ປກສ ເມືອງວຽງທອງ ແຂວງບໍລິຄໍາໄຊທໍາລາຍອາວຸດ ລ່າເນື້ອ ແລະ ເຄື່ອງມືທີ່ຜິດຕໍ່ລະບຽບກົດໝາຍ



ປັດຈຸບັນນີ້, ບັນຫາການຄອບຄອງອາວຸດລ່າເນື້ອ-ເຄື່ອງມື ການລ່າສັດ, ການຕັດໄມ້ທໍາລາຍປ່າ ທີ່ຜິດຕໍ່ລະບຽບກົດໝາຍ. (ໂດຍສະເພາະຢູ່ເຂດຫ່າງໄກ) ອັນເປັນສາເຫດໜຶ່ງທີ່ເຮັດໃຫ້ສັດປ່າ, ສັດຄຸ້ມຄອງ ແລະ ສັດຫວງຫ້າມ ຈໍານວນຫຼວງຫຼາຍໃກ້ຈະສູນພັນ ຫຼື ສູນພັນ ສົ່ງຜົນກະທົບເຖິງລະບົບນິເວດ ແລະ ຄວາມອຸດົມສົມບູນຂອງປ່າ ຫຼຸດໜ້ອຍຖອຍລົງ, ເພື່ອຄືນຄວາມອຸດົມສົມບູນ ໃຫ້ແກ່ຊັບພະຍາກອນປ່າໄມ້. ເຈົ້າໜ້າທີ່ຈຶ່ງໄດ້ກວດກາ ໄດ້ຮິບໂຮມ ອາວຸດລ່າເນື້ອ ແລະ ສິ່ງທີ່ຜິດຕໍ່ລະບຽບກົດໝາຍມາທໍາລາຍຖິ້ມ.





ໃນການສະກັດກັ້ນ ແລະ ແກ້ໄຂບັນຫາດັ່ງກ່າວ ເຈົ້າໜ້າທີ່ ປກສ ເມືອງວຽງທອງ ແຂວງບໍລິຄໍາໄຊ, ໂດຍສົມທົບກັບອໍານາດການປົກຄອງ ແຕ່ລະບ້ານ ເຜີຍແຜ່ມະຕິຄໍາສັ່ງຂອງຂັ້ນເທິງໃຫ້ພໍ່-ແມ່ປະຊາຊົນເຂົ້າໃຈ, ໃຫ້ຮູ້ ໄດ້ຜົນກະທົບທີ່ຈະຕາມມາ. ສະນັ້ນທ້າຍເດືອນ ມີນາ 2018 ຢູ່ທີ່ບ້ານ ຈອມທອງ ເມືອງວຽງທອງ, ແຂວງບໍລິຄໍາໄຊ ໄດ້ຈັດພິທິທໍາລາຍອາວຸດເຖື່ອນ, ອາວຸດລ່າເນື້ອ, ຈັກສະຕິ່ນ ແລະ ເຄື່ອງມືຫາປາ ຂອງກຸ່ມບ້ານຈອມທອງ ແລະ ກຸ່ມບ້ານທ່າເດື່ອ ເມືອງວຽງທອງ, ແຂວງ ບໍລິຄໍາໄຊ ເຊິ່ງມັນສະແດງໃຫ້ເຫັນເຖິງຄວາມເອົາໃຈໃສ່ຂອງ ອໍານາດການປົກຄອງ ໃນການຕິດຕາມ ກວດກາອາວຸດລ່າເນື້ອ ທີ່ບໍ່ຖືກຕ້ອງຢ່າງເຂັ້ມງວດ ຕະຫຼອດຮອດພໍ່-ແມ່ປະຊາຊົນ ທີ່ຊ່ວຍເປັນຫູເປັນຕາ ໃນການເຄື່ອນໄຫວຂອງຄົນບໍ່ດີທີ່ລັກລອບສວຍໃຊ້ອາວຸດລ່າເນື້ອ ທີ່ບໍ່ຖືກຕ້ອງຢ່າງເຂັ້ມງວດ ເພື່ອຮັບປະກັນຄວາມປອດໄພ, ຄວາມສະຫງົບຢູ່ໃນສັງຄົມ ແລະ ການອານຸລັກຮັກສາສັດນໍ້າ, ສັດປ່າ, ປ່າໄມ້ ແລະ ສິ່ງແວດລ້ອມໃຫ້ດີຂຶ້ນເທື່ອລະກ້າວ.






ພາບ ແລະ ບົດ :  ປກສ ແຊວງບໍລິຄໍາໄຊ
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

Post a Comment

0 Comments