ກອງປະຊຸມສະຫຼຸບການຈັດຕັ້ງປະຕິບັດວຽກງານ 5 ປີ (2012-2017) ແລະ ທີດທາງແຜນການ 5 ປີ (2018-2022),ແຜນຍຸດທະສາດການພັດທະນາ ແຕ່ປີ 2018 -2025 ແລະ ວິໄສທັດຮອດ ປີ 2030 ຂອງຫ້ອງການພາຍໃນ

ກອງປະຊຸມສະຫຼຸບການຈັດຕັ້ງປະຕິບັດວຽກງານ 5 ປີ (2012-2017) ແລະ ທີດທາງແຜນການ 5 ປີ (2018-2022),ແຜນຍຸດທະສາດການພັດທະນາ ແຕ່ປີ 2018 -2025 ແລະ ວິໄສທັດຮອດ ປີ 2030 ຂອງຫ້ອງການພາຍໃນ ໄດ້ຂື້ນໃນວັນທີ່ 14 ພຶດສະພາ 2018 ນີ້ ຢູ່ທີສະໂມສອນ ເມືອງເງິນ ແຂວງ ໄຊຍະບູລີ ພາຍໃຕ້ການເປັນປະທານ ຂອງ ທ່ານ ສອນສຸກ ພວງແກ້ວ ຮອງເລຂາພັກເມືອງຮອງເຈົ້າເມືອງ, ເຂົ້າຮ່ວມເປັນກຽດ ມີ ທ່ານ ຄຳແພງ ຕັດສະຫວັດ ກຳມະການພັກແຂວງ ຫົວໜ້າພະແນກພາຍໃນ, ມີຄະນະປະຈຳພັກເມືອງ, ກຳມະການພັກເມືອງ, ຫົວໜ້າຫ້ອງການ, ກົມກອງ, ເລຂາໜ່ວຍພັກນາຍບ້ານ ແລະ ຜູ້ເຮັດວຽກງານພາຍໃນ ຂັ້ນບ້ານເຂົ້າຮ່ວມ 50 ຄົນ, ຍິງ 6 ຄົນ.

ທ່ານ ກອງຄຳ ປັນຍາສິດ ຫົວໜ້າຫ້ອງການພາຍໃນເມືອງ ໄດ້ຂື້ນຜ່ານບົດສະຫຼຸບວຽກງານພາຍໃນ. ໄລຍະ 5 ປີ ຜ່ານມາ ແມ່ນໄດ້ເອົາໃຈໃສ່ໂຄສະນາເຜີຍແຜ່ ບັນດານິຕິກຳຕ່າງໆ ໃຫ້ບັນດາພະນັກງານ,ທະຫານ, ຕຳຫຼວດ ຕະຫຼອດຮອດປະຊາຊົນບັນດາເຜົ່າ ໄດ້ທັງໝົດ 5 ຄັ້ງ. ຜ່ານການເຊື່ອມຊືມ ໄດ້ເຮັດໃຫ້ ພະນັກງານ,ທະຫານ, ຕຳຫຼວດ ຕະຫຼອດຮອດປະຊາຊົນບັນດາເຜົ່າ ມີຄວາມຮັບຮູ້ ແລະ ເຂົ້າໃຈຫຼາຍຂື້ນ ສະແດງອອກ ການມາຈົດທະບຽນການເກີດ, ການແຕ່ງງານ, ການຍົກຍ້າຍ, ແລະ ການເລື່ອນຊັ້ນ ຂັ້ນເງິນເດືອນຂອງພະນັກງານແມ່ນຖຶກຕ້ອງ       ສອດຄອງຕາມລະບຽບກົດໜາຍ

 ທິດທາງ ແຜນການ 5 ປີ ຕໍ່ໜ້າແຕ່ປີ(2018-2022),ແຜນຍຸດທະສາດການພັດທະນາ ແຕ່ປີ 2018 -2025 ແລະ ວິໄສທັດຮອດປີ 2030. ກອງປະຊຸມໄດ້ພ້ອມກັນປະກອບຄຳຄິດເຫັນເພື່ອເຮັດໃຫ້ວຽກງານພາຍໃນ ມີການເຄື່ອນໄຫວຢ່າງແຂງແຮງ ແລະ ພັດທະນາດີຂື້ນ.



ຕອນທ້າຍທ່ານ ຄຳແພງ ຕັດສະຫວັດ ກຳມະການພັກແຂວງ ຫົວໜ້າພະແນກພາຍໃນ ໄດ້ໃຫ້ກຽດໂອ້ລົມ ກ່ອນອື່ນ ທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານການຈັດຕັ້ງປະຕິບັດໃນໄລຍະຜ່ານມາ. ໃຫ້ພ້ອມກັນສືບຕໍ່ເຄື່ອນໄຫວ ນຳເອົາບັນດານິຕິກຳຕ່າງໆ ຂອງວຽກງານພາຍໃນລົງເຜີຍແຜ່ເຊື່ອມຊືມໃຫ້ ພະນັກງານ,ທະຫານ, ຕຳຫຼວດ ຕະຫຼອດຮອດປະຊາຊົນບັນດາເຜົ່າ ໃຫ້ກວ້າງຂວາງເລິດເຊີ່ງເຮັດປະຊາຊົນມີຄວາມຮັບຮູ້ເຂົ້າຕໍ່ວຽກງານດັ່ງກ່າວ

ໂດຍ: ສຸລິຍາ ແສງເດືອນ



Post a Comment

0 Comments