ປກສ ເມືອງນາແລ ມ້າງຄະ ດີໄດ້ທັງໝົດ 25 ເລື່ອງ ໃນປີຜ່ານມາ

ຫຼວງນໍ້າທາ: ໃນ 1 ປີຜ່ານມາ, ຄະນະກອງບັນຊາການ ປກສ ເມືອງນາແລ ແຂວງຫຼວງນໍ້າທາ ໄດ້ສຸມໃສ່ສຶກສາອົບຮົມການເມືອງ -ນໍາພາແນວຄິດໃຫ້ແກ່ຖັນແຖວພະນັກງານ-ນັກຮົບຢ່າງເປັນປົກກະຕິພ້ອມທັງຫັນເອົາແນວທາງຂອງຂັ້ນເທິງມາໝູນໃຊ້ໃຫ້ແທດເໝາະກັບການຈັດຕັ້ງປະຕິບັດໜ້າທີ່ການເມືອງຂອງກົມກອງທ້ອງຖິ່ນຕົວຈິງ, ເປັນເຈົ້າການໃນການປະສານສົມທົບກັບບັນດາກຸ່ມບ້ານ, ເມືອງ, ແຂວງ ເພື່ອສະກັດກັ້ນຕ້ານກຸ່ມຄົນບໍ່ຫວັງດີທີ່ເຄື່ອນໄຫວກໍ່ຄວາມບໍ່ສະຫງົບ, ຄວາມບໍ່ເປັນລະບຽບຮຽບຮ້ອຍ ພາຍໃນເມືອງ ແລະ ໄດ້ມ້າງຄະ ດີໄດ້ທັງໝົດ 25 ເລື່ອງ.

ພັທ ພອນແກ້ວ ອິນໄຊຍາ ຮອງກອງບັນຊາການ ປກສ ເມືອງນາແລ ໄດ້ລາຍງານວ່າ: ໃນ 1 ປີ ຜ່ານມາ, ຄະນະນໍາກອງບັນຊາການເມືອງໄດ້ຊີ້ນຳ-ນໍາພາຈັດຕັ້ງປະຕິບັດໜ້າທີ່ວຽກງານຕົວຈິງໂດຍສຸມໃສ່ສຶກສາອົບຮົມການເມືອງນໍາ ພາແນວຄິດໃຫ້ແກ່ຖັນແຖວພະນັກງານ-ນັກຮົບຢ່າງເປັນປົກກະຕິໃນນີ້ ໄດ້ຈັດຕັ້ງເຜີຍແຜ່ຮໍ່າຮຽນເອກະສານຕ່າງໆບັນດາມະຕິ, ຄຳສັ່ງ, ລະບຽບຂອງພັກ- ກົດໝາຍຂອງລັດ, ຫັນເອົາແນວທາງຂອງຂັ້ນເທິງມາໝູນໃຊ້ໃຫ້ແທດ ເໝາະກັບການຈັດຕັ້ງປະຕິບັດ ໜ້າ ທີ່ວຽກງານຢູ່ກົມກອງທ້ອງຖິ່ນ ແລະ ເງື່ອນໄຂສະພາບແວດລ້ອມຕົວຈິງພ້ອມທັງເປັນເຈົ້າການໃນການປະສານສົມທົບກັບບັນດາກຸ່ມ ບ້ານ, ບັນດາເມືອງ, ແຂວງ ເພື່ອສະກັດກັ້ນຕ້ານກຸ່ມຄົນບໍ່ຫວັງດີທີ່ເຄື່ອນໄຫວກໍ່ຄວາມບໍ່ສະຫງົບ, ຄວາມບໍ່ເປັນລະບຽບຮຽບຮ້ອຍພາຍໃນເມືອງ; ເຊິ່ງສາມາດມ້າງຄະດີທີ່ເກີດ ຂຶ້ນໃນທົ່ວເມືອງໄດ້ທັງໝົດ 25 ເລື່ອງ, 





