ທີມງານສາທາລະນະສຸກແຂວງໄຊຍະບູລີ ແລະ ເມືອງເງິນ ຈັດຝຶກອົບຮົມການຮັກສາສຸຂະພາບຕາ ຂັ້ນຕົ້ນໃຫ້ແກ່ ອສບ ບ້ານ ທົ່ວເມືອງ



ໃນລະຫວ່າງວັນທີ 5-6 ເມສາ 2018 ຢູ່ທີ່ຫ້ອງການສາທາລະນະສຸກເມືອງເງິນ ແຂວງ ໄຊຍະບູລີ ໄດ້ຈັດຝຶກອົບຮົມການຮັກສາສຸຂະພາບຕາ ຂັ້ນຕົ້ນໃຫ້ແກ່ ອສບ ບ້ານ ພາຍໃຕ້ການເປັນປະທານຂອງທ່ານ ດຣ ບຸນເລື່ອນ ບົວໄລ ກຳມະການພັກເມືອງ ຫົວໜ້າຫ້ອງການສາທາລະນະສຸກເມືອງ, ເຂົ້າຮ່ວມເປັນກຽດມີ ທ່ານ ດຣ ສົມຈິດ ວັນນະວົງ ແພດຊ່ຽວຊານຕາ, ຫົວໜ້າໜ່ວຍງານຫູ, ຕາ, ດັງ, ຄໍ ໂຮງໝໍແຂວງ ໄຊຍະບູລີ, ມີວິທະນາກອນ- ນັກສຳມະນາກອນ ເຂົ້າຮ່ວມທັງໝົດ: 32 ທ່ານໃນນີ້ມາຈາກ ອສບ ບ້ານຈຳນວນ 22 ທ່ານ



ການຝຶກອົບຮົມ ອສບ ບ້ານໃນຄັ້ງນີ້ແມ່ນໄດ້ຮຽນຮູ້ກ່ຽວກັບ 4 ພະຍາດ ທີ່ສຳຄັນເຊັ່ນ: ພະຍາແກ່ນຕາຂຸ້ນ, ອຸປະຕິເຫດທາງຕາ, ພະຍາດຕາແດງ, ຊິ້ນຕາປົ້ງ ແລະ 9 ພະຍາດຕາພື້ນຖານ, ຈາກນັ້ນ ອສບ ບ້ານ ກໍ່ໄດ້ລົງປະຕິບັດຕົວຈິ່ງການວັດແທກສາຍຕາ, ການສຸຂະສຶກສາດ້ວຍແຜນປົດສະເຕີ ,ການກວດສາຍຕາ, ການບັນທຶກ ແລະ ການລາຍງານເຖິງສຸກສາລາ, ນີ້ກໍ່ເພື່ອເຮັດໃຫ້ ອສບ ບ້ານໄດ້ຄວາມຮູ້ພື້ນຖານກ່ຽວກັບການຮັກສາສຸຂະພາບຕາຂັ້ນຕົ້ນ, ເພື່ອເປັນການສົ່ງຕໍ່ຄວາມຮູ້ໃນການສຸຂະສຶກສາໃຫ້ແກ່ພໍ່ແມ່ປະຊາຊົນໄດ້ຮັບຮູ້ ແລະ ເຂົ້າໃຈໃນການປ້ອງກັນ ແລະ ຮັກສາສຸຂະພາບຕາ.




ການຝຶກອົບຮົົມຄັ້ງນີ້ແມ່ນໄດ້ຮັບການສະໜັບສະໝູນໂດຍ: ມູນນິທິເຟຣດໂຮໂລ ຈາກປະເທດອົດສະຕາລີ


ໂດຍ ອິນແປງ ແຫວນຄຳ









Post a Comment

0 Comments