ເພີ່ມເຕີມເຫດ ວີໂກ້ປະທະລົດເມ ເສຍຊີວິດ 4 ຄົນ ພ້ອມຄລິບການຊ່ວຍເຫຼືອຂອງກູ້ໄພ




ໃນວັນທີ 15.04.2018 ເວລາ: 13:50 ນາທີ ໄດ້ຮັບແຈ້ງເຫດ ຜ່ານເບີສຸກເສີນ 020 55 33 00 65 ວ່າມີລົດເມຕຳປະສານງານກັບລົດວີໂກ້ ຢູ່ເສັ້ນທາງ ບ້ານນາແງວ ເມືອງ ທ່າແຂກ ແຂວງ ຄຳມ່ວນ ເມື່ອໜ່ວຍກູ້ໄພຂອງພວກເຮົາໄດ້ໄປເຖິງຈຸດເກີດເຫດໄດ້ພົບເຫັນຜູ້ບາດເຈັບ 01 ຄົນ ເປັນເພດຊາຍ ແລະຜູ້ເສຍຊີວິດຄາທີ່ 4 ຄົນ ເປັນເພດຊາຍ 1 ແລະຍິງ 3 .


ທີ່ເກີດເຫດ ສະພາບລົດວີໂກ້ແມ່ນມຸ້ນເສຍຫາຍໜັກ, ຄົນເຈັບ ແລະ ຄົນເສຍຊີວິດແມ່ນຕິດຄາລົດ. ຄົນເຈັບເພດຊາຍ ໄດ້ຮັບບາດເຈັບສາຫັດ ລົດສຸກເສີນ 001 ນຳສົ່ງໂຮງໝໍແຂວງຄຳມ່ວນ. 

ສ່ວນຜູ່ເສຍຊີວິດ ແມ່ນຕິດຄາໃນລົດ,​ທີມງານຂອງພວກເຮົາໄດ້ນຳໃຊ້ເຄື່ອງຕັດ-ຖ່າງ ນຳສົບອອກຈາກລົດ ໂຊເຟີຕິດພາຍໃນລົດ .ທາງຍາດໃຫ້ນຳສົ່ງມາວັດກາງເພື່ອທຳພິທີທາງສາດສະໜາ ຢູ່ ວັດກາງ ເມືອງ ທ່າແຂກ ລົດສຸກເສີນ 001 ນຳສົ່ງແລະໜ່ວຍອາສາກຸ້ໄພແຂວງຄຳມ່ວນນຳສົ່ງ.



ລົດທີ່ເກີດເຫດ ແມ່ນທະບຽນ ວີໂກ້ ທະບຽນ ຄຳມ່ວນ ກກ 3939 ແລະ ລົດເມ ສາຍ ສະຫວັນນະເຂດ - ວຽງຈັນ . ສ່ວນສາເຫດ ທາງເຈົ້າໜ້າທີ່ຈະດຳເນີນ ການກວດສອບຕໍ່ໄປ.






ຄລິບຕອນຊ່ວຍເຫຼືອຂອງໜ່ວຍກູ້ໄພ






ທີ່ມາ: Joon Sly ແລະ 
ມູນນິທິຊ່ວຍເຫຼືອຜູ້ປະສົບໄພ ແຂວງຄຳມ່ວນ Rescue Khammouan



------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

Post a Comment

0 Comments