຮງ ເຂົ້າສັງຄົມໃຫ້ຫລາຍຂື້ນ ລວມເຖິງຄົນທີ່ລ້ຽງລູກຫມາຄວນອອກກໍາລັງກາຍເພີ້ມກໍ່ຈະລົດຄວາມສ່ຽງໄດ້ອີກທາງຫນຶ່ງ

Credited: ສຸຣິດທິເດດ ບຸດດາວົງ

-----------------------------------------

ສີສັນໃໝ່ ຂອງສື່ສັງຄົມອ່ອນລາຍລາວ
ລົງທະບຽນໄດ້ແລ້ວ tholakhongs.com

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

Post a Comment

0 Comments