ນາງ ເພັດ ໄຊ​ສົມ​ບຸດ ຈະ​ກາຍ​ເປັນ ແມ່​ຍິງ​ຜູ້​ຄວບ​ຄຸມ​ລົດ​ຕັດ​ໄມ້​ແມັນ​ຊີ​ມັກ ຜູ້​ທຳ​ອິດ​ຂອງ ບໍ່​ຄຳ-ທອງ​ເຊ​ໂປນ


ແມ່ຍິງໃນຂະແໜງການຂຸດຄົ້ນບໍ່ແຮ່: ຄວາມມຸ່ງໝັ້ນຂອງບໍລິສັດໃນການສົ່ງເສີມ
ຄວາມຫຼາກຫຼາຍ ແລະ ການມີສ່ວນຮ່ວມ​​ຂອງເພດຍິງ

ໂດຍ: ສະໝານ ອະເນກາ, ຜູ້ອຳນວຍການໃຫຍ່ ແລະ ຜູ້ຈັດການພົພັນກັບຜູ້ມີສ່ວນຮ່ວມ,
MMG ລ້ານຊ້າງມິນເນໂຣນສ໌ ລິມິເຕັດ ບໍ່ຄຳ-ທອງເຊໂປນ




ການ​ຂຸດ​ຄົ້ນ​ບໍ່​ແຮ່​ສ່ວນ​ໃຫ​ຍ່ ຈະ​ຖື​ວ່າ​ເປັນ​ຂະ​ແໜງ​ການ​ຂອງ​ຜູ້​ຊາຍ ແລະ ມີ​ແຮງ​ງານ​ຜູ້​ຊາຍ​ເປັນ​ສ່ວນຫຼາຍ. ແຕ່​ໃນ​ໂຕ​ຈິງ​ແລ້ວ, ແມ່​ຍິງ​ກໍ​ມີ​ບົດ​ບາດ​ສຳ​ຄັນ​ຍິ່ງ​ໃນ​ອຸດ​ສາ​ຫະ​ກຳ​ບໍ່​ແຮ່ ແລະ ພວກ​ເຮົາ​ທຸກ​ຄົນ​ກໍ​ຄວນ​ສົ່ງ​ເສີມ.

