ກອງປະຊຸມໃຫຍ່ ຄັ້ງທີ່ IV ຂອງໜ່ວຍຊາວໜຸ່ມການເງິນ

ກອງປະຊຸມໃຫຍ່ ຄັ້ງທີ່ IV ຂອງໜ່ວຍຊາວໜຸ່ມການເງິນ ໄດ້ໄຂຢ່າງເປັນທາງການ ໃນວັນທີ 26 ເມສາ 2018 ນີ້ຢູ່ທີ່ຫ້ອງປະຊຸມຫ້ອງການ-ການເງິນ ເມືອງເງິນ ແຂວງ ໄຊຍະບູລີ ພາຍໃຕ້ການເປັນປະທານຂອງ ສຫ ອານິວັດ ພິມສະຫວັດ ເລຂາຊາວໜຸ່ມໜ່ວຍການເງິນ, ເຂົ້າຮ່ວມເປັນກຽດ ມີ ສຫ ຕຸ້ຍ ພົມມະຫານ ຮອງເລຂາຄະນະບໍລິຫານງານຊາວໜຸ່ມເມືອງ, ມີບັນດາອົງການຈັດຕັ້ງມະຫາຊົນ, ແຂກ , ເລຂາໜ່ວຍຊາວໜຸ່ມອ້ອມຂ້າງ ແລະ ຜູ້ແທນເຂົ້າຮ່ວມ.
        ກອງປະຊຸມຜູ້ແທນໄດ້ພ້ອມກັນສຸ່ມໃສ່ຄົ້ນຄວ້າ ແລະ ຮັບຮອງເອົາຮ່າງລາຍງານການເມືອງ ທັງ 2 ພາກ ເຊີ່ງຍົກໃຫ້ເຫັນບົດບາດການຊີ້ນຳໆພາ, ການສຶກສາອົບຮົມການເມືອງ- ແນວຄິດ ແລະ ການເຄື່ອນໄຫວ ສ້າງຂະບວນການຂອງບັນດາສະຫາຍສະມາຊິກຊາວໜຸ່ມ ໃນໄລຍະຜ່ານມາ ເຊີ່ງຍົກໃຫ້ເຫັນດ້ານດີ, ດ້ານອ່ອນ, ແລະ ຂໍ້ຄົງຄ້າງ ພ້ອມທັງວາງທິດທາງແຜນການສູ້ຊົນໃນຊຸ່ມປີຕໍ່ໜ້າ.
ກອງປະຊຸມໄດ້ພ້ອມກັນປະຊາມະຕິເລືອກເອົາຄະນະໜ່ວຍຊຸດໃໝ່ຈຳນວນ 5 ສຫ, ຍິງ 2 ສຫ. ກອງປະຊຸມຄັ້ງປະຖົມມະລຶກໄດ້ຕົກລົງຮັບຮອງເອົາ.
  1.  ສຫ ໄກ່ນະຄອນ ນັກຄະວົງ ເປັນເລຂາ ຊາວໜຸ່ມໜ່ວຍການເງິນຜູ້ໃໝ່
  2. ສຫ ຄິດສະໝອນ ສຸວັນນະສິງ ເປັນຮອງ
  3. ສຫ ນາງຂັນທະລີ ສໍພາພອນເປັນຄະນະ
  4. ສຫ ນາງຈັນເພັງ ພັນໃສ່ ເປັນຄະນະ
  5. ສຫ ສຸນິລັນ ກອງສີ ເປັນຄະນະ
ໂດຍ: ອິນແປງ ແຫວນຄຳ



Post a Comment

0 Comments