ສຫ ນາງ ຄຳຜິວ ພັນທະວົງ ກຳມະການສູນກາງຊາວໜຸ່ມ, ເລຂາຄະນະບໍລິຫານງານຊາວໜຸ່ມ ແຂວງໄຊຍະບູລີ ພ້ອມດ້ວຍທີມງານ ເຄື່ອນໄຫວຢ້ຽມຍາມ ແລະ ຊຸກຍູ້ວຽກງານຊາວໜຸ່ມ ຢູ່ເມືອງເງິນ.

ວັນທີ 10 ພຶດສະພາ 2018 ນີ້ ສະຫາຍ ນາງ ຄຳຜິວ ພັນທະວົງ ກຳມະການສູນກາງຊາວໜຸ່ມ, ເລຂາຄະນະບໍລິ ຫານງານຊາວໜຸ່ມ ແຂວງ ພ້ອມດ້ວຍທີມງານໄດ້ລົງເຄື່ອນໄຫວ ຢ້ຽມຢາມ ແລະ ຊຸກຍູ້ວຽກງານຊາວໜຸ່ມ ຢູ່ເມືອງເງິນ, ແຂວງ ໄຊຍະບູລີ, ເຊີ່ງມີເລຂາຄະນະບໍລິຫານຊາວໜຸ່ມເມືອງ, ເລຂາຊາວໜຸ່ມໜ່ວຍ ອອ້ມຂ້າງ ຕະຫຼອດຮອດສາມາ ຊິກຊາວໜຸ່ມ, ໄວໜຸ່ມ ທົ່ວເມືອງເຂົ້າຮ່ວມ.

ສະຫາຍ ຕຸ້ຍ ພົມມະຫານ ຮອງເລຂາຄະນະບໍລິຫານງານຊາວໜຸ່ມເມືອງ ກໍ່ໄດ້ລາຍງານສະພາບການຈັດຕັ້ງປະ ຕິບັດ ວຽກງານຮອບດ້ານຂອງຊາວໜຸ່ມເມືອງ. ປະຈຸບັນທົ່ວເມືອງ ມີໜ່ວຍຊາວໜຸ່ມທັງໝົດ 50 ໜ່ວຍຮາກຖານ ແລະ ມີ 1 ຄະນະຮາກຖານ, ມີສະມາຊິກຊາວໜຸ່ມປະຊາຊົນປະຕິວັດລາວທັງໝົດ 1.878 ສະຫາຍ, ຍິງ 773 ສະ ຫາຍ, ປະກາດເປັນໜ່ວຍ 4 ບຸກ ແລ້ວ 46 ໜ່ວຍ, ໄລຍະຜ່ານມາຄະນະບໍລິຫານງານຊາວໜຸ່ມເມືອງ ແມ່ນໄດ້ຖື ເອົາວຽກງານ ສຶກສາອົບຮົມການເມືອງແນວຄິດ ໃນການຈັດຕັ້ງເຄື່ອນໄຫວວຽກງານ ດ້ວຍຫຼາຍຮູບແບບ, ຫຼາຍວິທີ ເຊີ່ງສະແດງອອກ ໃນການປະຕິບັດຂໍ້ແຂ່ງຂັນ 4 ບຸກ ປະຕິບັດໄດ້ 86,23%



ຕອນທ້າຍ ຂອງພິທີຍັງໄດ້ຮັບຟັງການໂອ້ລົມ ຂອງສະຫາຍ ນາງ ຄຳຜິວ ພັນທະວົງ ກຳມະການສູນກາງຊາວ ໜຸ່ມ,  ເລຂາຄະນະບໍລິຫານງານຊາວໜຸ່ມແຂວງ ເຊິ່ງສະຫາຍໄດ້ເໜັ້ນໜັກ ໃຫ້ຄະນະບໍລິຫານຊາວໜຸ່ມເມືອງ. ເອົາໃຈ ໃສ່ສືບຕໍ່ສຶກສາອົບຮົມການເມືອງແນວຄິດໃຫ້ເປັນປົກກະຕິຕໍ່ເນື່ອງ, ໂດຍຍຶດໜັ້ນທັດສະນະຂອງພັກ, ເພີ່ມທະວີ ເອົາໃຈໃສ່ເຊື່ອມຊືມແນວທາງຂອງພັກ, ມະຕິຄຳສັ່ງ, ຂໍ້ກຳນົດກົດລະບຽບ, ຂໍ້ແຂ່ງຂັນ 4 ບຸກຂອງຊາວໜຸ່ມ ມາເປັນ ເນື້ອໃນ, ຄາດໝາຍ ເຜີຍແຜ່ໃຫ້ສະມາຊິກຊາວໜຸ່ມ,ພ້ອມກັນຕ້ານປະກົດການຫຍໍ້ທໍ້ ທີ່ຈະເກີດຂຶ້ນກັບສະມາຊິກຊາວ ໜຸ່ມ-ໄວໜຸ່ມ ເປັນຕົ້ນແມ່ນ ບັນຫາຢາເສບຕິດ, ບັນຫາສັງຄົມ ແລະ ບັນຫາອື່ນໆ.                        ຈາກນັ້ນທາງທີມງານຄະນະບໍລິຫານງານຊາວໜຸ່ມແຂວງ ຍັງໄດ້ລົງພົບປະ ແລະ ຊຸກຍູ້ວຽກງານຊາວໜຸ່ມຢູ່ທີ ບ້ານທອງ ອີກດ້ວຍ.

ໂດຍ: ອິນແປງ ແຫວນຄຳ



Post a Comment

0 Comments