ທີ່ MMG ລ້ານ​ຊ້າງ ມິນ​ເນ​ໂຣ​ນ​ສ໌ ລິ​ມິ​ເຕັດ ບໍ່​ຄຳ-ທອງ​ເຊ​ໂປນ, ພວກ​ເຮົາ​ຍັງ​ສືບ​ຕໍ່​ມຸ່ງ​ໝັ້ນ​ໃນການ​ປະ​ຕິ​ບັດ ເປົ້າ​ໝາຍ​ຂອງວັນ​ແມ່​ຍິງ​ສາ​ກົນ 2018 ເພື່ອ ເລັ່ງ​ສູ່​ການ​ພັດ​ທະ​ນາ ຫຼື #PressForProgress ເຊິ່ງ​ໝາຍ​ວ່າ ພວກ​ເຮົາ​ທຸກ​ຄົນເອົາ​ໃຈ​ໃສ່ ອຸດ​ທິດ​ ແນວຄິດ, ການປະ​ຕິ​ບັດ ແລະ ມີ​ຄວາມ​ຍຶດ​ໝັ້ນ​ໃນ​ບົດ​ບາດ​ຍິງ-ຊາຍ​ຢ່າງ​ສະ​ເໝີ​ພາບ.  ໝາຍ​ຄວາມ​ວ່າ: ໃຫ້​ມີຄວາມ​ສະ​ເໝີ​ພາບ​ລະ​ຫວ່າງ​ຍິ​ງ-ຊາຍ, ປະ​ຕິ​ບັດ ແລະ ເປັນ​ສັງ​ຄົມ​ທີ່​ມີ​ສ່ວນ​ຮ່ວມ​ຂອງ​ຍິງ-ຊາຍ​ຢ່າງ​ທົ່ວ​ເຖິງ ແລະ ມີ​ຄວາມສະ​ເໝີ​ພາບ ຊຶ່ງບໍ່​ໄດ້​ຖື​ວ່າ​ເປັນ ປະ​ເດັນ​ສະ​ເພາະ​ກ່ຽວ​ກັບ​ແມ່​ຍິງ ແຕ່​ລ້ວນ​ແລ້ວ​ແຕ່​ເປັນການ​ປະ​ຕິ​ບັດ​ທີ່​ເປັນສິດ​ທິ​ຂອງ​ພວກ​ເຮົາ​ທຸກ​ຄົນ.  
ພວກ​ເຮົາ​ຮູ້​ດີ​ວ່າ ​ໃນ​ຖາ​ນະ​ຂອງ​ບໍ​ລິ​ສັດ​ຂຸດ​ຄົ້ນ​ບໍ່​ແຮ່​ຊັ້ນ​ນຳ​ຂະ​ໜາດ​ກາງ​ຂອງ​ໂລກ, ພວກ​ເຮົາ​ຕ້ອງ​ສຸມ​ໃສ່ ພັດ​ທະ​ນ​າຊຸມ​ຊົນ ແລະ ພະ​ນັກ​ງານ​ຂອງ​ພວກ​ເຮົາ. ເພື່ອ​ໃຫ້​ບັນ​ລຸ​ເປົ້າ​ໝາຍ​ດັ່ງ​ກ່າວ, ພວກ​ເຮົາ​ຕ້ອງ​ສ້າງ​ສະ​ພາບ​ແວດ​ລ້ອມ​ດັ່ງ​ນີ້:
·       ຍຶດ​ໝັ້ນ​ຕໍ່​ຄວາມ​ແຕກ​ຕ່າງ​ທີ່​ກ້າວ​ໜ້າ ແລະ ປະ​ຕິ​ບັດ​ຕໍ່​ກັບ​ທຸກ​ຄົນ​ຢ່າງ​ມີສັກ​ສີ, ແບບຫ່ວງ​ໃຍ ແລະ ດ້ວຍ​ຄວາມ​ເຄົາ​ລົບ​ນັບ​ຖື​ເຊິ່ງ​ກັນ ແລະ ກັນ​ເປັນ​ຢ່າງ​ດີ.
·       ສົ່ງ​ເສີມ​ໃຫ້​ທຸກ​ຄົນ​ໃຫ້​ເຮັດ​ວຽກ​ຮ່ວມ​ກັນ​ຕະຫຼອດ​ເວ​ລາ ເພື່ອ​ສ້າງ ແລະ ຮັກ​ສາ​ສະ​ພາບ​ແວດ​ລ້ອມ​​ໃນການ​ເຮັດ​ວຽກ​ທີ່​​ມີ​​ສ່ວນຮ່ວມ​ຂອງ​ທຸກ​ຄົນ ອັນ​ຈະ​ນຳ​ໄປ​ສູ່​ການຍົກ​ສູງ​ແນວຄວາມ​ຄິດ, ທັກ​ສະ, ປະ​ສົບ​ການ ແລະ ວິ​ທີ​ການ​ເຮັດ​ວຽກ​ທີ່ຫຼາກຫຼາຍ ເພື່ອ​ໃຫ້​ພະ​ນັກ​ງານ​ຂອງ​ພວກ​ເຮົາ​ບັນ​ລຸ​ໄດ້​ຄວາມ​ສາ​ມາດ​ບົ່ມ​ຊ້ອນ ແລະ ເຮັດ​ໃຫ້​ເຂົາ​ເຈົ້າຮູ້​ສຶກວ່າ​ຕົນ​ເອງ​ມີ​ຄຸນ​ຄ່າ, ເປັນ​ເຈົ້າ​ການ ແລະ ເປັນ​ສ່ວນ​ໜຶ່ງ​ຂອງ​ອົງ​ກອນ.
·       ພັດ​ທະ​ນາ​ຜູ້​ນຳ​ທີ່​ເຫັນ​ຄຸນ​ຄ່າ ແລະ ເຂົ້າ​ໃຈ​ການ​ມີ​ສ່ວນ​ຮ່ວມ​ຂອງ​ພະ​ນັກ​ງານ ແລະ ສ້າງ​ທີມ​ງານ​ທີ່​ມີ​ຄຸນລັກ​ສະ​ນະ​ສະ​ເພາະ​ໃນ​ການ​ເຮັດ​ວຽກ​ຮ່ວມ​ມື​ກັນ, ມີ​​ຫົວ​ຄິດ​ປະ​ດິດ​ສ້າງ ແລະ ມີ​ປະ​ສິດ​ທິ​ພາບ.
·       ເຮັດ​ໃນ​ສິ່ງ​ທີ່​ຕົນ​ເອງ​ໄດ້​ເວົ້າ​ໄ​ວ້ ໂດຍ​ການ​​ຜັນຂະ​ຫ​ຍາຍ​ວິ​ທີ​ການ​ເຮັດ​ວຽກ​ແບບມີ​ສ່ວນ​ຮ່ວມ​ໃນ​ທຸກໆ​ການ​ພົ​​ວ ພັນ.

