ພິທີທຳລາຍ ສີນຄ້າໝົດອາຍຸ

ເມືອງເງິນ ແຂວງໄຊຍະບູລີ ຈັດພິທີທຳລາຍ ສີ້ນຄ້າໝົດອາຍຸ ພິທີດັ່ງກ່າວໄດ້ຈັດຂື້ນ ໃນວັນທີ 10 ພຶດສະພາ 2018 ນີ້ ຢູ່ທີ່ຫ້ອງການອຸດສາຫະກຳ ແລະ ການຄ້າເມືອງ, ເຂົ້າຮ່ວມເປັນກຽດ ມີ ທ່ານ ທະວີສັກ ໄຊຍະວົງ ຮອງເຈົ້າເມືອງ, ມີຫົວໜ້າຫ້ອງການອຸສາຫະກຳ ແລະ ການຄ້າ, ມີຈຸງານເຈົ້າໜ້າທີກວດກາການຄ້າຂັ້ນເມືອງ, ພາກສ່ວນທີ່ກ່ຽວຂ້ອງ ຕະຫຼອດຮອດວິຊາການຫ້ອງການອຸດສາຫະກຳ ແລະ ການຄ້າເຂົ້າຮ່ວມ.



ທ່ານ ແກ້ວ ພັນທະມິດ ວິຊາການຂອງຈຸງານເຈົ້າໜ້າທີກວດກາການຄ້າຂັ້ນເມືອງ ໃຫ້ຮູ້ວ່າ ເລີ່ມແຕ່ວັນທີ 3 ເມສາ ຫາ ວັນທີ 3 ພຶດສະພາ 2018 ນີ້ ທາງຈຸງານເຈົ້າໜ້າທີກວດກາການຄ້າຂັ້ນເມືອງ ໄດ້ລົງຕິດຕາມກວດກາ ສີນຄ້າເກືອດຫ້າມ ສີນຄ້າໝົດອາຍຸ ແລະ ການຈຳໜ່າຍຢາສູບ ທີ່ບໍຖືກຕ້ອງ ຢູ່ບັນດາຫົວໜ່ວຍທຸລະກິດ, ຕະຫຼາດ, ແລະ ບັນດາຫ້າງຮ້ານຕ່າງໆ ພາຍໃນເມືອງ ລວມທັງໝົດ 22 ບ້ານ ໃນທົ່ວເມືອງ, ໄດ້ທັງໝົດ 84 ຫົວໜ່ວຍ; ໃນນີ້ມີຮ້ານຂາຍຍົກ-ຂາຍສົ່ງ 1 ຫົວໜ່ວຍ, ຂາຍຍ່ອຍທົ່ວໄປ 83 ຫົວໜ່ວຍ, ໄດ້ກວດພົບເຫັນສີນຄ້າ ທີ່ຫ້າມນຳເຂົ້າ ແລະ ສີນຄ້າທີ່ໝົດອາຍຸ 40 ລາຍການ ລວມມູນຄ່າ 12,768,000 ກີບ, ສ່ວນໃຫຍ່ ແມ່ນເຄື່ອງບໍລິໂພກ ແລະ ເຄື່ອງອຸປະໂພກຈຳນວນໝື່ງ ດັ່ງນັ້ນ ທາງເຈົ້າໜ້າທີ ຈື່ງຢຶດສີນຄ້າດັ່ງກ່າວ ເພື່ອນຳໄປທຳລາຍຖີ້ມ ຕາມລະບຽບກົດໝາຍ ນີ້ກໍ່ເພື່ອເປັນການປົກປ້ອງ ຊີວິດ, ຊັບສິນ ຂອງຜູ້ອຸປະໂພກ ແລະ  ບໍລິໂພກ ໃຫ້ໄດ້ນຳໃຊ້ສີນຄ້າ ທີ່ມີຄຸນນະພາບ ແລະ ໄດ້ຕາມມາດຕະຖານ .

ໂດຍ: ອິນແປງ ແຫວນຄຳ

 



Post a Comment

0 Comments