ກັກໄດ້ຜູ້ຖືກ ຫາ 58 ຄົນ ຍິງ 2 ຄົນ, ໃນນີ້ ມີ ຄະດີຊື້-ຂາຍຢາເສບຕິດ 7 ເລື່ອງ, ຜູ້ຖືກຫາ 19 ຄົນ ຍິງ 2 ຄົນ, ຢຶດ ຢາບ້າໄດ້ 45 ເມັດ, ຄະດີທຳຮ້າຍຮ່າງກາຍ 3 ເລື່ອງ, ມີຜູ້ຖືກຫາ 3 ຄົນ, ຄະດີລັກຊັບພົນລະເມືອງ 4 ເລື່ອງ, ມີຜູ້ຖືກຫາ 3 ຄົນ, ທຳມິດ ສະຈານ 2 ລາຍ, ມີຜູ້ຖືກຫາ 4 ຄົນ, ຄະດີກໍ່ອາລະວາດຕີກັນ 3 ເລື່ອງ, ມີຜູ້ຖືກຫາ 3 ຄົນ, ຄະດີ ເຮັດໃຫ້ຄົນອື່ນເສຍຊີວິດ 1 ເລື່ອງ, ມີຜູ້ຖືກຫາ 1 ຄົນ, ຄະດີສໍ້ໂກງ ຊັບພົນລະເມືອງ 1 ເລື່ອງ, ມີຜູ້ ຖືກຫາ 1 ຄົນ, ຄະດີທຳລາຍຊັບ ພົນລະເມືອງ 2 ເລື່ອງ, ມີຜູ້ຖືກ ຫາ 2 ຄົນ, ຄະດີຄອບຄົວມາຝາກສຶກສາອົບຮົມຈຳນວນ 2 ເລື່ອງ, ມີຜູ້ຖືກຫາ 2 ຄົນ.

ເດັ່ນກວ່າໝູ່ແມ່ນໄດ້ລົງປະຕິບັດຕາມແຈ້ງການຕາມຂໍ້ຕົກລົງຂອງທ່ານເຈົ້າເມືອງ ເລກທີ 09 ລະດົມໃຫ້ພໍ່-ແມ່ປະຊາຊົນສົ່ງປືນແກັບ, ປືນລ່າເນື້ອ ແລະ ເຄື່ອງມືທີ່ຕ້ອງຫ້າມຕ່າງໆໃນ 1 ປີ ຜ່ານມາສາມາດເກັບກູ້ອາວຸດລ່າເນື້ອປະເພດປືນແກັບໄດ້ທັງໝົດ 574 ກະບອກ ແລະ ຢຶດໄດ້ຈັກສະຕີນເຖື່ອນ 3 ເຄື່ອງ, ເຄື່ອງຊັອດປາ 3 ຊຸດ.ໂອກາດດຽວກັນນັ້ນ, ພັທ ພອນແກ້ວ ອີນໄຊຍາ ໄດ້ຮຽກຮ້ອງໃຫ້ບັນດາພະນັກງານ-ນັກຮົບພາຍໃນກົມກອງ, ບັນດາກຸ່ມ ບ້ານ, ປກສ ບ້ານ ຈົ່ງພ້ອມກັນເຄື່ອນໄຫວເຮັດໜ້າທີ່ຢ່າງເຂັ້ມງວດເປັນຕົ້ນແມ່ນການປະຕິບັດ 7 ລະບອບ 18 ວຽກ, ຮຽກຮ້ອງປະຊາຊົນບັນດາເຜົ່າ, ບັນດາສຳນັກງານ-ອົງການ, ພໍ່ຄ້າ-ຊາວຂາຍທັງພາຍໃນ ແລະ ຕ່າງປະເທດທີ່ດຳລົງຊີວິດຢູ່ພາຍໃນ ເມືອງນາແລ ຈົ່ງພ້ອມກັນຊ່ວຍເປັນຫູ-ເປັນຕາ, ເປັນເຈົ້າການໃນການຕິດຕາມກວດກາແກ້ ໄຂປະກົດການຫຍໍ້ທໍ້ຊ່ວຍເຈົ້າໜ້າທີ່ເພື່ອເຮັດໃຫ້ທົ່ວເມືອງມີຄວາມສະຫງົບ, ຄວາມເປັນລະບຽບຮຽບຮ້ອຍ ແລະ ປອດໄພ 100%.

ຂ່າວແລະພາບ: ປກສ ເມືອງນາແລ ແລະ ໜັງສືພິມຄວາມສະຫງົບ




Post a Comment

0 Comments