 

ໃນ​ຖາ​ນະ​ທີ່​ເປັນ​ອົງ​ກອນ​ໜຶ່ງ, ພວ​ກ​ເຮົາ​ຮູ້​ດີ​ວ່າ ຈຸດ​ດີ​ຂອງ​ບໍ​ລິ​ສັດ​ແມ່ນ​ມາ​ຈາກ ການ​ສົ່ງ​ເສີມ ແລະ ຮັບ​ຮູ້​ທັກ​ສະ ກໍ​ຄື ຄວາມ​ຮູ້​ຂອງ​ພະ​ນັກ​ງານ​ທີ່ຫຼາກ​ຫຼາຍ​ຂອງ​ພວກ​ເຮົາ. ຢາກ​ເຮັດ​ໄດ້​ຄື​ແນວນັ້ນ ພວກ​ເຮົາ​ຕ້ອງ​ສ້າງ​ແຜນ​ການ​ພັດ​ທະ​ນາ​ໄປ​ສູ່ການ​ເປັນ​ຜູ້ນຳ​ທີ່​ຊັດ​ເຈນ ໂດຍ​ການ​ເບີກ​ທາງ​ໃຫ້​ແກ່​ພະ​ນັກ​ງານ ໃຫ້​ມີ​ໂອ​ກາດ​ໃນ​ການ​ເຕີບ​ໃຫ​ຍ່​ໃນ​ໜ້າ​ທີ່​ການ​ງານ ແລະ ສ້າງ​ສະ​ພາບ​ແວດ​ລ້ອມ​ການ​ເຮັດ​ວຽກ​ທີ່​ມີ​ສ່ວນ​ຮ່ວມ ເຊິ່ງໃນ​ນັ້ນ, ແມ່​ຍິງ​ທຸກ​ຄົນກໍ​ສາ​ມາດ​ບັນ​ລຸ​ຕາມ​ຄວາມ​ສາ​ມາດ​ບົ່ມ​ຊ້ອນ​ຂອງ​​ເຂົາເຈົ້າ ​ຢ່າງ​ເຕັມ​ທີ່

 

