ປາໂລມານໍ້າຈືດ (ປາຂ່າ) ຍັງເຜີຍໂສມຕ້ອນຮັບຜູ່ມາຢ້ຽມຊົມ ທີ່ເມືອງໂຂງ


ປາຂ່າ ຫຼື ປາໂລມານໍ້າຈືດ ເປັນປາລ້ຽງລູກດ້ວຍນໍ້ານົມ ທີ່ອາໄສໃນແມ່ນ້ຳຂອງເຂດຊາຍແດນລາວກຳປູເຈຍ ປັດຈຸບັນນີ້ເຫຼືອຢູ່ 3 ໂຕ (ຕາມການບອກເລົ່າຂອງໄທບ້ານ) ໄປສີພັນດອນຢ່າລືມໄປເບີ່ງປ່າຂ່າເດີ. ຮູບນີ້ຖ່າຍວັນທີ່26/02/2018 ເວລາ10:02 AM. ພາບນີ້ຖ່າຍໂດຍ: ອານຸພົນ ພົມຮັກສາ, ນັກຖ່າຍຮູບອິດສະຫຼະ ທີ່ເດີນທາງໄປທຸກທິດ ເມືອງລາວ.


ອານຸພົນ ແລະ ທີມງານ ນັກຖ່າຍຮູບ ບອກວ່າ ໃນມື້ທີ່ໄປຊົມ ປາຂ່າ ແມ່ນໂຊກດີ ທີ່ໄດ້ພົບເຫັນປາຂ່າ ທີ່ລອຍຂຶ້ນມາໜ້ານໍ້າ. ເຊິ່ງແຕ່ລະຄົນແມ່ນມີຄວາມຕື່ນເຕັ້ນ ແລະ ໄດ້ບັນທຶກພາບ ປາຂ່າທີ່ງົດງາມ.


ຊາວບ້ານບອກວ່າ ປາຂ່າ ແມ່ນມີໜ້ອຍຫຼາຍ ແລະ ປີຜ່ານມາ ກໍ່ມີການຈັບປາຂ່າທີ່ຕາຍໄດ້ 1 ໂຕ. ເຊິ່ງຍິ່ງເຮັດໃຫ້ມີຈຳນວນໜ້ອຍລົງ. ການແຜ່ພັນຂອງປ່າຊະນິດນີ້ ກໍ່ໃຊ້ເວລາດົນຈິ່ງອອກລູກ. ຈິ່ງເຮັດໃຫ້ການເພີ່ມຈຳນວນປະຊາກອນ ປາຂ່າຊັກຊ້າ. ເຊິ່ງຕາມທີ່ຕິດຕາມ ປະຊາຊົນບອກວ່າ ອາດມີພຽງຈຳນວນ ບໍ່ກາຍ 5​ ໂຕທີ່ຍັງເຫຼືອ ໃນເຂດນີ້.



ຊາວບ້ານ ຈິ່ງຮຽກຮ້ອງໃຫ້ທຸກຄົນ ຕ້ອງຊ່ວຍກັນຮັກສາ ປາຂ່າ ທີ່ເປັນ ລາຊີນີສັດນໍ້າ ຂອງເມືອງໂຂງ ໂດຍສະເພາະເຂດທີ່ຕໍ່ຊາຍແດນ ລາວ-ກຳປູເຈຍ. ຖ້າບໍ່ຊ່ວຍກັນຮັກສາ ພວກມັນອາດຈະສູນພັນ ຈາກດິນແດນແຫ່ງນີ້. ນັກທ່ອງທ່ຽວທຸກຄົນທີ່ມາທ່ຽວຊົມ ກໍ່ຢາກໃຫ້ປະຕິບັດ ຕາມລະບຽບ ທີ່ວາງໄວ້ ເພື່ອໃຫ້ການທ່ຽວຊົມປາຂ່າມີຄວາມເປັນລະບຽບ ແລະ ປ້ອງກັນອັນຕະລາຍທີ່ຈະເກີດແກ່ປາຂ່າ.







------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

Post a Comment

0 Comments