ເມືອງເງິນ ຈັດພິທີປະຖະກະຖາ 2 ວັນປະຫວັດສາດ

ວັນທີ 17 ພຶດສະພາ 2018 ນີ້ ຢູ່ທີສະໂມສອນ ເມືອງເງິນ ແຂວງ ໄຊຍະບູລີ ໄດ້ຈັດພິທີປະຖະກະຖາ ວັນຜ່າວົງປິດລ້ອມຂອງກອງພັນທີ 2  ຂອງວິລະຊົນ ທົ່ງໄຫຫີນຊຽງຂວາງ ຄົບຮອບ 59 ປີ( 18 ພຶດສະພາ 1959- 18 ພຶດສະພາ 2018) ແລະ ວິລະກຳໂຕນຄຸກຢ່າງມະຫັດສະຈັນ ຂອງບັນດາທ່ານຜູ້ນຳຂອງພັກ ແລະ ແນວລາວສ້າງຊາດ ຄົບຮອບ 58 ປີ (24 ພຶດສະພາ 1960-24 ພຶດສະພາ 2018 ). ເຊີ່ງມີຄະນະປະຈຳພັກເມືອງ, ກຳມະການພັກເມືອງ, ຫົວໜ້າຫ້ອງການ, ອົງການ, ກົມກອງ, ດ່ານສາກົນນ້ຳເງິນ, ເລຂາໜ່ວຍພັກນາຍບ້ານ, ພະນັກງານວິຊາການເຂົ້າຮ່ວມຮັບຟັງ 192 ຄົນ, ຍິງ 45 ຄົນ.


ທ່ານ ສອນສຸກ ພວງແກ້ວ ຮອງເລຂາພັກເມືອງ ຮອງເຈົ້າເມືອງ ໄດ້ໃຫ້ກຽດຂື້ນເລົ່າຫວນຄືນມູນເຊື້ອ ຂອງການຜ່າວົງປິດລ້ອມຂອງກອງພັນທີ 2  ຂອງວິລະຊົນ ທົ່ງໄຫຫີນຊຽງຂວາງ ແລະ ວິລະກຳໂຕນຄຸກຢ່າງມະຫັດສະຈັນ ຂອງບັນດາທ່ານຜູ້ນຳຂອງພັກ ແລະ ແນວລາວສ້າງຊາດ ເຊີ່ງທ່ານໄດ້ຍົກໃຫ້ເຫັນມູນເຊື້ອ ອັນພິລະອາດຫານ ບໍ່ຍອມຈຳນົນ ຂອງກອງພັນທີ 2   ຈົນສາມາດຜ່າວົງປິດລ້ອມຂອງພວກສັດຕູ ໄຊຊະນະດັ່ງກ່າວເປັນໄຊຊະນະອັນໃຫຍ່ຫຼວງຂອງກຳລັງປະກອບອາວຸດ ທີ່ຢູ່ພາຍໃຕ້ການນຳພາຂອງພັກ ສະແດງໃຫ້ເຫັນວ່າ ສິນທຳ ຍາມໃດກໍ່ຊະນະອະທຳ.ຈາກນັ້ນ ຜູ້ເຂົ້າຮ່ວມຍັງໄດ້ຮັບຟັງ ວິລະກຳ ໂຕນຄຸກຢ່າງມະຫັດສະຈັນ ຂອງບັນດາທ່ານຜູ້ນຳຂອງພັກ . ເຊີ່ງເປັນເຫດການສຳຄັນປະຫວັດສາດຂອງຊາດລາວເຮົາ, ເປັນບົດຮຽນອັນລໍ່າຄ່າທີ່ສຸດ ໃຫ້ພະນັກງານ,ທະຫານ, ຕຳຫຼວດຕະຫຼອດຮອດປະຊາຊົນບັນດາເຜົ່າ ໄດ້ຮັບຮູ້-ເຂົ້າໃຈ ເພື່ອນຳບົດຮຽນໄປໝູນໃຊ້ເຂົ້າໃນໜ້າທີວຽກງານຕົວຈິງ.

ໂດຍ: ອິນແປງ ແຫວນຄຳ




Post a Comment

0 Comments