ຄວາມຫຼາກຫຼາຍ​ແມ່ນ​ເວົ້າ​ເຖິງ ຄວາມ​ແຕກ​ຕ່າງທີ່​ກ້າວ​ໜ້າ ແລະ ຄວາມ​ມີ​ເອ​ກະ​ລັກ​ສະ​ເພາະຕົວ ທີ່​ເປັນ​ໜຶ່ງ​ດຽວ. ມັນ​ແມ່ນ​ຄວາມ​ແຕກ​ຕ່າງ​ທີ່​ກ້າວ​ໜ້າ​ທາງດ້ານ​ແນວຄວາມ​ຄິດ, ທັດ​ສະ​ນະ​ຄະ​ຕິ ແລະ ວິ​ທີ​ທາງ​ໃນການ​ປະ​ຕິ​ບັດ​ທີ່​ປະ​ກອບ​ສ່ວນ​ຕໍ່​ການ​ປັບ​ປຸງວິ​ທີ​ການ​ເຮັດ​ວຽກ​​ໃຫ້​ກ້າວ​ໜ້າ. ຖ້າ​ພວກ​ເຮົາ​ຕ້ອງ​ການພັດ​ທະ​ນາ ແລະ ສ້າງ​ວັດ​ທະ​ນະ​ທຳ​ໃນ​ອຸດ​ສາ​ຫະ​ກຳ​ບໍ່​ແຮ່ ໃຫ້ຫຼາກຫຼາຍ ແລະ ມີ​ສ່ວນ​ຮ່ວມສືບ​ເນື່ອງໄປ, ພວກ​ເຮົາ​ກໍ​ຕ້ອງ​ສະ​ໜັບ​ສະ​ໜູນ, ສົ່ງ​ເສີມ ແລະ ​ໃຫ້​ການຮັບ​ຮອງຕໍ່​ຄວາມຫຼາກຫຼາຍ ແລະ ການ​ມີ​ສ່ວນ​ຮ່ວມ​ຂອງ ຜູ້​ນຳ ແລະ ພະ​ນັກ​ງານ​ໃນ​ອົງ​ກອນ ກໍ​ຄື ຊຸມ​ຊົນ​ທ້ອງ​ຖິ່ນ.  
ພວກ​ເຮົາ​ໝາຍ​ໝັ້ນ​ຢ່າງ​ສູງ ຕໍ່​ກັບການ​ເພີ່ມ​ການ​ມີ​ສ່ວນ​ຮ່ວມ ແລະ ການ​ມອບ​ສິດ​ອຳ​ນາດ​ ໃຫ້​ແກ່​ພະ​ນັກ​ງານ​ເພດ​ຍິງ​ໃນ​ບ່ອນ​ເຮັດ​ວຽກ. ເພື່ອ​ໃຫ້​ບັນ​ລຸ​ໄດ້ດັ່ງ​​ນີ້, ພວກ​ເຮົາ​ຕ້ອງ​ໄດ້ເຊື່ອໝັ້ນ​ວ່າ: ບໍ່​ວ່າ​ໃນ​ທາງ​ສ່ວນ​ຕົວ ຫຼື ໃນ​ທາງວິ​ຊາ​ຊີບ ພະ​ນັກ​ງານ​ຍິງ ແລະ ເດັກ​ຍິງ​ທີ່​ມີ​ສຸ​ຂະ​ພາບ​ແຂງ​ແຮງ ຈະ​ເປັນ ພື້ນ​ຖານ​ອັນ​ເຂັ້ມ​ແຂງ ໃຫ້​ແກ່​ຜົນ​ສຳ​ເລັດ​ທີ່​ຍາວ​ນານ. ດ້ວຍ​ເຫດ​ຜົນ​ນີ້, ບໍ​ລິ​ສັດ MMG ລ້ານ​ຊ້າງ ມິນ​ເນ​ໂຣນ​ສ໌ ລິ​ມິ​ເຕັດ ບໍ່​ຄຳ-ທອງ​ເຊ​ໂປນ ຈຶ່ງ​ໄດ້ ຮ່ວມ​ມື​ແບບ​ພິ​ເສດ​ກັບ  ລັດ​ຖະ​ບານ​ແຫ່ງ​ ສ​ປ​ປ ລາວ ແລະ ອົງ​ການ UNICEF, ໂດຍ​ໄດ້​ປະ​ກອ​ບ​ສ່ວນລົງ​ທຶນ​ໃສ່​ໃນ ໂຄງ​ການ ‘1000 ວັນ ເພື່ອ​ປັບ​ປຸງ ໂພ​ຊະ​ນາ​ການ ແລະ ສຸ​ຂະ​ພາບຂອງ​ແມ່ ແລະ ເດັກ. ມາ​ຮອດ​ປັດ​ຈຸ​ບັນ, ໂຄງ​ການ​ດັ່ງ​ກ່າວ​ກໍໄດ້ ແຈກ​ຢາຍ​ຝຸ່ນ​ແຮ່​ທາດ ​ໄດ້ຫຼາຍກວ່າ ສາມ​ລ້ານ​ຊອງ ແລະ ​ໄດ້ເຂົ້າ​ເຖິງ ເດັກ​ນ້ອຍ ແລະ ຄອບ​ຄົວ​ຂອງ​​ເດັກເຖິງ 150,000 ຄົນ.

