ປະຊາຊົນບ້ານເມືອງເກົ່າເມືອງແກ່ນທ້າວສ້າງເສັ້ນທາງເບຕົງເສັ້ນທີ 4 ຂອງບ້ານ




ນັບແຕ່ປີ 2016 ເປັນຕົ້ນມາປະຊາຊົນ ບ້ານເມືອງເກົ່າ ເມືອງແກ່ນທ້າວ ແຂວງໄຊຍະບູລີ ໄດ້ເລີ່ມສ້າງເສັ້ນທາງຮ່ອມເທເບຕົງເສີມໄມ້ໄຜ່ເປັນເສັ້ນທໍາອິດຂອງບ້ານ ແລະ ຂອງເມືອງໂດຍແມ່ນທຶນຂອງປະຊາຊົນຮ້ອຍສ່ວນຮ້ອຍ. ມາຮອດວັນທີ 5 ເມສາ 2018 ບ້ານເມືອງເກົ່າໄດ້ເລີ່ມສ້າງເສັ້ນທາງຮ່ອມເທເບຕົງເສີມໄມ້ໄຜ່ ເສັ້ນທີ່ 4 ຂອງບ້ານ ມູນຄ່າ ເກືອບ 30 ລ້ານກີບໂດຍທຶນດັ່ງກ່າວແມ່ນໄດ້ມາຈາກປະຊາຊົນ ແລະ ນັກທຸລະກິດພາຍໃນບ້ານ.


ເຊິ່ງເສັ້ນທາງດັ່ງກ່າວມີຄວາມຍາວ 113 ແມັດ, ກວ້າງ 3 ແມັດ ແລະ ໜ້າ 15 ຊັງຕີແມັດ ໂດຍແມ່ນແຮງງານຂອງປະຊາຊົນພາຍໃນບ້ານເປັນຜູ້ກໍ່ສ້າງ. ມາຮອດວັນທີ 10 ເມສາ 2018 ນີ້ ແມ່ນສໍາເລັດຮ້ອຍສ່ວນຮ້ອຍ.ເພື່ອເຮັດໃຫ້ການໄປມາຫາສູ່ກັນຂອງປະຊາຊົນພາຍໃນບ້ານມີຄວາມສະດວກສະບາຍຍິ່ງຂຶ້ນ.




ທີ່ມາ: Media Laos 
------------------------------------------
ໂທລະໂຄ່ງ ໃຫ້ຫຼາຍກວ່າຄຳວ່າໂຄສະນາ
LINE ID: @tholakhong | Twitter ID: @tholakhong
tholakhong@gmail.com | www.tholakhong.com

Post a Comment

0 Comments