ປະມວນບັນຍາກາດແຫ່ວໍ່ທີ່ຫຼວງພະບາງເມືອງມໍລະດົກໂລກປີນີ້ມີຄຶກຄືນຫຼາຍ



ວັນທີ່ 15 ເມສາ 2018 ການຫຼິ້ນບຸນກຸດສົງການປີໃໝ່ລາວ ພສ 2561 ຄສ 2018,ການສະເຫຼີມສະຫຼອງປີທ່ອງທ່ຽວ ແລະ ປະກາດເມືອງຫຼວງພະບາງເປັນນະຄອນຫຼວງພະບາງ ທີ່ເມືອງມໍລະດົກໂລກ ໃນແຕ່ລະປີທາງອຳນາດການປົກຄອງເມືອງມໍລະດົກໂລກຫລວງພະບາງໄດ້ຈັດໃຫ້ມີການແຫ່ວໍ່





ໂດຍເລີ້ມຂະບວນແຫ່ນາງສັງຂານຈາກວັດທາດນ້ອຍໄປຫາວັດຊຽງທອງໄປຕາມເສັ້ນທາງໃຈກາງເມືອງເຊິ່ງບັນຍາກາດ ປີນີ້ຄຶກຄື້ນມ່ວນຊື່ນ ເປັນພິເສດ ໂດຍມີມວນຊົນຈາກພາຍໃນ ແລະ ຕ່າງປະເທດໃຫ້ຄວາມສົນໃຈມາເບິ່ງມາຊົມຢ່າງຫຼວງຫຼາຍໆ ໃນນັ້ນມີຂະບວນຈາກພະແນກການ,ກົມກອງ ແລະ ບ້ານຕ່າງໆທົ່ວເທດສະບານເມືອງ,ທັງໝົດ 56 ຂະບວນ,ພິເສດປີນີ້ມີຂະບວນຈາກບັນດາເມືອງອ້ອມຂ້າງ 11 ຂະບວນ ເຂົ້າມາຮ່ວມຢ່າງຄຶກຄື້ນມ່ວນຊືນ ແລະ ແໜ້ນໜາຕາ. ການແຫ່ວໍ່ນີ້ ເປັນປະເພນີທີສຳຄັນທາງດ້ານປະຫວັດສາດ ແລະ ວັດທະນະທຳ-ຮີດຄອງປະເພນີຂອງລາວ ໂດຍສະເພາະຂອງຊາວຫຼວງພະບາງເມືອງມໍລະດົກໂລກແຫ່ງນີ້. ອັນໄດ້ສ້າງຄວາມສົນໃຈ ແລະ ຄວາມເບີກບານມ່ວນຊື່ນໃຫ້ແກ່ແຂກພາຍໃນ ແລະ ຕ່າງປະເທດ ທີ່ເຂົ້າມາທ່ຽວຊົມ.




















ພາບ-ຂ່າວ: ແຫຼ້ ສຸລິນພອນ

------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

Post a Comment

0 Comments