ນັບ​ຕັ້ງ​ແຕ່​ບໍ່​ຄຳ-ທອງ​ເຊ​ໂປນ ໄດ້​ເລີ່ມ​ມີ​ການ​ດຳ​ເນີນ​ງານ​ແຕ່​ປີ 2002 ເປັນ​ຕົ້ນ​ມາ, ບໍ​ລິ​ສັດ MMG ລ້ານ​ຊ້າງ ມິ​ນ​ເນ​ໂຣນ​ສ໌ ລິ​ມິ​ເຕັດ ບໍ່​ຄຳ-ທອງ​ເຊ​ໂປນ ​ກໍໄດ້ ສືບ​ຕໍ່​ມຸ່ງ​ໝັ້ນ ​ໃນ​ການ​ໃຫ້ສິດ​ແກ່​ແມ່​ຍິງ ແລະ ສະ​ໜັບ​ສະ​ໜູນ​ການ​ປະ​ກອບ​ສ່ວນ​ຂອງ​ແມ່​ຍິງ ຢູ່​ພາຍໃນ​ບ່ອນ​ເຮັດ​ວຽກ ດ້ວຍ​ການ ສ້າງ​ນະ​ໂຍ​ບາຍ​ທີ່​ເອື້ອ​ອຳ​ນວຍ​ຈຳ​ນວນ​ໜຶ່ງ.

ຕົວ​ຢ່າງ, ເພື່ອ​ຮອງ​ຮັບ​ຄວາມ​ຕ້ອງ​ການ​ຂອງ​ຄອບ​ຄົວ, ທາງ​ບໍ​ລິ​ສັດ​ໄດ້ ຫ​ລຸດ​ຜຽນ​ວຽກ​ໃຫ້​ສັ້ນ​ລົງ ຈາກ 28/14 (ເຮັດ​ວຽກ 28 ມື້ ແລ້ວ​ໃຫ້ພັກ 14 ມື້) ເປັນ 14/7 ມື້. ການ​ປ່ຽນ​ແປງ​ເລັກໆ​ໜ້ອຍໆ​ນີ້ ໄດ້​ຊ່ວຍ​ຮັບ​ປະ​ກັນ​ໃຫ້ ພະ​ນັກ​ງານ​ໂດຍ​ສະ​ເພາະ ພະ​ນັກ​ງານ​ເພດ​ຍິງ ໄດ້​ມີ​ເວ​ລາ​ພັກ​ຜ່ອນ ແລະ ໃຊ້​ເວ​ລາ​ເຕັມ​ທີ່​ກັບ​ຄອບ​ຄົວ ແລະ ຊຸມ​ຊົນ. ພະ​ນັກ​ງານ​ຂອງ​ບໍ​ລິ​ສັດ ຍັງ​ມີ​ສິດ​ໃນ​ການກວດ​ສຸກ​ຂະ​ພາບ​ປະ​ຈຳ​ປີ ແລະ ມີ​ສູນ​ອອກ​ກຳ​ລັງ​ກາຍ ເພື່ອ​ຮັບ​ປະ​ກັນ​ໃຫ້​​​ເຂົາເຈົ້າໄດ້​ມີ​ສຸຂະ​ພາບ​ທີ່​ແຂງ​ແຮງ ແລະ ສາ​ມາດ​ເຂົ້າ​ເຖິງ​ການ​ຮັກ​ສາ​ສຸ​ຂະ​ພາບ ອັນ​ເປັນຜົນ​ໃຫ້​ພະ​ນັກ​ງານ​ໄດ້​ມີ​ກຳ​ລັງ​ກາ​ຍ-ກຳ​ລັງ​ໃຈ ທີ່​ແຂງ​ແຮງ.

ມາ​ຮອດ​ປັດ​ຈຸ​ບັນ, ​ຈຳ​ນວນພະ​ນັກ​ງານ​​ເພດຍິງ​ຢູ່ທີ່​ ບໍ່​ຄຳ-ທອງ​ເຊ​ໂປນ ໄດ້ກວມ​ເອົາ​ເກືອບ 20% ຂອງ​ພະ​ນັກ​ງານ​ທັງ​ໝົດ ແລະ ໃນ​ນັ້ນ, ພະ​ນັກ​ງານ​ເພດ​ຍິງ​ໃນ​ຂະ​ແໜງຄວບ​ຄຸມ​ລົດ​ແກ່​ແຮ່ ແມ່ນກວມ​ເອົາ​ເກືອບ 40% ເຊິ່ງ​ສ່ວນ​ໃຫ​ຍ່​ແມ່ນ​ມາ​ຈາກ​ຊຸມ​ຊົນ​ທ້ອງ​ຖິ່ນ​ເມືອງວິ​ລະ​ບູ​ລີ. ສະ​ນັ້ນ ຈຶ່ງ​ສາ​ມາດ​ເວົ້າ​ໄດ້​ວ່າ: ຂະ​ແໜງ​ການ​ບໍ່​ແຮ່ ​ເປັນ​ບ່ອນ​ທີ່​ໃຫ້​ໂອ​ກາດ​ອັນ​ແທ້​ຈິງ ໃຫ້​ແມ່​ຍິງໄດ້​ມາ​ເຮັດ​ວຽກ, ພັດ​ທະ​ນາຕົນ​ເອງ ແລະ ໄດ້​ຮັບ​ຄວາມກ້າວ​ໜ້າ.

