ຫ້ອງການ-ການເງິນ ເມືອງເງິນ ສາມາດຈັດຕັ້ງປະຕິບັດເກັບລາຍຮັບ ໃນງວດ 1 ປີ 2018 ໄດ້ທັງໝົດ 143ກວ່າລ້ານກີບ

ກອງປະຊຸມສະຫຼຸບການຈັດຕັ້ງປະຕິບັດ ການເກັບລາຍຮັບຂອງຂະແໜງການທີ່ມີລາຍຮັບພາຍໃນເມືອງ ໄດ້ຈັດຂື້ນຢ່າງເປັນທາງການ ໃນວັນທີ 9 ພຶດສະພາ 2018 ນີ້ ຢູທີ່ສະໂມສອນ ເມືອງເງິນ ແຂວງ ໄຊຍະບູລີ. ພາຍໃຕ້ການເປັນປະທານ ຂອງທ່ານ ທະວິສັກ ໄຊຍະວົງ ຮອງເຈົ້າເມືອງ, ມີຄະນະກຳມະການຊຸກຍູ້ການຈັດເກັບລາຍຮັບຂອງເມືອງ, ຫົວໜ້າຫ້ອງການ,ກົມກອງ, ພະນັກງານທີ່ເຮັດວຽກງານການເງິນຂອງຂະແໜງການ-ກົມກອງ ທີ່ມີລາຍຮັບ ເຂົ້າຮ່ວມ.

 ທ່ານ ອຸດົມໄຊ ສົມສີ ຮອງຫົວໜ້າຫ້ອງການ-ການເງິນເມືອງ ໄດ້ຜ່ານບົດສະຫຼຸບ ການຈັດຕັ້ງປະຕິບັດ ເກັບລາຍຮັບຂອງຂະແໜງການທີ່ມີລາຍຮັບພາຍໃນເມືອງ ປະຈຳງວດ I ປີ 2018. ໄລຍະຜ່ານມາແມ່ນໄດ້ເອົາໃຈໃສ່ເຄື່ອນໄຫວ ຈັດເກັບລາຍຮັບເຂົ້າງົບປະມານ ໄດ້ຕາມແຜນການແລະ ເປັນປົກກະຕິ, ສະແດງອອກການຈັດຕັ້ງປະຕິບັດ ໃນງວດ 1 ປີ 2018 ສາມາດຈັດເກັບລາຍຮັບມອບເຂົ້າປະມານໄດ້ທັງໝົດ 143,621,000 ກີບ. ທຽບໃສ່ແຜນການປະຕິບັດໄດ້ 21,47 % ໃນນີ້ ຮັບຈາກຄ່າທຳນຽມ 24 ລ້ານກ່ວາກີບ, ຮັບຈາກຄ່າບໍ່ລິການ 52 ລ້ານກ່ວາກີບ,ຮັບຈາກກອງທືນຢາ 96 ລ້ານກ່ວາກີບ ແລະ ໜ່ວຍງານປະຕູດຽວ 19,ລ້ານກ່ວາກີບ ກີບ

ທິດທາງແຜນການໃນຕໍ່ໜ້າ  ສືບຕໍ່ຊຸກຍູ້ຂະບວນການຈັດເກັບລາຍຮັບ ແຕ່ລະຂະແໜງການ ໃນແຕ່ລະເດືອນ, ງວດ, ປີ ເປັນປະຈຳ ເພີ່ມທະວີຂອດປະສານງານກັບບັນດາຂະແໜງການ ທີ່ກ່ຽວຂ້ອງ , ກະຕຸກຊຸກຍູ້ຕິດຕາມກວດກາບັນດາຂະແໜງການທີ່ຍັງບໍ່ທັນແຂງແຮງ. ເພື່ອເຮັດໃຫ້ ການຈັດຕັ້ງປະຕິບັດ ການຈັດເກັບລາຍຮັບມອບເຂົ້າງົບປະມານໃນງວດ II ປີ 2018 ໃຫ້ບັນລຸ 195,459,000 ກີບ.

ໂດຍ: ອິນແປງ ແຫວນຄຳ



Post a Comment

0 Comments