ຮອງປະທານ ສູນກາງ ແນວລາວສ້າງຊາດລົງເຄື່ອນໄຫວເຮັດວຽກຢູ່ບ້ານນາງົວເມືອງເງິນ ແຂວງ ໄຊຍະບູລີ


ວັນທີ 8 ເມສາ 2018 ນີ້ຢູ່ທີ່ບ້ານ ນາງົວ ເມືອງເງິນ ແຂວງ ໄຊຍະບູລີ ທ່ານ ຮອງສາສະດາຈານ ດຣ ສົມອົກ ກິ່ງສັກດາ ຄະນະພັກສູນກາງແນວລາວສ້າງຊາດ, ຮອງປະທານ ສູນກາງ ແນວລາວສ້າງຊາດ ແລະ ທ່ານຄຳສຸກທໍ່ ຮອງເລຂາພັກແຂວງ ກຳມະການ ສູນກາງ ແນວລາວສ້າງຊາດ ປະທານແນວລາວສ້າງຊາດ ແຂວງໄຊຍະບູລີ ພ້ອມດ້ວຍທີມງານແນວລາວສ້າງຊາດ ສູນກາງ ແລະ ແຂວງ ໄດ້ລົງປະເມີນຜົນການຈັດຕັ້ງປະຕິບັດຂະບວນການສ້າງຄອບຄົວ ແລະ ບ້ານສາມັກຄີປອງດອງຂອງແນວລາວສ້າງຊາດ ບ້ານນາງົວ ເຊິ່ງໃຫ້ກຽດຕ້ອນຮັບໂດຍທ່ານ ບຸນຈັນ ແສນສະຫວັດ ຄະນະປະຈຳພັກເມືອງ ປະທານກວດກາພັກ-ລັດເມືອງ ພ້ອມດ້ວຍຄະນະ, ອົງການຈັດຕັ້ງບ້ານ, ຕະຫຼອດຮອດພໍ່ແມ່ປະຊາຊົນບັນດາເຜົ່າພາຍໃນບ້ານເຂົ້າຮ່ວມຕ້ອນຮັບຢ່າງອົບອຸ່ນ.



ທ່ານ ຄຳ ຂັດຄຳ ຕ່າງໜ້າປະທານແນວລາວສ້າງຊາດບ້ານນາງົວກໍ່ໄດ້ຂຶ້ນລາຍງານ ການຈັດຕັ້ງປະຕິບັດຂະບວນການສ້າງຄອບຄົວ ແລະ ບ້ານສາມັກຄີປອງດອງ, ບ້ານນາງົວປະກອບມີ 247 ຄອບຄົວ, ມີ 25 ໜ່ວຍ ຄຸ້ມຄອງພົນລະເມືອງ, ມີພົນລະເມືອງທັງໝົດ 1,065 ຄົນ ຍິງ 560 ຄົນ, ມີ 3 ເຜົ່າຄື: ເຜົ່າລາວ, ລື້, ໄປຼ, ໄລຍະຜ່ານມາຄະນະແນວລາວສ້າງຊາດບ້ານໄດ້ເຮັດໜ້າທີ່ ເຕົ້າໂຮມຄວາມສາມັກຄີ, ມີການສຶກສາອົບຮົມການເມືອງແນວຄິດຢ່າງເປັນປົກກະຕິຕໍ່ເນື່ອງ ເຮັດໃຫ້ພາຍໃນບ້ານມີຄວາມສາມັກຄີ, ມີຄວາມສະຫງົບສຸກ, ຂະບວນການພັດທະນາເສດຖະກິດ-ສັງຄົມ ໄດ້ມີການຂະຫຍາຍຕົວ ອັນພົ້ນເດັ່ນແມ່ນ ມີກອງທຶນບ້ານ ແຕ່ລະປີ ກໍ່ໄດ້ເພີ່ມຂື້ນ, ປະຈຸບັນມີສຳມະຊິກກອງທຶນບ້ານ 410 ຄົນ, ມີເງິນກອງທຶນ 4,249,682,300 ກີບ. 


ຂະບວນການສ້າງຄອບຄົວ ແລະ ບ້ານສາມັກຄີປອງດອງໄດ້ຈັດຕັ້ງປະຕິບັດຢ່າງກວ້າງຂວາງ ແລະ ແຂງແຮງ ມາຮອດປະຈຸບັນນີ້ ມີຄອບຄົວທີ່ຮັບຮອງເປັນຄອບຄົວເຕົ້າໂຮມຄວາມສາມັກຄີດີມີ 234 ຄອບຄົວ, ກວມເອົາ 95,12% ແລະ ສາມາດປະກາດຮັບຮອງເປັນບ້ານຄວາມສາມັກຄີປອງດອງ ເປັນບ້ານທີ 4 ຂອງເມືອງ ໃນວັນທີ 14 ກໍລະກົດ 2015

ໂດຍ ອິນແປງ ແຫວນຄຳ











Post a Comment

0 Comments