ພວກ​ເຮົາ​ສຸມ​ໃສ່​ການ​ຮຽ​ນ​ຮູ້ ແລະ ຝຶກ​ອົບມ ເພື່ອ​ພັດ​ທະ​ນາ ແລະ ໃຫ້​ສິດແກ່​ພະ​ນັກ​ງານ​ຂອງ​ບໍ​ລິ​ສັດ. ທີ່​ບໍ່​ຄຳ-ທອງ​ເຊ​ໂປນ, ພະ​ນັກ​ງານ​ເພດ​ຍິງ​ທີ່​ຂັບ​ລົດ​ແກ່​ແຮ່​ ​ຈຶ່ງ​ໄດ້​ເລີ່ມ​ຜ່ານຫຼັກ​ສູດ​ຝຶກ​ອົບ​ຮົມ​ເສີມ​ທັກ​ສະ​ໃຫ້ຫຼາກຫຼາຍຂຶ້ນ ແລະ ສາ​ມາດ​ເຮັດ​ວຽກ​ໃນ​ຕຳ​ແໜ່ງວິ​ຊາ​ການ ກໍ​ຄື ຕຳ​ແໜ່ງ​ການດຳ​ເນີນ​ງານ. ເປົ້າ​ໝາຍຫຼັກ​ກໍ​ເພື່ອ​ໃຫ້​ເຂົາເຈົ້າ​ມີ​ໂອ​ກາດ​ກ້າວ​ໜ້າ​ໃນ​ອາ​ຊີບ​ວຽກ​ງານ​ພາຍ​ໃນ ແລະ ພາຍນອກ​ອຸດ​ສາ​ຫະ​ກຳ​ບໍ່​ແຮ່. ການ​ຝຶກ​ອົບ​ຮົມ​ທີ່​ທາງ​ບໍ​ລິ​ສັດ​ໄດ້​ສະ​ໜອງໃຫ້ ໄດ້ມອບ​ອຳ​ນາດ​ໃຫ້ແກ່​ພະ​ນັກ​ງານ​ຂອງ​ພວກ​ເຮົາ​ດ້ານ ທຶນ​ຊັບ​ພະ​ຍາ​ກອນ​ມະ​ນຸດ’, ຄວາມ​ຮູ້ ແລະ ທັກ​ສະ​ເພື່ອພັດ​ທະ​ນາ​ອາ​ຊີບ​ຂອງ​​ເຂົາເຈົ້າ​ໃນ​ປັດ​ຈຸ​ບັນ ແລະ ໃນອາ​ນາ​ຄົດ.

ທີ່​ບໍ່​ຄຳ-ທອງ​ເຊ​ໂປນ, ພວກ​ເຮົາ​ມີ​ຄວາມ​ພາກ​ພູມ​ໃຈ​ທີ່​ ຫວ່າງ​ມໍ່ໆ​ມາ​ນີ້ ​ທາງ​ບໍ​ລິ​ສັດ​ໄດ້​ສະ​ເຫຼີມ​ສະຫຼອງ​ການ​ຍົກ​ລະ​ດັບ ຂອງ​ພະ​ນັກ​ງານຍິງ-​ຜູ້​ຄວບ​ຄຸມ​ລົດ​ເກດ ແລະ ​ຜູ້​ຄວບ​ຄຸມ​ລົດ​ຕັດ​ໄມ້ແມັນ​ຊີ​ມັກ ຜູ້​ທຳ​ອິດ​ຂອງ​ພວກ​ເຮົາ ເຊິ່ງ​ເວົ້າ​ສະ​ເພາະ​ແມ່ນ​ເປັນ​ຜົນ​ສຳ​ເລັດ​ທີ່​ພົ້ນ​ເດັ່ນ ຍ້ອນ​ວ່າ ປັດ​ຈຸ​ບັນ​ນີ້​, ສ່ວນ​ໃຫ​ຍ່​ແມ່ນຍັງ​ຖື​ວ່າ ​ເປັນ​ໜ້າ​ວຽກ​ຂອງ​ຜູ້​ຊາຍໃນ​ອຸດ​ສາ​ຫະ​ກຳ​ບໍ່​ແຮ່.

