ເມືອງເງິນ ແຂວງໄຊຍະບູລີ ໄດ້ຈັດພິທີ ປະຖະກະຖາ ວັນກຳມະກອນສາກົນ ຄົບຮອບ 132 ປີ

ເມືອງເງິນ ແຂວງໄຊຍະບູລີ ໄດ້ຈັດພິທີ ປະຖະກະຖາ ວັນກຳມະກອນສາກົນ ຄົບຮອບ 132 ປີ ພິທີດັ່ງກ່າວ ໄດ້ຂື້ນໃນ ວັນທີ 26 ເມສາ 2018 ນີ້ ຢູ່ທີ່ສະໂມສອນເມືອງ, ມິຄະນະປະຈຳພັກເມືອງ, ກຳມະການພັກເມືອງ, ຫົວໜ້າຫ້ອງການ,ກົມກອງ, ເລຂາຄະນະພັກຮາກຖານ ນາຍບ້ານ, ເລຂາໜ່ວຍພັກ, ສະມາຊິກກຳມະບານ ແລະ ກຳມະກອນເຂົ້າຮ່ວມ 150 ກວ່າຄົນ, ຍິງ 60 ຄົນ.

        ທ່ານ ສອນສຸກ ພວງແກ້ວ ຮອງເລຂາພັກເມືອງ ຮອງເຈົ້າເມືອງ  ກໍໄດ້ໃຫ້ກຽດຂຶ້ນເລົ່າມູນເຊື້ອຂອງວັນກຳມະກອນສາກົນ ຄົບຮອນ 132 ປີ( 1 ພຶດສະພາ 1886-1 ພຶດສະພາ 2018) ເຊິ່ງທ່ານໄດ້ຍົກໃຫ້ເຫັນປະຫວັດແຫ່ງການກຳເນີດ ເຕີບໃຫຍ່ຂອງຊົນຊັ້ນກຳມະກອນ ແລະ ພາລະກຳປະຫວັດສາດ ຂອງຂະບວນການກຳມະກອນສາກົນ, ນີ້ກໍ່ເພື່ອເປັນການສຶກສາອົບຮົມການເມືອງແນວຄິດໃຫ້ແກ່ພະນັກງານ, ທະຫານ-ຕຳຫຼວດ ຮູ້ໄດ້ຄວາມໝາຍຄວາມສຳຄັນແລະ ເຂົ້າໃຈຕໍ່ຊົນຊັ້ນກຳມະກອນ ທີຖືກກົດຂີ່ຂູດຮີດ ຢ່າງໜັກໜ່ວງ, ອອກແຮງງານບໍ່ມີເວລາພັກຜ່ອນ ມື້ໜຶ່ງເຮັດວຽກ 14-15 ຊົ່ວໂມງ, ອອກແຮງງານໜັກ ຄ່າແຮງງານພັດຖືກ, ມີຄວາມສ່ຽງ ແລະ ບໍ່ເອົາໃຈໃສ່ທາງດ້ານສະຫວັດດີການ-ສັງຄົມ,ດັ່ງນັ້ນ ຊາວຜູ້ອອກແຮງງານ ຈຳເປັນໄດ້ຈັດເປັນກຸ່ມ ເປັນຂະບວນລຸກຮື້ຂືຶ້ນຕໍສູ້ກັບຊົນຊັ້ນນາຍທຶນ ເພື່ອທວງໃຫ້ເພີ່ມເງິນເດືອນ ແລະ ຫຼຸດຜ່ອນຊົ່ວໂມງໃນການເຮັດວຽກລົງ.

        ວັນທີ 1 ພຶດສະພາ 1889 ກອງປະຊຸມພັກຄອມມູນິດສາກົນ ຄັ້ງທີ 2 ໄດ້ໄຂຂຶ້ນ ຢູ່ທີ່ນະຄອນລວງ ປາຣີ( ປະເທດຝຣັ່ງ) ທີ່ປະຊຸມໄດ້ຜ່ານໂຄງການ ດຳເນີນງານ ສຳຄັນຄື ຊົນຊັ້ນກຳມະກອນສາກົນ ສາມັກຄີຕໍ່ສູ້ເພື່ອປະຕິບັດຄຳຂວັນ ມື້ໜຶ່ງເຮັດວຽກ 8 ຊົ່ວໂມງ ແລະ ກຳນົດເອົາວັນທີ 1 ພຶດສະພາ 1886 ເປັນວັນກຳມະກອນສາກົນ.

ໂດຍ: ສຸລິຍາ ແສງເດືອນ





Post a Comment

0 Comments