ເຈົ້າແຂວງໄຊຍະບູລີ ລົງຊ່ວຍຜູ່ໄດ້ຮັບຜົນກະທົບຈາກພາຍຸລະດູຮ້ອນ ທີ່ເມືອງພຽງ





ຂປລ: ທ່ານ ພົງ​ສະຫວັນ ສິດ​ທະ​ວົງ ເຈົ້າແຂວງໄຊຍະບູລີ ພ້ອມດ້ວຍພັນລະຍາ ໄດ້ລົງພົບປະປະຊາຊົນ ທີ່ຖືກຜົນກະທົບຈາກໄພພິບັດລົມພະຍຸພັດ ຢູ່ 3 ບ້ານຂອງເມືອງພຽງ ແຂວງ ໄຊຍະບູລີ ​ໃນ​ວັນ​ທີ 18 ​ເມສາ 2018 ​ໂດຍໄດ້ເນັ້ນໃຫ້ປະຊາຊົນ ເລັ່ງສ້ອມແປງເຮືອນຊານທີ່ຢູ່ອາໄສໃຫ້ສຳເລັດ, ເລັ່ງໃຫ້ຂໍ້ມູນທີ່ເສຍຫາຍໃຫ້ເຈົ້າໜ້າທີ່-ທີ່ກ່ຽວຂ້ອງໃຫ້ວ່ອງໄວ, ເອົາໃຈໃສ່ຮັກສາຄວາມສາມັກຄີ ໃຫ້ເປັນຈິດໜຶ່ງໃຈດຽວກັນ, ຊີ້ນຳ ແລະ ນຳພາລູກບ້ານ ໃຫ້ສືບຕໍ່ທຳການຜະລິດກະສິກຳ ໃຫ້ຫລາຍກາຍເປັນສິນຄ້າ ເພື່ອນຳພາຄອບຄົວ ໃຫ້ຮັ່ງມີເຂັ້ມແຂງ, ພ້ອມດຽວກັນກໍຊ່ວຍເປັນຫູເປັນຕາ ໃນການຕ້ານ ແລະ ສະກັດກັ້ນປະກົດການຫຍໍ້ທໍ້ ໃນສັງຄົມເປັນຕົ້ນແມ່ນ ບັນຫາຢາເສບຕິດ, ຂີ້ລັກງັດແງະ, ອາລະວາດ ໃນຄອບຄົວ ແລະ ບັນຫາອື່ນ ທັງນີ້ກໍ່ເພື່ອເຮັດສັງຄົມ ມີຄວາມສະຫງົບໂດຍພື້ນຖານ, 

ຈາກ​ນັ້ນ ທ່ານເຈົ້າແຂວງ ກໍໄດ້ມອບເງິນຊ່ວຍເຫລືອ ໃຫ້ປະຊາຊົນທີ່ຖືກຜົນກະທົບ ຈໍານວນ 30 ລ້ານກີບ.

​ລົມພະຍຸລະດູຮ້ອນ ພັດເຂົ້າເຂດທີ່ຢູ່ອາໄສ ຂອງປະຊາຊົນ ເມືອງພຽງ ໃນລະຫວ່າງ ວັນທີ 30 ມີນາ ຫາ ວັນທີ 1 ເມສາ 2018 ​ແລະ ໄດ້ຮັບຜົນກະທົບ 3 ບ້ານຄື: ບ້ານ ນາໂສມໃຫຍ່, ບ້ານ ນາຊິງ ແລະ ບ້ານ ນາຕານ, ເຮືອນເປ່ເພ 303 ຫລັງ, ໂຮງຮຽນ 2 ຫລັງ, ຫ້ອງປະຊຸມບ້ານ 2 ຫລັງ ແລະ ໂຮງສີເຂົ້າ 1 ຫລັງ, ມີຄົນຖືກບາດເຈັບນຳສົ່ງໂຮງໝໍ 1 ຄົນ, ລວມມູນຄ່າເສຍຫາຍ 1,74 ຕື້ກີບ​.

Post a Comment

0 Comments