ການ​ສ້າງ ແມ່​ຍິງ​ໃຫ້​ເປັນ ຜູ້​ຄວບ​ຄຸມ​ລົດ​ເກດ ແລະ ເປັນ​ຜູ້​ຄວບ​ຄຸມ​ລົດ​ຕັດ​ໄມ້​ແມັນ​ຊີ​ມັກ ແມ່ນຖື​ໄດ້ວ່າ ເປັນ​ຜົນ​ສຳ​ເລັດ​ອັນ​ຍິ່ງ​ໃຫ​ຍ່​ຂອງ ບໍ່​ຄຳ-ທອງ​ເຊ​ໂປນ ແລະ ເປັນ​ແຮງ​ບັນ​ດານ​ໃຈ​ອັນ​ແທ້​​ຈິງ ໃຫ້​ແກ່​ແມ່​ຍິງ​ຄົນ​ອື່ນໆ​ຢູ່ ​ໃນບໍ່​ຄຳ-ທອງ​ເຊ​ໂປນ ແລະ ອຸດ​ສາ​ຫະ​ກຳ​ບໍ່​ແຮ່​ໃນ ສ​ປ​ປ ລາວ.

ນາງ ປ໋ອກ ໄຂ່​ແກ້ວ ຈາກ​ເມືອງ ວິ​ລະ​ລູ​ລີ ຈະ​ເປັນ ແມ່​ຍິງ​ຜູ້​ຄວບ​ຄຸມ​ລົດ​ເກດ​ຄົນ​ທຳອິດ​ຂອງພວກ​ເຮົາ,ໄດ້​ກ່າວ​ວ່າ:

ຂ້ອຍ​ມີ​ຄວາມ​ພາກ​ພູມ​ໃຈຫຼາຍ​ທີ່​ຂ້ອຍ​ສາ​ມາດ​ຄວບ​ຄຸມ​ລົດ​ເກດ ເຊິ່ງ​ເປັນ​ພາ​ຫະ​ນະ​ທີ່​ຄວບ​ຄຸມ​ຍາກ​ທີ່​ສຸດ ແລະ ຍາກກວ່າ ການ​ຄວບ​ຄຸມ​ລົດ​ບັນ​ທຸກ​ແຮ່ ADT ຫຼາຍ​ເທົ່າ. ອາ​ນາ​ຄົດ​ນັ້ນ ບໍ່​ແນ່ນອນ. ສະ​ນັ້ນ, ການ​ສະ​ສົມປະ​ສົບ​ການ​, ທັກ​ສະ ແລະ ຄຸນ​ວຸ​ທິ​ເທົ່າ​ທີ່​ຈະ​ເຮັດ​ໄດ້ ຈະ​ເປັນ​ຈຸດ​ໄດ້​ປຽບໃນ​ເວ​ລາຂ້ອຍ​ໄປສະ​ໝັກ​ວຽກ​ຢູ່​ບ່ອນ​ອື່ນ.”

ທີ່​ບໍ່​ຄຳ-ທອງ​ເຊ​ໂປນ, ພວກ​ເຮົາ​ພາກ​ພູມ​ໃຈ​ທີ່​ຈະ​ສືບ​ຕໍ່ ຝຶກ​ອົບ​ຮົມ ແລະ ສ້າງພະ​ນັກ​ງານເພດ​ຍິງ​ທີ່​ມີ ທັກ​ສະ​ຄວາມ​ສາ​ມາດ​ຢູ່​ແລ້ວ.

