ເຕືອນໄພດ່ວນ! ພະຍາດທີ່ກຳລັງລະບາດໄລຍະປີໃໝ່ລາວ!

ໄລຍະສະຫຼອງປີໃໝ່ລາວ ຖືເປັນໄລຍະທີ່ທຸກຄົນກຳລັງມ່ວນຊື່ນ ສະເຫຼີມສະຫຼອງ ແຕ່ໄພທີ່ມາຄຽງຄູກັບ ການມ່ວນຊື່ນນີ້ ຄືການເກີດອຸບັດຕິເຫດ ຕາມທ້ອງຖະໜົນ. ນອກຈາກທີ່ຈະຂີ່ລົດຕຳກັນ ຈຳນວນຫຼາຍ ໄລຍະແຕ່ ວັນທີ 12 ເມສາ 2018 ເປັນຕົ້ນມາ, ບັນຫາທີ່ເຫັນວ່າໜ່ວຍກູ້ໄພ ອອກໄປຊ່ວຍຫຼາຍ ແມ່ນ ຂີ່ລົດຈັກລົ້ມເອງ ຫຼື ຂີ່ລົດຈັກໄປຕຳເສົາໄຟຟ້າ,​ຂີ່ລົດຈັກຕົກຮ່ອງ ແລະ ອື່ນໆ.

ເຊິ່ງສາເຫດ ແມ່ນມາຈາກ 1.​ ເມົາແລ້ວຂັບ 2.​ ຂີ່ລົດໄວ ແລະ ປະໝາດ.


ເພາະສະນັ້ນ,​ ດ້ວຍຄວາມເປັນຫ່ວງແກ່ຊີວິດຂອງພີ່ນ້ອງພວກເຮົາ ຈິ່ງຢາກຮຽກຮ້ອງໃຫ້ທຸກຄົນ ໃຫ້ມີສະຕິລະວັງຕົວສູງ ໂດຍປະຕິບັດດັ່ງນີ້

ຕົວເຮົາເອງ:
1. ດຶ່ມສິ່ງມືນເມົາ ໃຫ້ພໍປະມານ ບໍ່ຄວນດຶ່ມເມົາເກີນຂອບເຂດ
2. ຫ້າມຂີ່ລົດເດັດຂາດ ຫາກເມົາ ບໍ່ວ່າ ຈະເມົາໜ້ອຍ ຫຼື ເມົາຫຼາຍ.​ ຫ້າມຂັບຂີ່ລົດ ເດັດຂາດ
3. ຫ້າມຂີ່ລົດໄວ ເພາະມີຄວາມສ່ຽງຈະເກີດອຸບັດຕິເຫດ.
4. ສະຫຼອງປີໃໝ່ຢ່າງມີສະຕິ ແລະ ມີຄວາມຮັບຜິດຊອບ

ຊ່ວຍໝູ່ເພື່ອນ
1. ເຫັນໝູ່ເມົາແລ້ວ ຢ່າບັງຄັບໃຫ້ໝູ່ດຶ່ມ
2. ເຫັນໝູ່ເມົາຢ່າໃຫ້ໝູ່ຂັບລົດກັບບ້ານເອງ, ຄວນໃຫ້ໝູ່ພັກຜ່ອນ ໃຫ້ຫາຍເມົາ ຫຼື ໃຫ້ຄົນທີ່ບໍ່ເມົາ ໄປສົ່ງ.
3. ຖ້າທ່ານຮັກຕົນເອງ ແລະ ເພື່ອນຂອງທ່ານ ຂໍໃຫ້ປະຕິບັດ 5 ຂໍ້ຂ້າງເທີງຊ່ວຍກັນ.

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com