ເມືອງເງິນ ຈັດກອງປະຊຸມ ສະຫຼຸບຕີລາຄາຄືນຜົນງານການຈັດຕັ້ງປະຕິບັດວຽກງານການຈັດຕັ້ງກໍ່ສ້າງພັກ-ພະນັກງານ

ວັນທີ 3ພືດສະພາ 2018ນີ້ຢູ່ສະໂມສອນ ເມືອງເງິນ ແຂວງໄຊຍະບູລີ ໄດ້ເປີດກອງປະຊຸມ ສະຫຼຸບຕີລາຄາຄືນຜົນງານການຈັດຕັ້ງປະຕິບັດວຽກງານການຈັດຕັ້ງກໍ່ສ້າງພັກ-ພະນັກງານໃນໄລຍະ 1 ປີ ຜ່ານມາ ພາຍໃຕ້ການເປັນປະທານຂອງ ສະຫາຍ ບຸນມີ ຈັນທີບ ກຳມະການພັກແຂວງ, ເລຂາຄະນະບໍລິຫານງານພັກເມືອງ ເຈົ້າເມືອງໆເງິນ, ມີບັນດາສະຫາຍຄະນະປະຈຳພັກເມືອງ, ກຳມະການພັກເມືອງ, ເລຂາຄະນະພັກຮາກຖານກຸ່ມບ້ານ, ເລຂາໜ່ວຍພັກນາຍບ້ານ, ເລຂາໜ່ວຍພັກກົມກອງຫ້ອງການ, ໂຮງຮຽນ, ໂຮງໝໍ ແລະ ຜູ້ເຮັດວຽກຈັດຕັ້ງກວດການທົ່ວເມືອງເຂົ້າຮ່ວມທັງໝົດ 106 ສະຫານ, ຍິງ 13 ສະຫາຍ.

ກອງປະຊຸມ ສະຫາຍນາງ ສີຈົມ ບຸນມານະທຳ ກຳມະການພັກເມືອງ ຫົວໜ້າຄະນະຈັດຕັ້ງເມືອງ ໄດ້ຂຶ້ນຜ່ານບົດສະຫຼຸບ ຕີລາຄາຄືນຜົນງານການຈັດຕັ້ງປະຕິບັດວຽກງານການຈັດຕັ້ງ ກໍ່ສ້າງພັກ-ພະນັກງານໃນໄລຍະ 1 ປີ ຜ່ານມາ ໂດຍຕິດພັນກັບ ວຽກງານ ການເຄື່ອນໄຫວຂອງວຽກງານກວດກາປະຈຳປີ2017  ທົ່ວເມືອງມີໜ່ວຍພັກທັງໝົດ 57 ໜ່ວຍ ມີສາມາຊິກພັກທັງໝົດ886 ສະຫາຍ, ຍິງ181 ສະຫາຍ. ທິດທາງແຜນການປີ 2018 ສືບຕໍ່ໂຄສະນາສຶກສາອົບຮົມການເມືອງແນວຄິດໃຫ້ສະມາຊິກພັກ ພະນັກງານໃຫ້ເນື່ອງນິດລຽນຕິດເພື່ອແນ່ໃສ່ສ້າງສະມາຊິກພັກໃຫ້ມີຄວາມປອດໃສເຂັ້ມແຂງໜັກແໜັນ,ໃນກອງປະຊຸມໄດ້ພ້ອມກັນສຸມສະຕິປັນຍາ ປະກອບຄຳຄິດ-ຄຳເຫັນຕໍ່ບົດສະຫຼຸບຊອກໃຫ້ເຫັນຈຸດອ່ອນ  ຂໍ້ຄົງຄ້າງໃນໄລຍະທີ່ຜ່ານມາ ເພື່ອພ້ອມປັບປຸງຍົກບົດບາດການນຳພາຂອງແຕ່ລະໜ່ວຍພັກໃຫ້ນັບມື້ດີຂື້ນ ໂດຍເລັ່ງໃສ່ສ້າງໜ່ວຍພັກໃຫ້ເປັນໜ່ວຍພັກເຂັ້ມແຂງຮູ້ນຳພາຮອບດ້ານ



ຕອນທ້າຍຂອງກອງປະຊຸມແມ່ນໄດ້ພ້ອມກັນເຊື້ອມຊືມຄຳສັ່ງແນະນຳເລກທີ 01 ຂອງກົມການເມືອງສູນກາງພັກລົງວັນທີ 3 ມັງກອນ 2018 ວ່າຍດ້ວຍການເພີ່ມທະວີ ການກໍ່ສ້າງໜ່ວຍພັກ ປອດໃສເຂັ້ມແຂງໜັກແໜັນ, ເອກະສານວ່າດ້ວຍການຄຸ້ມຄອງພະນັກງານ, ເອກະສານການສ້າງແຜນກຳນົດພະນັກງານນຳພາ, ເອກະສານວ່າດ້ວຍມາດຕະຖານຂອງພະນັກງານນຳພາຄຸ້ມຄອງ, ບົດແນະນຳເພີ່ມເຕີມເລກທີ 04/ຄກສພ ລົງວັນທີ 5 ມັງກອນ 2018 ກ່ຽວກັບສິດຕົກລົງວິໄນຂັ້ນກ່າວເຕືອນປ່ຽນແປງ ຫຼື ລົບລ້າງຮູບການວິໄນຂອງຄະນະກວດກາພັກແຕ່ລະຂັ້ນ, ເອກະສານວ່າດ້ວຍການຕິດຕາມກວດກາການຈັດຕັ້ງປະຕິບັດຜົນກວດກາ ແລະ ເອກະສານທີ່ສຳຄັນອື່ນໆ ອີກຈຳນວນໜຶ່ງ

ໂດຍ: ສຸລິຍາ ແສງເດືອນ




Post a Comment

0 Comments