ນາງ ເພັດ ໄຊສົມ​ບຸດ ມາ​ຈາກ​ເມືອງວິ​ລະ​ບູ​ລີ (ໃນ​ຮູບ ຖ່າຍ​ພ້ອມ​ລົດ​ຕັດ​ໄມ້​ແມັນ​ຊີ​ມັກ), ແມ່ນ​ໜຶ່ງ​ໃນ​ກຸ່ມ​ທຳ​ອິດ​ຂອງ​ພະ​ນັກ​ງານ​ເກັບ​ກູ້ UXO ຜູ້​ຍິງ​ທີ່​ພວມ​ຜ່ານຫຼັກ​ສູດ​ການ​ຝຶກ​ອົບ​ຮົມ​ ການ​ຝຶກ​ຊ້ອມ​ຂັບ​ລົດ​ຕັດ​ໄມ້​ແມັນ​ຊີ​ມັກ. ການ​ຝຶກ​ອົບ​ຮົມ​​ຢ່າງ​ຂຸ້ນຂ້ຽວ​ນີ້ ປະ​ກອບ​ດ້ວຍ​ການ​ຝຶກ​ຄວບ​ຄຸມ​ລົດ​ແມັນ​ຊີ​ມັກ​ຢ່າງ​ຕ່ຳ 27 ຊົ່ວ​ໂມງ ໃນ​ສະ​ພາບ​ການ​ຕ່າງໆ ລວມ​ທັງ ໃນ​ເຂດ​ຄ້ອຍ​ຊັນ. ນາງ​ເພັດ ຍັງ​ເປັນ ພະ​ນັກ​ງານວິ​ຊາ​ການ​ UXO ຂອງ​ພວກ​ເຮົາ ທີ່​ໄດ້​ສຳ​ເລັດ ການ​ຝຶກ​ອົບ​ຮົມ ກ່ຽວ​ກັບ ການ​ທຳ​ລາຍ​ລະ​ເບີດ ລະ​ດັບ 1 (Explosive Ordnance Disposal Level 1 training) ໃນ​ປີ 2016 ເຊິ່ງ​ເປັນ ຫຼັກ​ສູດ​ທີ່​ເປັນ​ທີ່ຍອມ​ຮັບ​ໃນ​ລະ​ດັບ​ສາ​ກົ.

ໃນ​ຕໍ່​ໜ້າ, ບໍ​ລິ​ສັດ ລ້ານ​ຊ້າງ ມິນ​ເນ​ໂຣນ​ສ໌ ລິ​ມິ​ເຕັດ ບໍ່​ຄຳ-ທອງ​ເຊ​ໂປນ ຈະ​ສືບ​ຕໍ່​ມຸ່ງ​ໝັ້ນ​ສະ​ໜັບ​ສະ​ໜູນ​ອຸດ​ສາ​ຫະ​ກຳ​ບໍ່​ແຮ່, ໃນ ສ​ປ​ປ ລາວ ແລະ ປະ​ຊາ​ຄົມ​ໂລກ ເພື່ອ​ໃຫ້​ບັນ​ລຸ​ໄດ້ ຄວາມ​ສະ​ເໝີ​ພາບ​ລະ​ຫວ່າງ​ຍິ-ຊາຍ ແລະ ການ​ມອບອຳ​ນາດ​ໃຫ້​ແມ່​ຍິງ ທັງ​ຢູ່​ໃນບ່ອນ​ເຮັດ​ວຽກ ແລະ ຢູ່​ທີ່​ບ້ານ ໃຫ້​ ເລັ່ງ​ສູ່​ການ​ພັດ​ທະ​ນາ ຫຼື #PressForProgress: ເພື່ອ​ຄິດ, ປະ​ຕິ​ບັດ ແລະ ເປັນ​ສັງ​ຄົມ​ທີ່​ມີ​ສ່ວນ​ຮ່ວມ​ຂອງ​ຍິງ-ຊາຍ​ຢ່າງ​ທົ່ວ​ເຖິງ ແລະ ​ມີ​ຄວາມສະ​ເໝີ​ພາບ.




ພາບ: ນາງ ເພັດ ໄຊ​ສົມ​ບຸດ ຈະ​ກາຍ​ເປັນ ແມ່​ຍິງ​ຜູ້​ຄວບ​ຄຸມ​ລົດ​ຕັດ​ໄມ້​ແມັນ​ຊີ​ມັກ ຜູ້​ທຳ​ອິດ​ຂອງ ບໍ່​ຄຳ-ທອງ​ເຊ​ໂປນ


------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

Post a Comment

0 Comments